Ucuz təyyarə biletləri

Tofiq Heydərov: "I Avropa Oyunları Azərbaycanın ev sahibliyi etdiyi ən möhtəşəm tədbirdir"

Tarix:  22.06.15 12:06           Yazar:  Rekord.az           Oxunub: 296 dəfə

Müasir Azərbaycanın tarixində əlamətdar hadisələr, möhtəşəm və dövlətçiliyimizi şərəfləndirən nailiyyətlər çoxdur. İyunun 12-də təntənəli açılışı keçirilən I Avropa Oyunları da müstəqil dövlətçiliyimizin qürur doğuran uğurlarından biridir. Həmin gün bütün dünya Azərbaycanı yenidən tanıdı. Beynəlxalq ictimaiyyət tarixdə ilk dəfə keçirilən bu idman müsabiqəsinin açılış mərasiminin fonunda inkişaf edən, gündən-günə yüksələn, hər sahədə ortaya qoyduğu yüksək nümunələrlə dünyanın diqqətini cəlb edən respublikamızı bir daha yaxından gördü.


Mən də I Avropa Oyunlarının açılışını Bakı Olimpiya Stadionunda izləyən tamaşaçılar arasında idim. Öncə onu qeyd edim ki, Bakı Olimpiya Stadionu indiyədək nəinki ölkəmizdə, regionumuzda və Avropada həyata keçirilən ən möhtəşəm idman qurğularından biridir və əsrarəngiz gözəlliyi ilə hər kəsin diqqətini çəkir. Burada keçirilən I Avropa Oyunlarının açılışı da stadionun özü qədər möhtəşəm və qürurverici idi. Mən bir çox mötəbər idman yarışlarının açılış mərasimlərini izləmişəm. Lakin I Avropa Oyunlarının açılışı bunların arasında ən möhtəşəmi idi. Bu mərasimin ən mühüm cəhəti isə onun əvvəldən axıra kimi məhz xalqımızın milli-mənəvi dəyərlərini özündə əks etdirməsiydi. Hər birimiz xalqımıza I Avropa Oyunlarının həyəcanını, sevincini yaşatdığı üçün Prezident İlham Əliyevə, Azərbaycanın birinci xanımı, Heydər Əliyev Fondunun prezidenti, I Avropa Oyunlarının Təşkilat Komitəsinin sədri Mehriban xanım Əliyevaya minnətdarıq.
İdmançı kimi 1996-cı il Atlanta Yay Olimpiya Oyunlarının və digər beynəlxalq turnirlərin iştirakçısı, eyni zamanda ağırlıqqaldırma üzrə idman yarışlarının təşkilatçısıyam. Bir idman tədbirinin təşkilinin hansı zəhmət hesabına başa gəldiyini yaxşı bilirəm. Hələ 19 il əvvəl Atlanta Yay Olimpiya Oyunlarında təşkilatçılığın yüksək səviyyəsi məni heyran etmişdi. Amma indi Azərbaycanın I Avropa Oyunları ilə bağlı həyata keçirdiyi hazırlıq işlərini sözlə ifadə etmək çox çətindir. Çünki I Avropa Oyunlarının təşkilatçılıq işləri istənilən Yay Olimpiya Oyunlarından daha yüksək və ideal səviyyədədir. Bütün bunlar cəmi 2 il ərzində Mehriban Əliyevanın rəhbərliyi ilə Təşkilat Komitəsinin öz vəzifələrinin öhdəsindən layiqincə gəldiyini göstərir. İki ilə Bakının idman infrastrukturunun olimpiya oyunları səviyyəsində olan bir idman yarışının keçirilməsi üçün tam hazır vəziyyətə gətirilməsi həqiqətən gərgin, çevik və fədakar fəaliyyət tələb edir. Lakin Təşkilat Komitəsi bu işin öhdəsindən layiqincə gəldi.


İlk Avropa Oyunlarının açılış mərasimini izləyərkən yadıma dövlət müstəqilliyimizin ilk illəri düşdü. Hansı ki, o illərdə biz nəinki belə mötəbər, hətta kiçik idman tədbirlərinə belə evsahibliyini sadəcə xəyal edə bilərdik. Ən acınacaqlısı o illərdə idmanın tamamilə diqqətdən kənarda qalması, tənəzzülə uğraması idi. İdmanın bu vəziyyətdən çıxarılması və inkişaf etdirilməsi üçün ilk növbədə dövlətin idmana münasibətində dəyişiklik yaranmalı idi. Belə dəyişiklik 1993-cü ildə xalqımızın ümummilli lideri Heydər Əliyevin xilaskarlıq missiyasını öz üzərinə götürməsindən sonra başlandı. Xalqın tələbi ilə hakimiyyətə qayıdan bu dahi insan ölkədəki xaosu sabitliyə çevirəndən sonra tezliklə idmanı da diqqət mərkəzinə gətirdi. Tezliklə idmana münasibət kökündən dəyişdi.


Ulu öndər əldə edilmiş nəticələrlə vaxtaşırı maraqlanır, idmançı və məşqçilərin əməyini yüksək dəyərləndirirdi. Yaxşı xatirimdədir, əldə edilmiş nailiyyətləri təhlil edən, idmançı və məşqçilərin zəhmətini yüksək qiymətləndirən Heydər Əliyev 1995-ci ilin mart ayında ölkəmizin milli komandasının Atlanta Yay Olimpiya Oyunlarına hazırlığını nümayiş etdirmək məqsədilə keçirilən idman baxışında iştirak etmişdi. Həmin görüşdə ulu öndər idmançıların və onların məşqçilərinin, eləcə də idman xadimlərinin işinə yüksək qiymət verərək respublikada idmanın bütün qayğılarını dövlətin öz üzərinə götürdüyünü bəyan etdi.


Biz Atlanta Yay Olimpiya Oyunları ərəfəsində cəmi bir dəfə təlim-məşq toplantısı keçirmişdik. İdman infrastrukturu zəif idi, lakin, dövlətin bu sahədə irəliləyişə nail olmaq üçün böyük iradəsi vardı. 1997-ci ildə cənab İlham Əliyevin MOK-un prezidenti seçilməsi ilə respublikamızda idmanın inkişafında yeni mərhələnin əsası qoyuldu. Azərbaycanın Olimpiya Oyunlarında layiqincə təmsil olunmasını təmin etmək, idmanın bütün növlərini inkişaf etdirmək, idmançı uğurunu və əməyini qiymətləndirmək, ölkədə idmanın maddi-texniki bazasını inkişaf etdirmək kimi məsələlər MOK-un fəaliyyətinin prioritet istiqamətləri kimi müəyyən olundu. Tezliklə MOK öz idman obyektlərinin tikintisinə başladı, bununla da Olimpiya hərəkatı keyfiyyətcə yeni mərhələyə qədəm qoydu. İyunun 12-də I Avropa Oyunlarının açılış mərasimini izləyərkən bütün bunlar kinolenti kimi gözümün önündən keçdi və müstəqillik dövründə idmanımızın tənəzzüldən bu səviyyəyə gəlib çıxması, keçdiyi inkişaf yolu, Azərbaycanın idman ölkəsinə çevrilməsi məndə qürur hissi doğurdu.


Ölkəmizdə idmanın inkişafına dövlət səviyyəsində göstərilən yüksək dəstək ayrı-ayrı idman klublarının uğurlu fəaliyyətini təmin etməklə, onların Azərbaycan idmanının yüksəlişinə verdikləri töhfələrlə müşayiət olunur. Bu sırada “Zirvə İdman Kompleksi” MMC-nin nəzdində fəaliyyət göstərən “Zirvə” İdman Klubu Azərbaycan idmanında liderlərdən biridir. Xüsusən Azərbaycan ağır atletikasının şəksiz lideri olan klubumuz fəaliyyəti dövründə onlarla gənc və yeniyetmə idmançını Avropa və dünya çempionatlarının qalibi və mükafatçıları kimi yetişdirməyə müvəffəq olub.


Klubumuzun Lənkəran, Sumqayıt, Xırdalan, Masazır, Astara, Lerik, Şamaxı, Neftçala, Samux, Goranboy, Qazax, İsmayıllıda olan idman kompleksləri və məşq zallarında idmançılara ən yüksək şərait qurulub. Beynəlxalq layihəmiz olan “Zirve İnternational Sport Clubs” çərçivəsində isə Türkiyənin paytaxtı Ankarada və Moldovanın paytaxtı Kişinyovda idman kompleksləri inşa olunub. İran, Rusiya, Bolqarıstan, Gürcüstan, Ukrayna, Polşa, Belarus və ABŞ-da məşq zallarımızda idman klubumuzun bölmələri fəaliyyət göstərir.


“Zirvə” İdman Klubunda idmanın gimnastika, ağır atletika, cüdo, futbol kimi növləri ilə məşğul olmaq üçün geniş imkanlar var. Fərəh hissi ilə qeyd etmək istəyirəm ki, I Avropa Oyunlarında “Zirvə” İdman Klubunun üzvü olan iki idmançı cüdo və sambo üzrə ölkəmizi təmsil edirlər. İnanıram ki, onlar uğurlu çıxışları ilə ilk növbədə ölkəmizin adını, eyni zamanda “Zirvə” İdman Klubunun şöhrətini ucaldacaqlar.


I Avropa Oyunları artıq özünün həlledici mərhələsinə qədəm qoyub. İndiyə kimi bir neçə idman növü üzrə idmançılarımız qızıl, gümüş və bürünc medallar qazanıblar. Təbii ki, medallarımızın sayı çox olacaq və idmançılarımız bu günlərdə bizlərə çoxsaylı qələbə sevincini yaşadacaqlar. Eyni zamanda iyun ayının 28-dək bütün dünya Azərbaycanın yüksək evsahibliyini, qonaqpərvərliyini, mədəniyyətini görəcək və ölkəmizi daha yaxından tanıyacaq.


Bütövlükdə, I Avropa Oyunları Azərbaycanın ən möhtəşəm uğurlarından biri kimi tariximizə qızıl hərflərlə həkk olunacaq. I Avropa Oyunları ilə həm də Azərbaycan bu qitə yarışına öz möhürünü vuracaq. Çünki Azərbaycan Avropa Oyunlarının standartlarını da müəyyənləşdirdi və gələcəkdə keçiriləcək növbəti Oyunlarda Azərbaycanın təcrübəsi əsas götürüləcək.


 
Tofiq HEYDƏROV,
Atlanta Yay Olimpiya Oyunlarının iştirakçısı,
“Zirvə” İdman Klubunun təsisçisi
Mənbə: Azərbaycan qəzeti

 

* Xəbərə şərh yoxdur
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Amal Abuşov
Prosineçki niyə qeyri-səmimidir?
2017-09-05  // 0 Şərh
Amal Abuşov
Prosineçkinin gələn cismi, qalan ruhu
2017-08-22  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
“Şahdağ”ın I Diviziona buraxılmamasının əsl səbəbi məlum oldu - ÖZƏL!
"Göyçə" I Diviziona buraxılsa baş məşqçi kim olacaq?
"Sumqayıt"a lazım olmayan futbolçu "Vətən"lə müqavilə bağladı
Regional Liqa necə olmalıdı: “Rekord.az”dan AFFA-ya təklif!
AFFA və PFL-in yeni çempionat ideyası nə vəd edir? - ARAŞDIRMA YAZI
Nizami Hacıyev: Zaur Axundovu razı salın, gəlim "Neftçi"yə
Millimizin sabiq üzvü tanınmamış respublikanın komandası ilə müqavilə bağladı
Emin Mahmudov "Neftçi"ni məcburiyyətdən seçib
"Göyəzən" fəaliyyətini dayandırdı!
RƏZALƏT: "İnter" xanımları zorla stadiona gətirir

Xəbər Lenti
20 Sentyabr 2017
13:00 "Kəpəz"in sabiq futbolçusu 5 ilədək həbs oluna bilər!
12:40 İvan Rakitiç: “Robert Prosineçki olmaq istəyirdim”
12:21 Super Liqa klubunda yeni baş məşqçi
12:00 Avropada ən yaxşı gənc futbolçu adına namizədlər - SİYAHI
11:30 60 illik yubileydə 6:6 hesablı heç-heçə
11:00 Aqil Nəbiyev: "AFFA neçə kluba baxa bilər?" - MÜSAHİBƏ
10:00 "Bakı"ya yeni sponsor tapıldı?
00:10 Eratlı “Duysburq” səfərdən 1 xalla döndü
19 Sentyabr 2017
23:26 Nazarovun komandası “Kayzerslautern”ə qalib gəldi
22:23 “Qarabağ” “Kəpəz”ə də uduzdu
22:04 AVRO-2017: Millimizin rəqibi heyətini açıqlayıb
21:41 Ziya oynadı, komandası Hollandiya Kubokunda mərhələ adladı
20:05 “Şüvəlan” “Xəzər”ə qalib gəldi
19:23 Millimiz yenə italyanlarla bacarmadı
18:48 Yığmamız Avropa birinciliyində iştirak edəcək
18:00 "Energetik" Regional Liqada oynamaq istəyir
17:45 Premyer Liqada 6-cı turun oyun cədvəli
17:30 6-cı turun oyun cədvəli bəlli oldu
17:15 PFL “Kəpəz” – “Səbail” matçının yerini dəyişdi
17:00 AFFA və PFL-in yeni çempionat ideyası nə vəd edir? - ARAŞDIRMA YAZI
16:48 “Sumqayıt” – "Qarabağ" matçının vaxtı açıqlandı
16:22 Almaniya - Azərbaycan: biletlərin qiymətində endirim
16:00 Çempionlar Liqasının finalı Bakıda olacaq?
15:54 Elxan Məmmədov: “Qərar sabah məlum olacaq”
15:48 “Kəpəz”in baş məşqçisi yeni məqsədini açıqladı
15:31 Millimizin 7 velosipedçisi dünya çempionatında
15:00 Nizami Hacıyev: Zaur Axundovu razı salın, gəlim "Neftçi"yə
14:12 Rauf Əliyev oynadı, “Kukesi” xal itirdi
14:05 “Qarabağ” - “Roma”: 45 000 bilet satılıb!
14:00 Emin Mahmudov "Neftçi"ni məcburiyyətdən seçib
13:45 Sloveniyada tarix yazan cüdoçularımız Bakıya döndülər VİDEO
13:22 “Qəbələ”dən ardıcıl 5-ci qələbə
13:00 "Sumqayıt"a lazım olmayan futbolçu "Vətən"lə müqavilə bağladı
12:34 Araz Abdullayev APOEL üzərində qələbəyə sevindi
12:22 “Binə”dən daha 2 transfer
12:12 “Qazprom”dan “Rekord.az”a təşəkkür məktubu gəldi!
12:00 Millimizin sabiq üzvü tanınmamış respublikanın komandası ilə müqavilə bağladı
11:00 "Göyçə" I Diviziona buraxılsa baş məşqçi kim olacaq?
10:00 "Neftçi"nin prezidentini SOCAR-a çağırıb danladılar və dekabra kimi vaxt verdilər
18 Sentyabr 2017
23:30 "Sumqayıt"ın və "Xəzər Lənkəran"ın sabiq üzvü qəzaya düşdü
22:50 Ümudünya Avtomobilsiz Gününə həsr olunmuş yürüş keçiriləcək
21:33 Azərbaycan millisi Nalçikə yollandı
20:23 “Roma” ilə matçı stadiondan izləməyə hazırlaşanların nəzərinə
20:00 Dibala Messi ilə müqayisə olunmaq istəmir: "O, bir əfsanədir"
19:30 Yığmamız Avropa birinciliyində mübarizəyə başlayır
19:25 Runi 2 il maşın sürə bilməyəcək
18:43 "Anderlext"in baş məşqçisi qovuldu
18:22 Azərbaycan - Çexiya matçı 50 manata
18:13 “Beşiktaş”ın futbolçuları milli komandamıza çağırıldı
18:00 "İnter" rəhbərliyi söz verdi: sabah maaş olmalıdır
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.