Ucuz təyyarə biletləri

"Ənənə"sinə sadiq "Sumqayıt": dəyişmək vaxtıdır - YAZI

Tarix:  23.03.16 17:03           Yazar:  Rekord.az           Oxunub: 630 dəfə
Cari mövsüm  hələ davam edir, çempionatın başa çatmasına 11 tur qalıb. Lakin indidən “Sumqayıt"ın bu mövsüm də birinciliyi autsayderlər qrupunda başa vuracağını əminliklə söyləyə bilərik. Komanda 5 mövsümdür Premyer Liqada mübarizə aparır. Gəl ki, indiyə kimi ən yaxşı halda sondan ikinci yeri tutub. Bu il “Rəvan" və “Xəzər Lənkəran"ın zəif çıxışı fonunda komanda yəqin ki, tilsimi qıracaq. Amma buna qətiyyən uğur adı vermək olmaz. Komanda yeni yarananda yığma komandaların bazası, Azərbaycan futbolunun gələcəyinin cəmləşdiyi klub kimi təqdim edilmişdi. Deyəsən, o vaxt təqdimat düzgün olmayıb.
 
“Şəhər"li başlanğıc və ya alman-türk klubu
 
Ötən 5 ildə azarkeşlər fərqli “Sumqayıt" gördülər. 2011-ci ilə “Sumqayıt Şəhər" kimi başlayan komandaya o vaxt müxtəlif yığma komandalarda yer alan futbolçular cəlb olundu.  Özü də həmin futbolçuların bəziləri azərbaycanlı, yerli deyildilər. Komandanın düşərgəsində Andrey Popoviç, Abdulla Avatsiyev kimi legionerlər də forma geyinirdilər. Baş məşqçi də gəlmə idi - alman Bernhard Raab. Bununla belə, heyətin böyük əksəriyyətinin yerli futbolçulardan təşkil olunması xoş idi. İlk mövsüm olduğu üçün heç kim bu komandanın “üstünə getmədi", çempionatın sonunda autsayder olduğu üçün onları qınayan tapılmadı.
 
Növbəti mövsümlərdə  strategiya bir qədər dəyişdi. Yəni, legionersiz, yalnız yerli futbolçulardan təşkil olunan komanda. Ancaq bu üzdə belə görünürdü. Heyətdə oynayan əcnəbi futbolçuların pasportuna “Azərbaycan vətəndaşı" yazılsa da, milliyyət məsələsində işlər dəyişdi. Düşərgəyə Türkiyədən, Almaniyadan qeyri-azərbaycanlı futbolçular cəlb olundu və onlara Azərbaycan pasportu verildi. Ancaq bu variant da gözlənilən effekti vermədi. Həmin alman-türk futbolçular ortaya ciddi heç nə qoymadılar. Əksinə, bir çox oyunlarda kobud səhvləri ilə yadda qaldılar. Görünür, bu səbəbdən mövsüm başa çatar-çatmaz onlardan imtina olundu, 
 
3 mövsüm “Sumqayıt"da işləyən və komandaya heç bir uğur qazandırmayan alman Raabın gedişindən sonra postu Aqil Məmmədov təhvil aldı. Əslində, bu posta başqa məşqçilər də namizəd idi. Həm legioner, həm də Nazim Süleymanov, Şahin Diniyev və Arif Əsədov kimi yerlilər. Lakin klubun autsayder və iddiasız olması bu məşqçilərin “Sumqayıt"da çalışmasına imkan vermədi. Yekunda rəhbərlik əlacsız qalıb baş məşqçi postunu Aqil Məmmədova tapşırdı. İnsaf naminə deyək ki, Aqil müəllimin dövründə komandanın yaxşı oyunları az olmadı. Ən vacibi, “Sumqayıt" rəqibləri üçün başağrısına çevrildi. Lakin əsas olan nəticə idi ki, o dəyişmirdi.  Burada baş məşqçini qınamaq olmazdı. Çünki yaxşı nəticə qazanmaq, yüksək yerlər tutmaq üçün yaxşı futbolçular lazımdır. Yaxşı futbolçunu isə yaxşı büdcə ilə alarlar. “Sumqayıt"ın büdcəsinin 1 milyon manat civarında olmasını nəzərə alsaq... Məhz bu məqama görə klubun prezidenti Kamran Quliyevi qınamaq olmur. Quliyev mövcud imkanlar daxilində nələrsə etməyə nail olur. Amma həm onun, həm də baş məşqçinin komandada görmək istədiyi futbolçuları transfer etmək üçün mütləq əlavə pul lazımdır. 
 
Samir Abasov da xilaskar olmadı
 
Yaxşı büdcə olmayınca, Aqil Məmmədovun dediyi kimi, “futbolçu olmayan" futbolçularla oynamağa məcbur olursan ki, həmin “futbolçular" da axırda sənə torba tikirlər. Samir Abbasovun gəlişindən sonra iki tur ard-arda tam fərqli nəticələr oldu, “Sumqayıt" səfərdə “İnter"i məğlub edib, “Qarabağ"la heç-heçə oynadı. Hər kəs xilaskarın tapıldığını düşünürdü. Lakin az sonra məlum oldu ki, bu iki oyunda qazanılan nəticələr də təsadüfi imiş. Yəni “Sumqayıt" elə həmin “Sumqayıt"dı.  Çünki səfərdə “İnter" və “Qarabağ"dan 4 xal alan komanda bunun təsadüfi olmadığını sübut edə bilmədi və evdə “Kəpəz", “Rəvan" kimi komandalara məğlub oldu.  
 
Xırda uğurlar var, amma...
 
İnsaf naminə, mövcud olduğu 6 ildə “Sumqayıt"ın bütünlüklə uğursuz klub olduğunu demək olmaz. Komanda bu müddətdə müəyyən qazanc götürməyə nail olub. Nəticə baxımından olmasa da, maliyyə baxımından. Neçə-neçə futbolçu məhz “Sumqayıt"da parlayıb, iddialı klublara keçib. Bədavi Hüseynovun,  Ruslan Qurbanovun, Abdulla Abatsiyevin, Andrey Popoviçin, Hacı Əhmədovun, Orxan  Əliyevin, Rəhman Hacıyevin, Elşən Allahverdiyevin, Səlahət Ağayevin, Məhəmməd Mİrzəbəyovun, Məhəmməd Qurbanovun və digərlərinin adlarını çəkmək olar. Maraq üçün deyək ki, “Sumqayıt" bir vaxtlar Orxan Əliyevi “Xəzər Lənkəran"a 60 min dollara, Məhəmməd Qurbanovu isə “Neftçi"yə 40 min dollara satmışdı.  Bədavi Hüseynovun “Qarabağ"a, Uğur Pamukun isə “Xəzər Lənkəran"a transferi də Sumqayıt klubuna yaxşı pul qazandırmışdı.
 
Dəyişikliklər vacibdir
 
Lakin bütün bunların nəticə baxımından uğur sayılmamalıdır. Çünki kluba xeyri dəymir. Hesab edək ki, hansısa futbolçu yaxşı qiymətə başqa kluba satılıb. Burdan ilk növbədə qazanan klubun qeyri-rəsmi sahibi AFFA olur. Yəni, bu transferlərin nə büdcəyə faydası var, nə də azarkeşlərə. Hər nə qədər deyilsə də məqsəd Azərbaycan futboluna yeni futbolçular qazandırmaqdır, fakt budur ki, əsl Sumqayıt azarkeşi bu nəticələri qəbul etmir.  Cari mövsüm komandanın Avropa Liqasına yollanması üçün əla şans yaranmışdı. Bundan əvvəlki çempionatlarda iddialı komandaların çox olması sumqayıtlıların autsayderliyinə bəhanə olurdu. Hər halda, “Qarabağ", “Neftçi", “Xəzər Lənkəran", “Bakı", “İnter", “Qəbələ" olan yerdə heç kim “Sumqayıt”dan Avropaya vəsiqə gözləmir, heç tələb də etmirdi. Lakin cari mövsüm komandaların durumu göz önündədir. “Qarabağ" və nisbətən də “Qəbələ"ləylə “Zirə”ni çıxmaq şərti ilə digər klublar əməlli-başlı maddi sıxıntı yaşayırlar. Belə bir vəziyyətdə “Sumqayıt" ən azı 5-ci pilləni tutmağa borclu idi. Lakin hazırkı durum göstərdir ki, komanda hətta ən zəif  və mübarizənin aşağı səviyyədə olduğu çempionatda belə, autsayder mövqeyindən qurtula bilmir. Demək ki, bu günə qədər gedilən yol, qəbul edilən strategiya o qədər də uğurlu deyilmiş. “Sumqayıt" nə vaxta qədər ki, bu yolla gedəcək, Avropa bir yana,  heç ilk “6-lıq" üzü görməyəcək.  Bu günə qədər büdcə amilini də qabardırdıq. Lakin indiki halda AZAL, “Kəpəz", “Xəzər Lənkəran", lap elə “Rəvan" özü  də sübut elədi ki, büdcənin azlığı bəhanədən başqa bir şey deyil. Unutmayaq ki, “Rəvan"ın balansından 6 xal silinməsə idi, bəlkə də yaxın gələcəkdə “Sumqayıt"ı turnir cədvəlində geridə qoya bilərdi.  Qısası, “Sumqayıt" ən zəif və ən kasıb çempionatda da autsayder mövqeyindən çıxa bilmirsə, deməli, gedilən yol səhvdir, yolu dəyişmək lazımdır.
 
“Het-trik news” qəzeti
Şərhlər
Murad
Sumqayit yerli oyunculari ehtiyatda otuzdurub, netice bundan yaxshi ola bilmez. Azarkeshlerde gorurki ehtiyatda oturanlar meydanda olanlardan yaxshi oynayir. bes sebeb nedirki Sumqayitli oyuncular daha yaxshi oynadigi halda ehtiyatda oturur?
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Kənan Məstəliyev
Yaxşı yol, “İnter”, irəli “Keşlə”!
2017-08-09  // 4 Şərh
Amal Abuşov
İki aktyorun teatrı
2017-08-08  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
AZAL-ın sabiq futbolçusu Arif Əsədovun yeni komandasında!
"Neftçi"nin yeni baş məşqçisi yerli olacaq: əcnəbiyə pul yoxdur
"Marca"dan Azərbaycana qarşı təxribat: “Qarabağ” tabe olmadığı ölkəni təmsil edir - FOTO
"Mil Muğan"nın yeni baş məşqçisi məlum oldu
Yevlaxda məşqçilər arasında yaşanan mübahisənin görüntüləri - VİDEO
Qəbələdə hakimlərin qabağını kəsdilər - FOTO
Aqil Məmmədov "Mil Muğan"dan ayrıldı
Prinsipiallıqdan doğulub, laqeydlikdən ölən komanda: “Qarabağ Xocalı” - YAZI
"Qəbələ" tək, "Zirə" 3 qolla qalib gəldi
Samir Nəsri Türkiyə klubunda

Xəbər Lenti
22 Avqust 2017
00:00 DÇ-də Azərbaycanı təmsil edəcək cüdoçularla görüş keçirildi
21 Avqust 2017
23:50 DÇ: İslam Abbasov da medal qazana bilmədi
22:30 “Səbail” rəqiblərini hansı stadionda qəbul edəcək?
22:00 "Qəbələ" "Dinamo"ya qalib gəldi
21:30 Tahir Gözəl "Qarabağ"ın sabiq məşqçisi ilə görüşdü
21:00 "Kəpəz" "Zirə"yə uduzdu, "Qəbələ" "Sumqayıt"a 9 qol vurdu
20:30 Nəsri rəsmən Türkiyə klubunda
20:00 "Qəbələ"dən 600-cü qol
19:40 MOİK-dən 5 qollu qələbə
19:21 “Səbail”də ayrılıq: Yeni transfer komandadan getdi
19:00 Rəşad Sadıqov üçün əlamətdar tur: Kapitan 300-ə çatdı
18:41 2012 gün öncə: 2012-ci ildə
18:21 “Neftçi” tarixinin ən uğursuz startı
18:00 AZAL-ın sabiq futbolçusu Arif Əsədovun yeni komandasında!
17:40 "Neftçi" Əhmədova tapşırıldı
17:21 Taypeydə daha bir cüdoçumuz medal qazandı
17:00 "Mil Muğan"nın yeni baş məşqçisi məlum oldu
16:40 "Arsenal" iki futbolçusunu icarəyə göndərdi
16:25 Premyer Liqa klubundan rekord transfer
16:00 Yevlaxda məşqçilər arasında yaşanan mübahisənin görüntüləri - VİDEO
15:22 Tahir Süleymanovdan növbəti açıqlama: "İctimaiyyəti aldadırlar"
15:20 Hümbətovun komandası "Vardar"la bacarmadı
15:00 "Marca"dan Azərbaycana qarşı təxribat: “Qarabağ” tabe olmadığı ölkəni təmsil edir - FOTO
14:41 Kaliniç "Milan"da
14:22 Kiçik rayonun futbol dərdi - YAZI
14:00 Aqil Məmmədov "Mil Muğan"dan ayrıldı
13:45 “Kopenhagen” - “Qarabağ” matçı ispanlara tapşırıldı
13:38 Cunayevdən gözlənilməz məğlubiyyət - VİDEO
13:21 İsrafilovun komandası mövsümə qələbə ilə başladı
13:08 "Neftçi"nin yeni baş məşqçisi yerli olacaq: əcnəbiyə pul yoxdur
13:04 İstefadan sonra Elxan Abdullayevin ilk açıqlaması
13:00 19 il əvvələ səyahət: "LKS Lodz" - Kəpəz" 4:1 - VİDEO
12:42 Yeniyetmələrin ölkə birinciliyi başa çatıb
12:11 Elxan Abdullayev istefa verdi!
12:00 Tellur Mütəllimov: "Ötən il belə deyildi" - MÜSAHİBƏ
11:40 DÇ-2017: ilk yarış günündə yunan-Roma güləşçiləri yarışır
11:21 Batutçularımızdan növbəti medal sevinci
11:00 Cavid Tağıyev "Sumqayıt"a tramplin kimi baxır: "Başqa klublardan təklif olsa, dəyərləndirəcəm" - MÜSAHİBƏ
10:30 Emin Mahmudov yenə lazım olmadı
09:50 Azərbaycan çempionatının mükafatçısı Türkiyə klubunda
00:10 "Qəbələ" - "Sumqayıt" 1:0 - FOTOLAR
20 Avqust 2017
23:45 Prinsipiallıqdan doğulub, laqeydlikdən ölən komanda: “Qarabağ Xocalı” - YAZI
23:30 "Kəpəz" - "Zirə" 0:3 - FOTOLAR
23:30 Cavid İmamverdiyev: "Ustalıq səviyyəsi sözünü dedi"
23:15 Roman Qriqorçuk hakimlikdən narazı qaldı
23:12 Samir Abasov yenə Xəyal Nəcəfovu hədəf aldı
23:05 Qəbələdə hakimlərin qabağını kəsdilər - FOTO
23:04 Dadaşov Bundesliqanın ilk turunda oynamadı
22:55 Şeydayev ehtiyatda qaldı, "Jilina" uduzdu
22:43 "Qəbələ" - "Sumqayıt" 1:0 - VİDEO
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.