Ucuz təyyarə biletləri

Ağamusa Bağırov: "Qəbələ sindromu"nu sındırmışıq" - MÜSAHİBƏ

Tarix:  27.11.16 15:11           Yazar:  Rekord.az           Oxunub: 484 dəfə

“Sumqayıt” Futbol Akademiyasının U-13 komandasının baş məşqçisi, uzun illər mərhum Tofiq Rzayevlə çiyin-çiyinə Azərbaycan futboluna bir çox istedadlar bəxş edən Ağamusa Bağırov Sumqayıtın uşaq futbolunun mövcud durumuna həsr olunan layihə çərçivəsində Rekord.az-a müsahibə verib:

 

 

- Ağamusa müəllim, Sumqayıtın uşaq futbolunun mövcud durumu sizi razı salır?

 

- Yox razı salmır. Nəyə görə? Çünki Sumqayıt futbol şəhəridi. Həmişə bu şəhərin futbolu, futbolçuları ön planda olub, bütün milli komandalarda sumqayıtlı futbolçular aparıcı yer tutub.

 

- Bəs bu gün niyə bu yoxdur?


- Bunun səbəbləri çoxdur. Burada dövrün, zamanın da rolu var, digər səbəblər də. Əvvəllər internet yox idi, telefon yox idi, məhəllə futbolu var idi, JEK-in (Mənzil İstismar Sahələri) keçirdiyi çempionatlar var idi, məktəblərarası çempionat keçirilirdi. Bunlar hamısı siz dediyiniz məqama birbaşa təsir edir. İndi 13 yaşında uşağın əlindən telefon düşmür. Məhəllələrə baxırsan futbol oynamaq üçün boş yer yoxdur. Hamısı marketlər, dayanacaqlar və s. Bundan başqa, bildiyiniz kimi, bir dönəm Sumqayıtda böyük futbol da olmadı. Hardasa 3-4 il. Həmin futbolsuzluq dönəmi də hazırkı boşluğu yaradan əsas səbəblərdən biridir. Çünki bir şəhərdə peşəkar komandanın olması həmin şəhərdə futbolun inkişafı baxımından çox vacibdir. A komanda olanda həmin şəhərdə futbola axın da olur. Uşaqlar bilir ki, yaxşı oynasa gələcəkdə böyük futbol oynamağa komandası olacaq.


- Bayaq məşqə baxırdıq, deyəsən indiki uşaqlarla işləmək də çox çətindi. Çünki az qala hər dəqiqə məşqi saxlayıb onlara nəyisə izah edirdiniz...


- Çünki qavraya bilmirlər. Bunların da hamısının səbəbi savadsızlıqdır. Təbii, savadlı futbolçular da var. Amma onların sayı çox azdır. Futbolçu gərək tək oyunu ilə yox, savadı, biliyi ilə də seçilə. Savadlı futbolçu ona verilən tapşırığı da tez qavrayacaq. Amma savadsız olanda ona tapşırıq verəcəksən, 10 dəqiqə sonra yadından çıxardacaq.


- “Sumqayıt” Futbol Akademiyasının fəaliyyəti, buradakı iş sistemi haqda nə deyə bilərsiniz?


-  Bilirsiniz ki, komandamız gənc komandadır. 2010-cu ildə əsası qoyulub. Akademiya isə 2012-ci ildə yaranıb. İndi-indi isə formalaşır. İldən-ilə daha yaxşı olacaq. Bu gün artıq akademiyamızda məşğul olan uşaqların böyük əksəriyyəti sumqayıtlılardı. Tək futbolçular yox, artıq məşqçilərimizin də çoxu sumqayıtlıdır. Mübariz Orucov, Baba Əsgərov kimi məşqçilərimiz milli komandalarda da iş təcrübəsinə malikdirlər.


- Uzun illərdi Sumqayıt futboluna xidmət edirsiniz. Sumqayıt komandaları bir qayda olaraq qatıldıqları bütün turnirlərdə favorit olublar. Həmişə də yüksək yerlər tutublar. Lakin keçən mövsümkü nəticələr fiasko oldu. 10 komandadan cəmi biri bürünc medal qazandı. Bu uğursuzluğun səbəbini nədə görürsünüz?

 


- Az öncə dediyim səbəblərdi. Futbolsuz dönəmdəki boşluq bu gün özünü göstərir. Bunun da aradan qalxması üçün zaman lazımdır. Bundan başqa, nəticə dalınca da qaçmaq lazım deyil.Bu gün bizim əsas nəticəmiz turnir cədvəli yox, A komanda üçün layiqli futbolçu yetişdirmək olmalıdır. Bunu bacarsaq, nəticə özü gələcək.


- Rəhbərlik etdiyiniz U-13 komandası haqda nə deyə bilərsiniz? Gələcəyə ümid verən uşaqlar var?


- Təkcə bir faktı deyim ki, 4 futbolçumuz “Mançester Yunayted” məktəbinə qəbul olunub və hazırda ölkə çempionatının Bakı zonasında mübarizə aparan komandanın heyətində yer alıblar. Etiraf edək ki, qablarında bir şey olmasa futbolun yaradıcısı olan ingilislər onları öz komandalarına götürməzdi. Demək ki, nə isə görüblər ki, aparıblar. Eyni zamanda komandamızda başqa perspektivli futbolçular da var və mən onların gələcəyinə inanıram. 


- Ağamusa müəllim, indiki uşaqların bir problemi də ulduz xəstəliyinə tutulmalarıdır. Hansı gənc, yeniyetmə futbolçunu bir az təriflədin, adı qulağına dəydi o dəqiqə yolunu azır. Bu problemin kökünü və həlli yolunu nədə görürsünüz?


- Sizə bir misal çəkim. Bir dəfə bir valideyn gəldi yanıma şikayət elədi ki, Musa müəllim, bizim uşağa nə olub görəsən, əvvəl yaxşı oynayırdı, günü-gündən artırırdı, indi çox geriləyib. Soruşdum ki, bu yaxınlarda maşın alıb altına qoydun? Cavab verir ki, hə. Dedim uşağın neçə yaşı var, qayıtdı ki, 18. Dedim sən 18 yaşında uşağın altına maşın alıb qoyanda əlbəttə futbol onun yadından çıxacaq. Çünki dünənə kimi, maşınsız, kasıb uşaqlarla oturub dururdu, fikri futbolda idi. Amma maşın alandan sonra artıq əvvəlki dostlarını bəyənməyəck və imkanlı, maşınlı dostlar tapacaq. Elə uşaqların da hansı həyat tərzi sürdüyünü gözəl bilirsiniz. 


- Yəni, valideynin də günahı az deyil...


- Birbaşa valideynin günahıdır. Çünki uşağın formalaşmasında valideynin böyük rolu var. Valideyndi, məktəbdi, futbol məktəbidir, bunlar hamısı vəhdət olmalıdır. Uşaq tərbiyəli, savadlı olanda onunla işləmək də asan olur. Təəssüf ki, indi bizə gələn “materiallar” çox vaxt lazımı səviyyədə olmur.


- Uşaq futbolunun ən böyük bəlalarından biri də süni meydançalardı. Yeri gəlmişkən, elə sizdə də süni örtüklü meydançadır.


- Yox, niyə ki, biz çox vaxt məşqlərimizi, oyunlarımızı Mehdi Hüseynzadə adına stadionda keçirik. Oranın ot örtüyü isə təbiidir. Bilirsiniz, süni örtük də lazımdır. Mən bu tip meydançaların tamamilə silinməsinin tərəfdarı deyiləm. Payız-qış aylarında süni meydança lazımdır. Rusiya da bundan istifadə edir, Türkiyə də Skandinaviya ölkələri də. Bizim kimi, komandalar üçün xüsusilə lazımdır. Çünki bizim bir meydançamız var. O təbii olsa və bütün akademiya orda həm məşq edib həm oyun keçirsə, o zaman bir az yağış yağan kimi sıradan çıxacaq. Bəli, süni örtük futbolçuların sağlamlığı üçün zərərlidir. Amma uşağın topla ilkin təmasının, rəftarının təkminləşdirilməsi baxımından süni örtük daha uyğundur. Belə götürəndə uşaq yaşlarından uşağın topa daha yaxşı uyğunlaşması üçün taxta pul daha münasibdi. Çünki düz olur, hamar olur. Mən də çox istəyərəm ki, bizim də 4-5 təbii örtüklü meydançamız olsun və bütün məşqlərimizi orada keçək. 


- Sizcə, yaxın illərdə Sumqayıt futbolu əvvəlki nüfuzunu qaytara biləcək?


- Mən buna çox inanıram. Çünki bayaq da dediyim kimi, ildən-ilə irəliləyiş var. Məsələn, əvvəlki illərdə Bakı komandaları ilə oynamaq çətin idi. “Qəbələ” ilə ayaqlaşmaq, ümumiyyətlə, mümkün deyildi. Lakin bu gün biz “Qəbələ” sindromu”nu sındırmışıq. Ötən gün U-14 komandamız onlara qalib gəldi. 

 

Anar XANLAROV

Layihə AFFA Yanında Media Komitəsi tərəfindən maliyələşdirilir

 

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Amal Abuşov
De Souza, Rəşad və “Qarabağ” haqqında
2017-11-23  // 14 Şərh
Sənan Abdullayev
Elnur Cəfərovu tanıyırsızmı?
2017-11-12  // 201 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
"Neftçi"nin əleyhinə səhv edən hakim ili bitirdi - ÖZƏL!
De Souza, Rəşad və “Qarabağ” haqqında
"CBC Sport"a üz çevirən ikinci məşqçi
Kanibolotski "Qarabağ"dan ayrılmaq istəyir: Ukraynadan təklif var - ÖZƏL!
"Kəpəz"dədaha bir məşqçi istefası
AFFA "Rəvan"a necə möhtac olub?
Vilian penalti epizodu haqda nə dedi?
Şenol Güneş Bakıya niyə gəlib?
"Neftçi"də forma geyinən balaca italiyan kimdir?
Nizami Hacıyevin "Neftçi"yə keçidində problem yarandı

Xəbər Lenti
24 Noyabr 2017
22:00 "Sabah" - "Qaradağ Lökbatan" 0:2 - VİDEO
21:30 “Kəpəz” Yunis Hüseynovun debüt matçına itkilərlə çıxacaq
21:00 Messi “Qızıl buts” aldı, Ronaldoya çatdı
20:30 AFFA-nın Cocuq Mərcanlı ilə bağlı layihəsi təsdiq olundu
20:00 “Qarabağ”dan təşəkkür – Xoreoqrafiyaya görə
19:30 Bakı çempionatının son mükafatçıları da bəlli oldu
19:00 Filip Ozobiç: "Bunun üçün 5 il burda olmalıyam" - MÜSAHİBƏ
18:40 “Zirə”də azarkeşlərlə görüş keçirildi
18:21 ÇL-də turun ən yaxşısı bəlli oldu
18:00 "Qarabağ"ın futbolçusu Rumıniya klubunun hədəfində!
17:41 Yığmalarımızın rəqibləri müəyyənləşdi
17:21 Liderdən növbəti qələbə
17:00 Yunis Hüseynovun yeni köməkçisi nə vaxt məlum olacaq?
16:43 Premyer Liqada 13-cü tur: tarixə səyahət
16:40 Gənc güləşçilərimiz “Şəhidlər Kuboku” uğrunda yarışacaq
16:21 “Neftçi”nin “Keşlə” ilə ilk sınağı
16:00 “Kəpəz”in Gəncədə açıq məşqi olacaq
15:40 BOM-un şagirdləri millinin məşqini izlədi
15:21 Azərbaycan gerilədi
15:00 Hücumçumuz yenə meydana çıxmadı, komandası uduzdu
15:00 Nizami Hacıyevin "Neftçi"yə keçidində problem yarandı
14:41 13-cü turun hakim təyinatları açıqlandı
14:20 Mərkəzi oyun Fariz Yusifova tapşırıldı
14:00 "Keşlə" 3 aydır işıq pulu vermir
13:41 Avropa Liqasında turun ən yaxşısı adına namizədlər
13:20 ÇL-də turun ən yaxşısı adına 8 namizəd
13:00 Millət vəkili "Qarabağ"ın səhvlərindən danışdı
12:40 Paytaxt çempionatında ilk günün qalibləri müəyyənləşdi
12:22 Azərbaycan çempionatında ilk
12:00 "Qarabağ"ın qapısına 2 penalti təyin etmiş hakim təzyiqlərdən bezib tətilə çıxmaq istəyir
11:21 Marselo Byelsa qovuldu
11:15 Millimizin çıxış edəcəyi mundialın keçiriləcəyi şəhərlər bəlli olub
11:00 Xatirə İslam "Qarabağ"ın uduzduğu oyunda banket verdi - FOTO
10:30 Avroliqada bol qollu gecə - VİDEOLAR
10:00 Hər küçədən keçən gəlib hakim ola, azarkeşlərin hissiyyatı ilə oynaya bilər...
02:30 Avropa Liqası: "Arsenal" uduzdu, "Milan"dan darmadağın
23 Noyabr 2017
23:51 Rəşad Sadıqov: "Penaltini başa düşdük, qırmızı nə idi?" - VİDEO - YENİLƏNİB
22:00 "Roma" - "Qarabağ" matçını canlı izləmək istəyənlərin nəzərinə
20:30 “Araz” darmadağınla qalib gəldi
20:00 Yığmamız Türkiyəyə böyük hesabla məğlub oldu
19:30 Birinci Divizionda 11-ci turun hakim təyinatları
19:00 “Keşlə” “Neftçi”yə qalib gəldi
18:40 Ağacan Abiyev “Şərəf” ordeni ilə təltif olundu
18:21 Ukraynalı məşqçi Bakıya gəldi - danışıqlar üçün
17:45 Maksim Medvedev "Çelsi" ilə oyunun hakimliyini şərh etdi - VİDEO
17:22 Ndlovun və Geryenin "Çelsi" ilə oyundan sonrakı fikirləri - VİDEO
17:00 "Neftçi"də forma geyinən balaca italiyan kimdir?
16:45 Radio aparıcısından gündəmi zəbt edən salamlama - "Hakimgildən gəlmisinizsə..." - VİDEO
16:22 Cüdo üzrə Bakı çempionatına start verildi
16:00 Daha bir milli komandada baş məşqçi istefası
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.