Ucuz təyyarə biletləri

Qurban Qurbanov: "Kintanadan tələb etdiklərimizi Əfrandan istəyə bilmərik" MÜSAHİBƏ

Tarix:  17.02.17 16:02           Yazar:  Rekord.az           Oxunub: 590 dəfə

“Qarabağ”ın baş məşqçisi Qurban Qurbanovun müsahibəsi.

 

 

- "Qəbələ" ilə oyunöncəsi hazırlıqlar necə gedir? Zədəlilər varmı?
- Bu gündən etibarən məşqlərə başladıq. Futbolçulara istirahət vermişdik. Komandanı oyuna tam hazırlamağa vaxtımız var. Zədəlilərə gəlincə, Rəşad Sadıqov hələ də zədəlidir. Əfran İsmayılovun oynayıb-oynamayacağı hələ ki, dəqiqləşməyib. Bu gün fərdi qaydada məşq edəcək.  Ağabala Ramazanov da bildiyiniz kimi, cəzalı duruma düşdüyü üçün oynamayacaq. Bəzi futbolçularda da xırda zədələnmələr var, amma oyuna qədər həmin zədələr də bərpa olunacaq.

- Çempionatın ən vacib oyunlarından birinə çıxacaqsız. “Qarabağ” yenə eyni sistemində oynayacaq, yoxsa “Qəbələ”yə qarşı sürpriz hazırlamısız?
- Sözün açığı, nailiyyətlər əldə etmək üçün hər zaman çalışmışıq ki, oyun üslubumuzu inkişaf etdirək. Bəzən rəqiblərimiz oyun zamanı buna imkan vermir. Amma hər zaman çalışırıq ki, düşündüyümüz oyunumuzu oynayaq. Bəzi oyunlar olur ki, çalışırıq rəqibimizin oyun üslubuna uyğun taktika quraq. Amma oyuna hələ 3-4 gün var. Hələ “Qəbələ”nin oyununu tam analiz etməmişik. Dəyişiklik olsa da, bu, elə də böyük dəyişiklik olmayacaq.
 
- Dani Kintana mövsüm sonuna qədər oynamayacaq. Onun mövqeyində oynayan Əfran İsmayılov isə sürətli olsa da, Dani qədər texnikalı deyil. Bu yöndə komandada hansısa dəyişiklik olacaqmı?
- Biz Əfrandan tələb etdiklərimizi Danidən və ya Danidən tələb etdiklərimizi Əfrandan tələb edə bilmərik. Hər hansı bir oyunçu dəyişikliyi olanda əvəzləyəcək oyunçunun bacarıqlarına uyğun tapşırıqlar veririk. Bəlkə də belə dəyişiklər zamanı oyun üslubunda nəsə əldə edə bilmərik, amma başqa bir məsələdə nəsə qazana bilərik. Çünki Əfranın da başqa özəllikləri var. Buna baxmayaraq, bizim oyunumuz bir futbolçu üzərində qurulmayıb, bütün kollektivimizin üzərinə qurulub. Futbolçuların hər birinin üzərinə böyük güc düşür. Ola bilər ki, hücumlarımızda Əfranın bacarıqlarına və üstünlüklərinə görə hər hansı bir dəyişikliklər olsun.
 
- Son zamanlar mətbuatda hakimliklə bağlı məlumatlar yayılıb. Hətta “Qəbələ” – “Qarabağ” oyununun Cüneyt Çakıra həvalə edilməsini istəyənlər də var idi. Buna  münasibətiniz necədir?
- Vallah, mən 25 ilə yaxındır ki, futboldayam, amma indiyədək hakimlikdən danışılmayan vaxt olmayıb. Bəzi oyunlarda bu məsələ daha da şişirdilir. Özünüz də bilirsiz ki, mən hakimliklə bağlı o qədər də fikir bildirmirəm. Çünki bu, mənim peşəm deyil. Düşünürəm ki, hakimliklə bağlı fikirlərimi bildirsəm, ola bilər ki, yanlışlığa yol verim. Elə Türkiyənin özündə də hakimlikdən narazılıq edənlər var. Hətta Cüneyt Çakırdan da narazılıq edənlər çoxdu. Avropa ölkələrinə, hətta “TOP-5” ölkələrinə də baxsaq, görərik ki, hakimlikdən narazı olanlar var. Hakimlik həqiqətən çətin peşədir. Onlara işlərində uğurlar arzulayıram. Belə deyək də: - hakimlər həyatda ən çox səhv edən insanlardı. Çünki 22 insanı meydanda idarə etmək, hər dəfə bir qərar qəbul etmək elə də asan iş deyil. Hakimliklə bağlı söz-söhbətlər yarandıqda azarkeşlər arasında da ajiotaj yaranır. Məncə, bu da azarkeşlərin stadionlara gəlməsinə gətirib çıxaracaq.
 
- Reynaldonun gedişindən, Dani Kintananın zədələnməsindən sonra “Qarabağ” axsayırmı? Hətta deyilənə görə, Dani Kintana da komandadan ayrılmaq istəyir...
- Komandada keyfiyyətli futbolçular nə qədər çox olacaqsa, bizim işimiz də o qədər asan olacaq. Amma meydana 11-dən çox futbolçu buraxmaq olmur. Bəzən görürsən ki, meydana çıxmağa layiq olan oyunçu var, amma oynada bilmirsən. Reynaldoya gəlincə, ona Türkiyədə uğurlar arzulayıram. O, özünü Türkiyədə yaxşı tərəfdən göstərə bilsə, bizim çempionata maraq daha da artacaq. Amma onun gedişi bizim işimizə mane olmayacaq. Çünki bizdə dəfələrlə olub ki, komandanın lider oyunçuları getsə də, oyun üslubumuz dəyişməyib. Həmişə çalışmışıq ki, yaxşı nəticələr əldə edək. Amma oyunçu axtarışlarımız davam edir. İstəyirik ki, hücum xəttinə 1 və ya 2 futbolçu transfer edək. Amma hələ ki, bəyəndiyimiz oyunçu olmayıb. Dani Kintananın getmək istəməsinə gəlincə, bayaq qeyd dediyim kimi, əlimdə  nə qədər çox futbolçu olarsa, o qədər yaxşı oyun sərgiləyəcəyik. Belə oyunçuların komandada olmaması məşqçi üçün pronlemlər yaradır. Amma yenə də çalışacağıq ki, maksimum nəticə göstərək. Nə dərəcədə alınacaq, bunu zaman göstərər. İlk dövrədə hər iki futbolçu komandada olanda biz “Qəbələ”dən 6 xal geridə idik. Amma indi ilk pillədəyik. Yaxşı futbolçuların komandaya gəlməsi o demək deyil ki, bu il mütləq çempion olacağıq və ya hər hansı bir uğur əldə edəcəyik.
 
- Sizcə, “Qəbələ” hər dəfə xal itirəndən sonra niyə az da olsa “Qarabağ”ı ittiham edir?
- “Qəbələ” haqqında fikir bildirməyim düzgün çıxmaz. Çünki mənim öz komandam var və öz komandamın uğurları üçün çalışıram. Bütün fikirlərimi də öz futbolçularıma, komandama yönləndirirəm. Ümumiyyətlə, mənim “Qəbələ”yə, rəhbərliyinə qarşı böyük hörmətim var. Belə bir vaxtda komandan bu formada saxlayıblarsa, ardıcıl iki il Avroliqanın qrup mərhələsinə düşüblərsə, heyətinə yaxşı futbolçular cəlb ediblərsə, yaxşı komanda formalaşdırıblarsa, bu komandaya hörmət etmək hər birimizin borcudur. Amma mən inanmıram ki, onlar nə mənə, nə də komandama qarşı mənfi fikir söyləsinlər. Ola bilər ki, hər hansı bir irad bildirsinlər, amma iradları da əsasən hakimliklə bağlı olur. Mən istəmərəm ki, hər hansı bir fikir bildirdiklərində bizim də adımız hallansın. Mən əgər bir insana inanıramsa, başqasının həmin insan haqqında olan düşüncələrinə fikir vermirəm. Mənə əgər desələr ki, “Qəbələ” rəhbərliyi “Qarabağ” haqqında, mənim haqqımda belə bir fikir söyləyib, mən buna inanmaram. Çünki mənim Fariz Nəcəfovla yaxşı münasibətim var. Onun nə dərəcədə yaxşı idmançı olduğunu bilirəm. Əgər o insan haqqında, komandası haqqında mənə hər hansı mənfi bir fikir söylənilsə inanmayacam. Bakı kiçik bir şəhərdir. Hamımız bir-birimizi tanıyırıq. Əgər aramızda hər hansı bir problem olsaydı hamı bilərdi, hamı eşidərdi.

- Muarem Muarem sanki əvvəlki formasında deyil...
- Futbolçu var ki, 15 dəqiqə meydana buraxırıq və ondan istədiyimizi alırıq, futbolçu da var ki, bəzən 90 dəqiqə ərzində ondan istədiyimizi ala bilmirik. Futbolçunun hər oyun 90 dəqiqə ərzində istədiyin şeyi  sənə verməsi mümkün deyil. İş orasındadır ki, bəzən təkcə Muaremdən deyil, digər futbolçulardan da istədiyimi ala bilmirəm. Futbol elə bir oyundur ki, hər matçda oyunçular fərqli keyfiyyətlərini üzə çıxarırlar və ya nümayiş etdirirlər. Amma statistikaya nəzər salsaq görərik ki, il sonunda hər bir futbolçudan razı olmuşam. Əgər biz bu gün bu yerdəyiksə, deməli, əlimdə olan futbolçulardan razıyam.
 
- Son turlar “Qarabağ”ın oyunlarında ciddi hakim səhvləri olur. “Qarabağ”a qarşı “qara piar”ın getdiyini düşünürsünüzmü?
- Yox, inanmıram. İnanmıram ki, belə bir düşüncə olsun. İnanın ki, mən heç kimin açıqlamasına nə müdaxilə edirəm, nə də mənə hər hansı bir təsir edir. Bu, elə bir oyundur ki, bu gün hakimdən narazı olacaqlar, sabah məndən də narazı ola bilərlər, “Qarabağ”dan da, “Qəbələ”dən də, “Neftçi”dən də, hətta jurnalistlərdən də narazılıq edə bilərlər. Bu hadisələr belə dövr edir. Belə hallar futbolun daha da populyarlaşmasına səbəb olur. Əgər mən bilirəmsə ki, komandamız bu gün yalnız uğurlar üçün çalışır, başqa bir fikir haqqında düşünmək istəmirəm.

idmanxeber.com

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Sənan Abdullayev
Elnur Cəfərovu tanıyırsızmı?
2017-11-12  // 180 Şərh
Amal Abuşov
Faiqin faciəsi
2017-11-07  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Emin Mahmudovdan Nizami Hacıyevə rədd cavabı gəldi
İntizamsızlıq etdi, "Qarabağ"dan qovuldu
Nizami Hacıyev "Neftçi"də nə qədər maaş alacaq?
Xəngəlxanada ofisiantlıq edən futbol hakimi - MÜSAHİBƏ
Yunis Hüseynovla işləmək istəmədi
Yunis Hüseynovu "Kəpəz"ə kim baş məşqçi təyin edib?
"Zirə"dən göndərilən "Qəbələ"nin futbolçusu "Səbail"ə keçə bilər
Roman Qriqorçuk: "Elvin təcrübəli futbolçuya yaraşmayan səhv etdi"
Hüseyn Məhəmmədov "Kəpəz"də?
Qurban Qurbanov Aslan Kərimovu özünə köməkçi götürməkdən imtina etdi

Xəbər Lenti
21 Noyabr 2017
17:20 “Kəpəz” Yunis Hüseynovu təqdim etdi
17:00 "Kəpəz"in yeni icraçı direktoru: sabiq televiziyaçı, komandir və deputatlığa namizəd - FOTOLAR
16:41 Millimiz Kosovoya məğlub oldu
16:21 9-cu turun oyun cədvəli açıqlandı
16:00 Millimizin üzvü reytinqdə 14-cüdü
15:46 Əliyar Ağayev "Beşiktaş" - "Portu" oyununda
15:22 Olimpiya Stadionundan azarkeşlərə müraciət
15:00 "Zirə"yə lazım deyil, qışda göndərilir
14:40 “Payız turniri” keçiriləcək
14:21 Monroz "Diqqət Mərkəzində" - VİDEO
14:05 Dino Ndlovu: “Təzyiq altında olan biz yox, “Çelsi”di”
14:00 Qurban Qurbanov: “Nə qədər desək ki, Avropa səviyyəsinə çatmışıq, yalan olar”
13:42 Tahir Gözəl: "Çelsi”yə ilk oyundakı böyükhesablı məğlubiyyəti kənara qoyaq"
13:21 “Qarabağ” – “Çelsi” matçında türkiyəli hakimlər
13:00 Tahir Süleymanov: "Futbol adamları bir-birlərini ittiham etməklə məşğuldur"
12:40 “Traktorsazi” darmadağın oldu
12:21 Vüqar qol vursa da, komandası elitaya yüksələ bilmədi
12:00 Kərim Diniyevin "Kəpəz"dəki taleyi necə olacaq?
11:40 Mövsümün əvvəlində qovulmuşdu, yenidən Super Liqa klubuna qayıtdı
11:29 Millimizin üzvü bu dəfə məyus oldu
11:21 Rauf Əliyev oynadı, “Kukesi” evdə uduzdu
11:00 Nizami Hacıyevin "Neftçi"yə gəlişi kimi narahat edir?
10:30 Səfərdə 200-cü qol, Dabo 7-ci, Bezotosnı 4-cü oldu
10:00 Qurban Qurbanov Aslan Kərimovu özünə köməkçi götürməkdən imtina etdi
09:32 Komandamızın taleyi gürcüstanlıya tapşırıldı
20 Noyabr 2017
23:49 "Qarabağ"ın oyununa görə metroda gücləndirilmiş iş rejimi
23:21 Birinci Divizionda 10-cu turun hakim təyinatları
22:42 “Araz” 3 xalı 2, “Neftçi” 6 qolla qazandı
22:21 “Neftçi” mübahisəli hakim qərarları ilə bağlı VİDEO yaydı
22:00 “Qəbələ” rəqibləri üçün əlçatmaza çevrilir
21:40 Öncə Qurbanov, sonra Konte
21:21 Təxirə salınmış matçın vaxtı açıqlandı
21:00 Güləşçilərimiz beynəlxalq turnirində iştirak edəcək
20:40 Millimiz Çinə 8 taekvondoçu ilə yollanır
20:21 Yığmamız qələbə ilə başladı
20:00 “Qarabağ”ın oyununa 400-dən çox avtobus ayrılıb
19:40 Tural oynamadı, “Pobeda” doğma meydanda uduzdu
19:33 Elxan Məmmədov: "Media Komitəsindən bunu gözləyirik" - MÜSAHİBƏ
19:21 90 dəqiqə və 1 xal
19:10 FIFA prezidenti Əliyevə forma hədiyyə etdi - FOTOLAR
19:00 Qari Keyhill: "Qarabağ”la oyunda bizə qələbə lazımdır”
18:40 UEFA-dan altı klubumuza 71 min avro
18:21 Dünya çempionatında iştirak edəcək güləşçilərimizin siyahısı açıqlandı
18:00 Yunis Hüseynovu "Kəpəz"ə kim baş məşqçi təyin edib?
17:50 Hücumçumuz Fransada fərqləndi
17:40 Premyer Liqamızda rekord təkrarlandı
17:27 Bakı klubu avrokubokda ilk oyununa çıxır
17:21 Cari mövsümdə 100-cü qol
16:40 “Keşlə”nin tarixində yeni antirekord
16:21 Beynəlxalq turnirdən 1 gümüş və 1 bürünc medal
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.