Ucuz təyyarə biletləri

"Sumqayıt"ın gürcü məşqçisi: "Azərbaycanlı uşaqların kənara çıxa bilməməyində valideyn faktoru da rol oynayır"

Tarix:  28.03.17 17:03           Yazar:  Rekord.az           Oxunub: 341 dəfə

Sumqayıtın uşaq futbolundan bəhs edən layihəmiz çərçivəsində növbəti yazını sizlərin diqqətinə çatdırırıq. Bu dəfəki həmsöhbətimiz bir qədər fərqlidir. Belə ki, sumqayıtlı, azərbaycanlı deyil. Gürcüdür. Vasili Çeişvili. “Sumqayıt” Futbol Akademiyasında fiziki hazırlıq üzrə məşqçidir. Artıq 3 aydır ki, bu komandada çalışır və bütün aşağı yaş qruplarından ibarət komandaların fiziki hazırlığına cavabdehlik daşıyır. Onunla söhbətə “Sumqayıt”a gəlişindən başladıq: “Artıq 10 ilə yaxındır ki, Azərbaycanda çalışıram. “Sumqayıt”dan öncə “Əlincə”də işləyirdim. Orda çox işlər görmüşdük və gələcəklə bağlı böyük planlarımız var idi. I Diviziona komanda buraxmağı düşünürdük. Sonradan müəyyən səbəblər ucbatından bu, baş tutmadı. Bir qədər sonra mən də ordan ayrıldım. Bir müddət işsiz qaldım. Sonra “Sumqayıt”dan təklif aldım. Baba Əsgərov məni klub rəhbərliyinə məsləhət gördü, gəldim  görüşdük, söhbət elədik və təklifi qəbul etdim. 2016-cı ilin dekabrından bu klubun futbol akademiyasında fiziki hazırlıq üzrə məşqçi kimi çalışıram”.

 

Görəsən “Vaso” geridə qalan 3 ay ərzində hansı işləri görüb, işə başlayanda olan durumla indiki arasında hansı fərq var. Gürcü məşqçi futbolçulardan götürdüyü normativ testlərin nəticələrini bizə göstərdi və sualımıza bu cür cavab verdi: “Komandaya yeni gələndə ilk işim Baba Əsgərovun koordinator olduğu U-15, U-16 və U-17 komandalarından test normativlər götürmək oldu. Hər yaş qrupunun da öz kriteriyası var. Bir çox göstəricilər üzrə futbolçuların hazırlıq səviyyəsinə baxdım. Ümumi fiziki güc, start sürəti, kross və s. Ondan sonra çatışmamazlıqlar üzərində işləməyə başladıq. Sonradan futbolçulardan yenidən test normativləri götürdük. Uşaqlarda artım var idi. Öz işim haqqında daha geniş danışmaq istəmirəm. Qoy buna məşqçilər, eləcə də kənardakılar qiymət versin. Özüm öz işim haqda nə danışım? Yaxşı işləyirəmsə bunu komandanın timsalında meydançada görəcəyik”.

 

Gürcü məşqçi Sumqayıtdakı uşaq futbolunun potensialından da danışdı: “Mən sizə deyim ki, Sumqayıtda çox böyük potensialı olan futbolçular var. Akademiyamızda da onların sayı az deyil. Təbii ki, akademiyada olan bütün futbolçuların səviyyəsi, bacarığı eyni ola bilməz. Güclüsü də var, nisbətən zəifi də. Amma güclülərin sayı daha çoxdur. Bundan başqa, hiss eliyirəm ki, uşaqlarda istək də var. Verdiyim tapşırığı daha tez qavramağa çalışırlar. Bu isə bir məşqçi kimi mənim üçün çox vacibdir. Çünki futbolçunun qavrama bacarığı və istəyi mühüm olan məqamdır”.

 

Çeişvilidən “Sumqayıt”da hansı fiziki hazırlıq proqramından istifadə etdiyini də soruşduq. Xüsusilə bizə maraqlı gələn həmin proqramın dünyaca ünlü klubların uşaq akademiyalarında tətbiq olunan proqramlarla hər hansı fərqinin olub-olmamasında idi: “İlk növbədə ondan başlayım ki, fiziki hazırlıq bütün dünya üzrə eyni sistem üzərində qurulub. Yəni qaçmaq, tullanmaq, fiziki gücün artırılması və s. Bu təmrinləri İspaniyada da edirlər, Almaniyada da Gürcüstanda da Azərbaycanda da. Sadəcə, fərqlilik bunun hansı formada icrasıdır. Burada mühit və şərait də xüsusi önəm kəsb eliyir. Məsələn, sən  hansısa məsafəyə qaçış verirsən. Eyni şeyi “Barselona”nın futbol akademiyasında da verirlər. Yəni proqramda ciddi fərq yoxdur. O qaçışı ispaniyalı futbolçu necə yerinə yetrir, neçə dəqiqəyə qaçır, azərbaycanlı futbolçu necə yerinə yetirir, neçə dəqiqəyə qaçır, bax, əsas məsələ burdadır. İspan, ingilis uşağa verilən elə fiziki yükləmələr var ki, sən onu azərbaycanlı futbolçuya verə bilmərsən. Versən də onu yerinə yetirə bilməyəcək. Bunu deməklə demək istəmirəm ki, burdakı uşaqlar hansısa ispandan, ingilisən istedadsız və ya gücsüzdür. Xeyr, qətiyyən belə deyil. Əksinə, azərbaycanlı gənc futbolçular heç də onlardan geri qalmaz. Sadəcə, yuxarıda dediyim kimi, mühit, psixologiya, işə yanaşma məsələləri var. Avropada tətbiq olunan hazırlıq proqramını burda tətbiq etmək üçün ən azı ona yaxın səviyyədə şərait qurmalıyıq. Baza, meydançalar, uşaqların məskunlaşması, qidalanması, vitaminlərin təmini və s. Bunlar hamısı şərtdir. Bundan başqa, işə yanaşma da kompleks olmalıdır. Ağıl, güc, ətraf mühit, mentalitet. Futbolçunun inkişafı tək ondan yox, məşqçidən dəasılıdır, rəhbərlikdən də jurnalistdən də. Futbolçu ulduz olsa onun məşqçisi də ulduz olacaq, onun jurnalisti də ulduz futbolçudan yazan jurnalist olacaq. Bir sözlə, Avropada futbolçunun inkişafı kompleks götürülür. Bizdə amma bu komplekslik yoxdur”.

 

Həmsöhbətimiz uşaq futbolunun inkişafıüçün bir vacib məqamı da vurğuladı: “Şəraitlə bağlı məqama toxunduq. Amma tək bu amil də inkişaf üçün bəs eləmir. Futbolçuların oyun keyfiyyətini artırmaq üçün ölkə xaricində toplanış keçmək, beynəlxalq turnirlərdə oynamaq da çox vacibdir. Çünki yalnız bu zaman ortadakı əyər-əksiyi görmək mümkündür. Azərbaycanda hamı bir-birini tanıyır. Məsələn, mən bilirəm ki, “Qəbələ” necə oynayır, “Qarabağ” necə oynayır yaxud da digəri. Onlarla oyunlarda yeni heç nə götürmürəm. Nə mən nə də futbolçular. Amma beynəlxalq turnirlərdə digər ölkələrdən olan güclü komandalarla qarşılaşırsan, onlardan nə isə öyrənirsən, hansı cəhətdən geri qaldığını görürsən və bunun üzərində işləyirsən. Bununla da daha çox inkişaf edib qabağa gedisən”.

 

“Vaso”dan nəyə görə Avropaya səpələnən gürcü futbolçulardan fərqli olaraq, bizimkilərin ölkədən kənara çıxa bilməməsinin səbəbini də soruşduq: “Bilirsiniz, ömrümün 40 ilini futbola həsr etmişəm. Bunun 20 ilini futbol oynamışam, 20 ilini də məşqçi kimi çalışıram. Gürcüstanda, Ukraynada, özbəkistanda da çalışmışam. Yəni müəyyən fikirlər söyləmək üçün təcrübəmin olduğunu düşünürəm. Siz əslində çox yaxşı mövzuya toxundunuz.  Burada bir sıra səbəblər var. Səbəb heç də o deyil ki, Gürcüstanda istedadlı futvolçular çoxdur, amma Azərbaycanda yoxdur. Xeyr, qətiyyən düzfün yanaşma deyil. Sizi əmin edirəm ki, Azərbaycanda da yetərincə potensialı, istedadı olan futbolçular var. Sadəcə, psixologiya və işə yanaşma fərqlidir. Ümid edirəm siz məndən incimərsiniz, amma mən deyərdim ki, gürcülər futbolu daha çox sevir və ona daha ciddi yanaşır. Məsələn, adi bir misal çəkim. Gürcüstan kasıb ölkədir, bunu danmağın yeri yoxdur. Amma orda valideyn boğazından kəsib uşağının futbolçu olmasına sərf edir. Qəpik-qəpik pul yığır vəsonra həmin pulla uşağını hansı Avropa ölkəsinə yollayır ki, orda futbolun sirrlərini daha yaxşı öyrənsin. Yaxud, beynəlxalq turnirə yollanmağa hazırlaşan hansısa qrupda 20 uşaq olur və deyək ki, o uşaqlardan  5 nəfəri çox kasıb olur. Amma yerdə qalan 15 uşağın valideyni həmin 5 uşağın da yerinəpul toplayır ki, onlar turnirdən kənar qalmasın. Bu misalı ona görə çəkdim ki, uşağın yaxşı futbolçu olmasında onun valideyninin də xüsusi rolu var. İkinci bir problem ulduz xəstəliyidir. Düzdür, etiraf edim ki, eyni problem gürcülərdə də var. Orda da bir az tanınan kimi, başı gicəllənənlər var. Amma azərbaycanlı futbolçularda bu problem daha çoxdur. Bir az tanınan kimi, başlayır qanadları çıxmağa. Halbuki bu, olmamalıdır”.

 

Anar XANLAROV

Layihə AFFA yanında Media Komitəsi tərəfindən maliyyələşdirilir

* Xəbərə şərh yoxdur
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Amal Abuşov
Gəl girək qol-qola...
2017-10-05  // 0 Şərh
Amal Abuşov
Samir Abasovun Cənnəti
2017-09-23  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Son vaxtlar parladı, Qurban Qurbanovun maraq dairəsinə düşdü - ÖZƏL!
“Göyəzən” üçün gülməli büdcə
Şehiçin “Qarabağ”da son mövsümüdür?
"Qəbələ"dən ayrılıb "Kəpəz"ə keçə bilər
"Kəpəz" sabiq futbolçusunu həbsdən çıxardır və işlə təmin edir
AFFA “Neftçi”yə yeni sponsor axtarır
Ramil Səfərov Mübariz Mənsimova nə hədiyyə etdi? - FOTO
Füzuli Cavadov: "Qurbandan xahiş etdim ki, Vaqifi hamının içində danlamasın" - MÜSAHİBƏ
"Karvan"ın sabiq futbolçusu məşqçiliyə başlayır
Qusar rəhbərliyinə futbol lazım deyil?

Xəbər Lenti
19 Oktyabr 2017
01:48 “Qarabağ”dan qələbəyə bərabər heç-heçə - FOTOLAR
00:08 Mahir Mədətov: "Hamısı ispanca danışırdılar, başa düşmürdüm" - MÜSAHİBƏ
18 Oktyabr 2017
23:55 "Qarabağ" - "Atletiko" 0:0 - VİDEO
23:30 Antuan Qrizmann: "Qarabağ"dan belə oyun gözləmirdik"
23:12 Gənc cüdoçularımızdan DÇ-də 2 gümüş medal
23:12 Tahir Gözəl: "Qırmızı vərəqəyə görə narahat oldum" - MÜSAHİBƏ
23:07 Qurban Qurbanov: “Hakim epiozodu düzgün dəyərləndirmədi”
22:52 Rəşad Sadıqov: "Hakimin “Atletiko”ya simpatiyasi açıq-aşkar hiss olunurdu"
22:39 Dieqo Simeone: “Qarabağ” müdafiədən hücuma yaxşı çıxırdı”
22:25 “Qarabağ”ın qrupunda üçhakimiyyətlilik
21:54 “Qarabağ” “Atletiko” ilə tarixi heç-heçəyə imza atdı!
21:35 "Fənərbaxça"nın qələbə qazandığı oyunda hücumçumuz 22 dəfə fərqləndi
21:23 Kapitanımız Türkiyədə ilk qələbəsini qazanıb
21:09 Azərbaycan millisinin AÇ üçün heyəti açıqlandı
19:20 Yığmamız Tiflisdən 5 medalla qayıdır
19:15 "Qarabağ" "Atletiko"ya qalib gəlsə, azarkeşlər evə taksi ilə gedəcək, özü də pulsuz
19:10 “Kəpəz” derbiyə itkilərlə çıxacaq
18:42 "Qarabağ" - "Atletiko" matçında yenilik - FOTO
18:40 Yığmamızın Fransa və İspaniya oyunlarının başlama saatı açıqlandı
18:21 Azərbaycanlı hakimə ilk təyinat
18:00 Füzuli Cavadov: "Qurbandan xahiş etdim ki, Vaqifi hamının içində danlamasın" - MÜSAHİBƏ
17:40 Elnarə Abbasova AÇ-də 6-cı oldu
17:30 Əzizovanın formasını geyindiyi "Beşiktaş" qələbə qazandı
17:00 Bu da son: Türkiyə çempionatı Azərbaycanda yayımlanmayacaq!
16:40 "Atletiko"yla matçdan sonra azarkeşlər üçün xüsusi avtobuslar ayrılacaq
16:21 Super Liqanın yayımı ilə bağlı “CBC Sport”dan rəsmi açıqlama
15:55 “Qarabağ” "Atletiko"ya böyük hesabla uduzdu
15:21 “Trabzonspor” yeni baş məşqçisinin adını rəsmən açıqladı
15:00 Koke "Qarabağ"a qarşı oynamayacaq?
14:40 Dörd komandaya texniki məğlubiyyət, baş məşqçiyə 5 oyunluq cəza
14:21 Divizion klublarının da cəzaları açıqlandı
14:00 Gəncə stadionunda yerləşdirilən reklam löhvlərinin pulu hara gedir?
13:40 AFFA Derlis Meza Kollini cəzalandırdı
13:21 Maşallah Əhmədovdan şikayət edildi
13:00 "Marca" Qarabağ həqiqətlərindən yazdı: "Baş verənlər klubu 255 km uzaqlıqda olan Bakıya köçməyə məcbur edib"
12:40 “Qarabağ” BOS-da fan-şop açacaq
12:21 Daha bir milli komanda baş məşqçisiz qaldı
12:00 "Karvan"ın sabiq futbolçusu məşqçiliyə başlayır
11:40 “Qəbələ”dən bir oyunda 30 qol
11:00 "Kəpəz" sabiq futbolçusunu həbsdən çıxardır və işlə təmin edir
10:31 Premyer Liqa klubu baş məşqçisini qovdu
10:00 Bakı klubu Argentina millisinin hücumçusu ilə razılaşmanı ləğv etdi
09:51 Millimizin üzvü ÇL-də mübarizəyə başladı
09:37 Avrokubok təmsilçimiz heyətinə bir neçə legioner cəlb edib
00:24 "Qarabağ" "Atletiko" ilə matça hazırdı - FOTOLAR
17 Oktyabr 2017
23:56 Millimiz elit-raunda vəsiqə qazandı
23:02 Paşa İbrahimli AÇ-də 5-ci yeri tutdu
20:20 İsa Rüstəmov da AÇ-də 6-cı oldu
20:00 “Kəpəz” “Neftçi” ilə oyuna Bakıda hazırlaşır
19:40 Ramil Əliyevin istefası qəbul olunmadı
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.