Ucuz təyyarə biletləri

Şəhriyar Məmmədyarov: "Nişanlım şəmkirli olduğu üçün özümü şəmkirli sayıram"

Tarix:  02.05.17 18:05           Yazar:             Oxunub: 115 dəfə

Vüqar Həşimovun xatirəsinə həsr olunan və Synergy Group tərəfindən keçirilən ShamkirChess 2017 turnirinin qalibi Şəhriyar Məmmədyarov yarışın rəsmi saytına müsahibə verib. Rekord.az turnirin mətbuat xidmətinə istinadla yarışın qalibinin müsahibəsini təqdim edir.


- Ardıcıl ikinci dəfə qələbə qazanmağın münasibətilə təbrik edirik. Yarış ərəfəsində belə uğurlu çıxış edəcəyini gözləyirdin?

- Cari ildə ShamkirChess turnirində qalib gəlmək daha çətin oldu. Heyət baxımından bu il daha güclü şahmatçılar iştirak edirdi. Yadınızdadırsa ötən Azərbaycan şahmatçıları çoxluq təşkil edirdi. Bu il isə onların yerinə yüksək reytinqli şahmatçılar dəvət olundu. Üstəlik Uesli Sonun iştirakı rəqabəti artırdı. ABŞ təmsilçisi inanılmaz oyun nümayiş etdirir. Şəmkirə qədər demək olar bütün yarışlarda qələbə qazanıb.


- Deməli sənin üçün So yarışın favoriti idi?

- Yarışda iki favorit görürdüm. Uesli So və Vladimir Kramnik. Maraqlıdır ki, hər iki favoritə qalib gəldim. Uğur qazanmağımda favoritlər üzərində qələbə həlledici oldu. Şəmkirdən əvvəl FİDE-nin Qran-Pri turnirində 1-3-cü yerləri bölüşdürmüşəm. Ona görə ümidlərim böyük idi.


- İlk turda So üzərində qələbə olmasaydı bəlkə də yarış başqa nəticəylə yekunlaşacaqdı...

- Hər oyun vacib idi. Son turlar ərəfəsində 1 xallıq fərq var idi. Superturnir olsa belə 1 xallıq fərq böyük üstünlük sayılır. Qara fiqurlarla So və Kramniki məğlub etməyim mövqeyimə ciddi təsir etdi. Əlbəttə startdakı qələbə olmasaydı sonluq başqa ola bilərdi. So və Kramnikə uduzsaydım sonda nəticə belə olmayacaqdı.


- So, Kramnikə qalib gəldi. Amma Polşa təmsilçisi Radoslav Voytaşekə məğlub oldun. Yorğunluq yoxsa rəqib yaxşı hazırlaşmışdı?

- Şahmatda çox debütlərə baxırıq. Yarış vaxtı onları təkrarlayırıq. Yəni şahmatçıda inam olur. Başa düşürük ki, bu gedişləri oynamaq olar. Mən də yazılanları təkrarlamışdım. Vəzir gedişindən sonra uduzmaq barədə orada yazılmamışdı. Partiyanın belə olacağını gözləmirdim. Mənim də günahım var. Amma mən bütün əvvəlki oynanılan partiyaları izləyə bilmərəm. Əvvəllər belə oynamışdım. Voytaşekə məğlubiyyət çox acınacaqlı oldu. Şahmatda "ev tapşırığı"yla az hallarda qalib gəlmək olur.


- Ardıcıl ikinci dəfə ShamkirChess turnirinin qalibi oldun. Dünya çempionu Maqnus Karlsen Şəmkirdə olsaydı qələbə qazana biləcəkdin?

- Şahmatda əvvəldən nəticəni söyləmək mümkün deyil. Maqnusun iştirak etdiyi yarışların bəzilərində Uesli So birinci yeri tutur. Karlsenin iştirakı əlavə stimuldu. Etiraf edim ki, Maqnusun iştirak etdiyi illər Şəmkirdə oyunum alınmırdı. Çox pis oynayırdım. Son iki ildə yaxşı oynamışam. Norveçlinin Şəmkirdə olduğu vaxtlarda oyunum sanki alınmırdı. Gələcəkdə ikimizdə çıxış edərik. Necə olacağını zaman göstərəcək.


- Gələn il ShamkirChess-in 5 yaşı tamam olacaq. Yubiley ilində Maqnusla birlikdə iştirak etmək istəyərdin?

- Maqnus Karlsenin iştirakı böyük bayramdır. Çox güclü və peşəkar şahmatçıdır. Ümid edirəm ki, ikimizdə Şəmkirdə mübarizə aparacayıq. O özü də Şəmkirə gəlmək istəyirdi. Sadəcə yarışın vaxtı bəzi turnirlərlə üst-üstə düşdü. Şahmatda bəzi iştirakçılar təşkilatçılarla 1-2 il əvvəldən müqavilə imzalayır. Ona görə Şəmkirdə iştirakı alınmadı.


- Karlsenin olmadığı yarışda özünü rahat hiss edirsənmi?

- Karlsenə demək olar bütün məğlubiyyətlərim Şəmkirdə olub. Şəmkir turnirini hesaba almasaq bir-birimizlə oyunlarımızın statistikası bərabərdi. Şəmkirdə ona çox uduzmuşam. Veyk An Zeedə qara fiqurlarla ona qarşı çox yaxşı mübarizə aparmışam.


- ShamkirChess2017 turnirinin Təşkilat Komitəsinin sədri Fərid Hüseynov maraqlı açıqlama verib. V turdan sonra verdiyi müsahibədə deyib ki, Şəhriyarı artıq şəmkirli hesab edir...

- (gülür) Mən ümumiyyətlə özümü artıq daha çox şəmkirli hesab edirəm. Bəziləri bunu bilmir. Yaxınlarda nişanlanmışam. Nişanlım şəmkirli xanımdır. Ona görə xanımım şəmkirli olduğu üçün özümü şəmkirli sayıram.


- Atanız Həmid bəy VIII turda Şəmkirə gəldi. Həmin turda da Voytaşekə uduzdun. Atanız yanınızda olanda narahatlıq olur yoxsa təsadüf oldu...

- Atam həmişə mənə dəstək olur. Həmişə qələbə gözləyir. Turnirdə bütün şahmatçılar məğlubiyyət acısı yaşadı. Əsas qələbə sayı daha vacibdir. Üç qələbəm oldu, bu böyük nəticədir. Atamın məğlubiyyətlə əlaqəsi yoxdur. Voytaşekin debüt seçimindən sonra istənilən şahmatçı məğlub ola bilərdi. Mən həmin oyuna yaxşı hazırlaşmamışdım. Uduzmaqda günahkar özüməm.


- Həmid bəy deyir ki, həmişə Şəhriyara öz bağımızdan alma gətirirəm. Bu almaların dadı tamam başqadır. O almalar Şəhriyara güc verir. Şəmkirə alma gətirmişdi?

- Bu dəfə alma gətirməmişdi. Amma düz sözdü. Bağımızdakı almalar çox dadlıdır. Atam ağaclara çox yaxşı qulluq edir. O almaların dadı tamam başqadır. Atamın çəkdiyi əziyyəti bilirəm. Ona görə o almaları daha həvəslə yeyirəm. Çox dadlı olur.


- Şəmkirdə reytinqini yüksəltdin 2781. İndiyə qədər belə yüksək reytinqin olmamışdı. 2800-ə çatmaq barədə düşünürsən?

- Əlbəttə. Hər bir şahmatçı 2800-ə çatmaq istəyir. Böyük önəm daşıyır mənim üçün. Reytinq vacib amillərdən biridir.


- Qələbəni kimə həsr edirsən?

- 2016-cı ildə qələbəni Vüqar Həşimovun xatirəsinə həsr etmişdim. Bu dəfə qələbəni şəmkirlilərə həsr etmək istəyərdim. 10 gün ərzində onların dəstəyini hiss etdim. Həqiqətən bu il mənə düşərli oldu. Şəmkirli xanımla nişanlandım. Ona görə qələbəni şəmkirlilərə həsr edirəm.


- Vüqar Həşimovun xatirə turnirində onun dostu iki il ardıcıl qələbə qazanır. Bu qələbə adi qarşılanmır..

- Allah rəhmət eləsin, Vüqar həmişə bizimlədir. Elə şahmatçıdır ki onu unutmaq olmaz. Onun adı mənə güc verir. İlk illərdən başlayaraq Vüqarın adı uğrunda yarışmışıq. İndiyə qədər belə mötəbər yarışda qalib gəlməmişdim. Vüqarın xatirə turnirində qələbə qazanmaq ikiqat önəmlidir. Yarışın ümumi reytinqi 2765-dir. XXI kateqoriya turnirdə uğur qazanmaq asan deyil.


- Şəmkirdən sonra Rusiyada klubların çempionatında iştirak edəcəksən. Sonra isə Moskvada Qran-Prisi var. İddiaçılar turnirinə düşmək üçün şanslarını necə qiymətləndirirsən?

- Ümid edirəm ki alınacaq. Qran-Pridə çıxışımdan asılıdır. Mümkün qədər uğurlu nəticə qazanmalıyam. Ardıcıl üç yarışda iştirakım çətinlik yarada bilər. Amma yaxşı olacağına inanıram. Moskvadan sonra klassik şahmata fasilə verəcəm. İstirahət etmək istəyirəm, ilin sonunda növbəti yarışlarım olacaq.


- Şəmkirdə qalib gələndən sonra təbrik üçün ilk zəng vuran kim oldu?

- Qayınatam ilk təbrik etdi.


- Atan Həmid bəy çox həyəcanlı görünürdü. Onun sənə dediyi sözləri bilmək maraqlı olardı...

- Həmişə hisslərini nümayiş etdirməməyə çalışır. Çox sevinir. Ümumiyyətlə mən yanında olanda oyunumu tərifləmir. Amma mən olmayan yerlərdə Şəhriyar yaxşı oynayır deyir. Əvvəllər bütün yarışlarda birlikdə yollanırdıq. Son zamanlar tək gedirəm. Çünki məğlub olanda həyəcananır. İstəmirəm uduzanda atam yanımda olsun. Mən peşəkar kimi istənilən nəticəyə öyrəşmişəm. Atam özünü göstərir ki, guya ciddiyə almır. Lakin hiss edirəm ki, mən uduzanda o pis olur. Onun əhvalının korlanması mənə məğlubiyyətdən pis təsir edir. Rahat oynamıram. Evdə olanda bağda işləyir, nəticə barədə çox düşünmür.


- Üç oyunda qara fiqurlarla qalib gəldin. Sənə "Mister Black" deyə bilərik?

- (gülür) Əminəm ki, Voytaşekə uduzandan sonra artıq elə demək olmaz.

* Xəbərə şərh yoxdur
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Amal Abuşov
“Skenderbeu”nu unutduqmu?
2017-06-20  // 0 Şərh
Amal Abuşov
Arda kimi olmayın!
2017-06-06  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
"Neftçi" və "Qarabağ"ın sabiq futbolçusu I Divizionda köməkçi-məşqçi oldu
I Divizionda debüt edəcək komandanın büdcəsi məlum oldu
Şehiçin "kitabı" bağlandı
Həvəskarlar Liqasının oyununu 5 min azarkeş izlədi - FOTOLAR
"Qarabağ" azarkeşləri, bu qapıçıdan ehtiyatlı olun - VİDEO
Subaşiç “Mladost” haqda gizli heç nə qoymadı: "Bic futbol” oynayırlar" - MÜSAHİBƏ
"Şəmkir"də futbolçu qalmadı: Fərmayıl ölkə xaricinə yollandı
Emil Balayev: "O hadisə mənə çox böyük zərbə oldu" - MÜSAHİBƏ
“Binə”nin varlı sponsoru
Klublarımızın yay transferləri - YENİLƏNİR

Xəbər Lenti
26 İyun 2017
21:00 "Qəbələ"dən Polşa klubuna
20:00 Daha 2 taekvondoçumuz DÇ-də fiasko ilə üzləşdi
19:30 Millimizin üzvü üçün erməni baş məşqçi
19:00 Sinan Öztürk: "İşlərimiz plan üzrə davam edir"
18:15 "Differdanj"ın Bakıya gələcək heyəti açıqlandı
18:00 Bir vaxtlar millinin bazası olan stadion məhv olub gedir - FOTOLAR
17:30 "Neftçi" də başladı - FOTOLAR
17:00 “Binə”nin varlı sponsoru
16:30 Premyer Liqa klubunda yeni baş məşqçi
16:00 "Zirə" və "İnter"in ev matçları canlı yayımlanacaq!
15:30 Nazarovun komandası 24:0 hesablı qələbəyə sevindi
15:00 Eddi İsrafilov Prosineçkiyə lazım deyil?
14:30 "Qarabağ"ın ÇL hazırlığı davam edir - VİDEO
14:00 “İnter”in baş məşqçisi “Qarabağ”la bağlı məlumatları “Samtrediya”ya ötürür?
13:21 Kasilyas "Milan"a keçir?
13:00 “Fakel” erməni ilə müqavilə bağladı, Samirlə yox
12:40 Mario Balotelli "Nitsa" ilə müqavilə imzaladı
12:21 Bundesliqa klubunda yeni qapıçı
12:00 Şehiçin "kitabı" bağlandı
11:40 Çili - Avstraliya - 1:1 - VİDEO
11:20 Almaniya - Kamerun - 3:1 - VİDEO
11:00 Həvəskarlar Liqasının oyununu 5 min azarkeş izlədi - FOTOLAR
10:30 Komandasını elitaya çıxardı, karyerasını başa vurdu
10:00 Klublarımızın yay transferləri - YENİLƏNİR
01:30 "Qarabağ" Avstriyadakı 9-cü gününü də tək məşqlə bitirdi
00:30 Formula-1 Azərbaycan Qran-Prisi başa çatdı
25 İyun 2017
23:00 Eratın komandası yeni mövsümün hazırlığına darmadağınla başladı
22:00 Alim Nəbiyevdən növbəti qələbə
20:57 Almaniya Kamerunu məğlub etdi, Çili Avstraliya ilə bərabərə qaldı
20:17 Azad Rəhimov: "Qran Prini yüksək səviyyədə təşkil etməyə davam edəcəyik"
20:00 Dəniz Yılmaz "Göztəpə" ilə anlaşdı
19:00 Dabo Hollandiya klubu ilə müqavilə imzaladı
18:38 Yığmamız Avropa Liqasını bir xalla başa vurdu
17:41 "Zirə" - "Differdanj" matçına doğru - VİDEO
17:22 DÇ-nin ikinci günündə də uğur qazana bilmədik
17:00 "Qarabağ" azarkeşləri, bu qapıçıdan ehtiyatlı olun - VİDEO
16:40 Oliç də karyerasını başa vurdu
16:21 Ramil Şeydayev oynadı, komandası 6 qol vurdu
15:41 La Liqaya son vəsiqə də sahibini tapdı
15:20 AÇ-nin yarımfinalçıları bəlli oldu
15:00 Emil Balayev: "O hadisə mənə çox böyük zərbə oldu" - MÜSAHİBƏ
14:41 "Real"ın sabiq qapıçısı "Udineze"də
14:20 "İnter" yeni yarımmüdafiəçi aldı
14:00 Futbol klublarımız niyə futzala diqqət ayırmır?
13:40 Stanislav Çerçesov Rusiya yığmasından "bərk yapışıb"
13:22 Marsel "Olimpik"i yeni hücumçu aldı
13:00 I Divizionda debüt edəcək komandanın büdcəsi məlum oldu
12:40 Portuqaliya - Yeni Zelandiya - 4:0 - VİDEO
12:26 Son oyunumuz yunana tapşırıldı
12:20 Yığmamızın heç bir əhəmiyyət daşımayan son sınağı
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.