Ucuz təyyarə biletləri

Tarixi qolun müəllifi "Topaz" işlədir: “Ərəbistandan birbaşa Trabzona gəldik və Slovakiyanı udduq” - YAZI

Tarix:  14.05.17 18:05           Yazar:  Rekord.az           Oxunub: 927 dəfə

Azərbaycan futbolunun tarixinə düşən  oyunlar və həmin oyunların iştirakçıları ilə bağlı yazılarımızı davam etdiririk. Əvvəlki iki yazıdan fərqli olaraq, bu dəfə milli səviyyəsində olan oyuna həsr olunub. Sizinlə 1995-ci ilə səyahət edəcəyik. Bu, həmin dövrdür ki, milli komandalarımız ilk dəfə beynəlxalq oyunlarda iştirak etməyə başlamışdılar. Azərbaycan FİFA-ya və UEFA-ya üzv olandan sonra ilk dəfə qatıldığı turnir Avro-96-nın seçmə qrup mərhələsi idi. Həmin vaxt seçmə mərhələdə reqlament fərqli idi. Əsas milli komandalarla bərabər U-21 milliləri də seçmə mərhələdə iştirak edirdilər. Oyunlar da eyni qrafik üzrə gedirdi. Sadəcə, ilk olaraq meydançaya U-21-lər çıxırdı. Əsas yığmalar isə bir gün sonra oynayırdı. Azərbaycan millisi də ilk dəfə 1994-cü ilin sentyabrında səfərdə Rumıniyaya qarşı oyunda beynəlxalq arenada debüt elədi. Həm ölkənin, həm də futbolumuzun ağır dönəmləri idi. Beynəlxalq təcrübənin yoxluğu açıq-aşkar özünü göstərirdi. Odur ki, qatıldığımız ilk seçmə mərhələdə millimiz heç bir nəticə qazana bilmədi. Yalnız 1995-ci ildə Trabzonda Polşa ilə 0:0 oynamışdıq ki, bu da milli səviyyəsində qazandığımız ilk xal olmuşdu. Lakin əsas millidən fərqli olaraq, U-21 millimiz elə ilk seçmə mərhələdəcə bizə qələbə sevinci yaşada bilmişdi. 1995-ci ilin 15 avqustunda Trabzonda Slovakiya millisi ilə üz-üzə gələn olimpiyaçılarımız Samir Məmmədovun yeganə qolu sayəsində rəqibini 1:0 hesabı ilə məğlub etməyi bacarmışdı. Bu qələbə milli komandalar səviyyəsində seçmə mərhələlərdə qazandığımız ilk qələbə kimi tarixə düşüb. Elə bu dəfəki həmsöhbətimiz də həmin tarixi qolun müəllifi olan Samir Məmmədovdur. İndiki nəsil onu tanımaz. Amma futbol ictimaiyyəti tanımamış olmaz. Futbol oynadığı dönəmdə “Dodiq” ləqəbi ilə tanınırdı. 1973-cü il təvəllüdlü Samir karyerası ərzində elə də güclü klublarda və əsas millidə oynamayıb. Buna baxmayaraq, U-21 millisinə düşməyi bacarmışdı. Hazırda futbol sahəsində çalışmır. Onu tapmaqda bizə Xaqani və Füzuli Məmmədov qardaşları, eləcə də Zaur İsmayılov kömək elədi. Slovakiya ilə həmin tarixi oyundan əvvəl isə istədik. Samirin özünü sizlərə daha yaxından tanıdaq və görək hazırda nə işlə məşğuldur:

 

 

"Topaz" işlədirəm"


“Futboldan 2002, ya da 2003-cü  ildə getdim. O vaxt “Karat”da oynayırdım. Sonuncu klubum da elə həmin komanda oldu. Deməzdim sırf yaşla bağlı idi. Çünki 29-30 yaşım var idi. Sadəcə zədə mane oldu. “Şəmkir”də oynayanda zədə almışdım və həmin zədə sonralar daha çox oynamağıma mane oldu. Futbolu qurtarandan sonra məşqçi də işləyə bilərdim, amma nə bilim, nədənsə, getmədim o işə. Heç təklif eliyən də olmadı. Ona görə də başqa işlə məşğul olmağa başladım. Neçə il olar ki, "Topaz" məntəqəsi işlədirəm. Belə deyək, dolayısı ilə futbolun içindəyik (gülür). Bildiyim qədəriylə məndən başqa da bir neçə futbol adamı var ki, "Topaz" işlədir”

 

 

“Milliyə dəvət gözləyirdim”


Daha sonra həmsöhbətimizdən U-21-ə dəvət alması haqda soruşduq. Çünki o vaxt Samirin yaş qrupunda çox güclü futbolçular var idi və o yaş qrupundan milliyə düşmək çətin idi: “1994-95-ci illərdə Olimpiya yığmasında 1973-74-cü il təvəllüdlü futbolçular oynayırdı. O yaş dövrü də çox güclü idi. Millidə Mahmud Qurbanov, Aslan Kərimov, Mirbağır İsayev və s. Futbolçular oynayırdı. Amma dəvət gözləyirdim. Çünki futbolçu öz klubunda daimi oynayırsa və qol vurursa istənilən  halda dəvət gözləyir. Mən də o vaxt “Bakı Fəhləsi”ndə çıxış edirdim və əsas heyət üzvü idim. Hər halda, əsas heyət üzvü olmasam milliyə də çağırmazdılar. O vaxt U-21-in baş məşqçisi Vaqif Sadıqov idi. Mənim oyunumu da o bəyənib yığmaya çağırmışdı”.

 

 


“İndii kimi 1 hətəlik, 10 günlük toplanışlarımız olmurdu”

 

Daha sonra “Dodiq”lə o dövrün U-21-nin durumu və şəraiti haqda da danışdıq. Əslində şəraitin yaxşı olmadığını bilirdik. Sadəcə, həmin ab-havanı yaşamış birinin dilindən bunları eşitmək daha məntiqli olardı: “O dövrün millisində şərait o qədər də yüksək deyildi. Hətta mən deyərdim heç orta da deyildi, ortadan aşağı idi. İndiki kimi, 1 həftəlik, 10 günlük xarici toplanışılar olmurdu. Bildiyiniz kimi, o dövr ev oyunlarımızı Türkiyənin Trabzon şəhərində keçirirdik. Toplanışlarımız 3-4 gündən çox olmurdu. 3 gün qalmış Bakıda yığışırdıq 2 gün məşq eliyib Trabzona yollanırdıq. Orda da “Trabzonspor”un bazasında qalırdıq, 1 gün də orda məşq eliyib oyuna çıxırdıq. Oyundan dərhal sonra da Bakıya qayıdırdıq. İndi U-21-in üzvləri yaxşı “sutoçnı” alır. Amma bizdə o vaxtı belə şeylər yox idi “sutoçnı”nı ancaq əsas milliyə verirdilər. Yalnız bir dəfə əsas milli ilə birlikdə Ərəbistana getmişdik səhv etmirəmsə orda hansısa kralın şərəfinə turnir olmalıydı həm o turnirdə oynadıq, həm də toplanış keçdik. Həmin toplanışa görə “sutoçnı” almışdım”.

 

 

“Ərəbistandan birbaşa Trabzona gəldik və Slovakiyanı udduq”

 

Həmin vaxt U-21-in Slovakiyanı məğlub etməsi həqiqətən də gözlənilməz olmuşdu. Çünki Slovakiya keçmiş Çexoslavakiyanın bir parçası olaraq futbolu güclü olan Avropa ölkələrindən sayılırdı. Biz isə yazının əvvəlində qeyd etdiyimiz kimi, ağır iqtisadi böhran vəziyyətində idik, müharibə şəraitində yaşayırdıq və futbolumuzun da səviyyəsi çox aşağı idi. Təbii ki, əzmkarlıq var idi. Amma tək əzmkarlıqla Avropa komandalarını məğlub etmək çətin məsələ idi. Oyuna hazırlıqdan da çox şey asılı idi. Samirlə söhbət zamanı bir məsələnin  də üstü açılmış oldu. Sən demə Slovakiya üzərindəki qələbədə indi haqqında danışacağımız məqamın da xüsusi rolu olub: “Slovakiya ilə oyuna qələbə üçün çıxmışdıq. O dövr millimizdə güclü futbolçular yer almışdı. Az öncə adlarını çəkdiyim Mahmud, Mirbağır, Aslan, eləcədə Bəxtiyar Musayev əsas milliyə də dəvət alırdılar. Düzdür, bu səbəbdən bəzi oyunlara stabil heyətlə çıxa bilmirdik. Slovakiya ilə oyun öncəsi də U-21 olaraq tam heyətlə hazırlıq keçə bilməmişdik. Həmin ərəfədə “Neftçi” Kuboklar Kubokunda Cənubi Kiprdə APOEL-lə qarşılaşırdı. Ona görə də baş məşqçimiz Vaqif Sadıqov “Neftçi” ilə birlikdə Kiprə yollanmışdı. Olimpiya yığmasının “Neftçi”də oynayan üzvləri də həmçinin. Mən də daxil olmaqla bir sıra futbolçu da əsas milli ilə birlikdə Ərəbistana turnirə yollanmışdıq. Az öncə qeyd etdiyim kimi, həm də orda toplanış keçdik. Həmin vaxt əsas millinin də baş məşqçisi Ağasəlim Mircavadov idi. Elə oldu ki, Ərəbistandan birbaşa Trabzona gəldik. Bizə hazırlığı Mircavadov keçsə də komandanı Slovakiya ilə oyuna Vaqif müəllim özü çıxardı. Oyuna qələbə üçün çıxmışdıq. Futbolumuzun səviyyəsi elə idi ki, yüksəlk nəticələrdən danışmaq olmazdı. Nəticə tələb olunmadığı üçün meydançaya rahat çıxırdıq. Amma məsuliyyət hər zaman var idi. Slovakiyanın olimpiya yığması da güclü komanda idi. Ona görə oyun çox çətin keçdi. Amma çətin də olsa,qələbə qazana bildik. Etiraf edim ki, bu qələbənin qazanılmasında Ərəbistandakı hazırlığın da böyük rolu oldu. Çünki orda əla şəraitdə hazırlıq keçmişdik”.

 

 

“Ötürməni Xaqani vermişdi”


Məmmədov oyunda vurduğu yeganə qol haqda da təəssüratlarını bizimlə bölüşdü: “Tam olaraq dəqiqliyi ilə yadımda qalmayıb. Amma onu bilirəm ki, qolu oyun epizodundan vurduq. Səhv etmirəmsə sağ cinahdan hücum qurduq və Xaqani Məmmdov cərimə meydançasına ötürmə verdi. Mən də müdafiəçiləri qabaqlayıb topu ayaqla qapıdan keçirdim”.

 

 

“200 dollar mükafat verdilər”


Təbii ki, hansısa tarixi qələbəmizi xatırlayanda ağla gələn ilk suallardan biri də mükafatla bağlı olur. Çünki bu gün milli komandalarımızda belə bir problem yoxdur. Hansısa oyunu udanda milli üzvlərinə AFFA tərəfondən çox yüksək məbləğdə mükafatlar verilir. Görəsən Slovakiya üzərindəki o tarixi qələbəyə o vaxtkı AFFA rəhbərliyi nə qədər mükafat vermişdi: “Oyundan sonra çox sevincli idik. Çünki bizim üçün doğurdan da böyük qələbə idi. Həmin vaxtlar nadir hallarda qələbə qazandığımızdan dadı da şirin olurdu. Yadımdadır, oyundan sonra o vaxtkı AFFA prezidenti Fuad Musayev soyunub-geyinmə otağına gəlib bizi təbrik elədi. Çünki milli komandalar səviyyəsində ilk qələbəmiz idi. Mükafata gəlincə, adama 200 dollar mükafat vermişdilər. Deməzdim ki, o dövr üçün böyük pul idi, amma bəzi ehtiyaclarımızı ödədik. Yəni o qədər böyük məbləğ olmasa da əlimizdən tutdu”.

 

 

“Oyunlarımıza azarkeş gəlmirdi”

 

Söhbət düşmüşkən, “Dodiq”dən Trabzonda oynamağın hansı çətinliklər yaratdığından da danışdıq. Ümumiyyətlə, Türkiyədə oynamaq nə dərəcədə çətin idi, oyunlara azarkeş gəlirdimi: “Qalmağına “Trabzonspor”un bazasında qalırdıq. Əsas komanda ilə birlikdə. Lakin əsas komandadan fərqli olaraq biz, oyunlarımızı “Trabzonspor”un əsas stadionunda keçirmirdik. Orda ehtiyat stadion var idi orda oynayırdıq. Onu deyim ki, oyunlarımıza o qədər də çox azarkeş gəlmirdi. Gələnlər də Türkiyədə olan azərbaycanlılar idi. Təbii ki, ev oyunlarımızı Azərbaycanda keçirsəydik oyunlarımıza daha çox azarkeş gələrdi”.

 

 

“Bir oyun yaxşı oynayıb, beş oyun pis oynamaq inkişaf deyil”


Sonda Samir Məmmədovdan o dövrkü U-21-lə bugünkü U-21 milliləri arasındakı fərqi də soruşduq: “Bizim dövrümüzdə istedadlı futbolçular daha çox idi. Demirəm, indi də istedadlı uşaqlar var. Amma bizim dövrümüzdəki kimi çox deyil. Amma şərait baxımından yerlə göy qədər fərq var. İndiki şəraitin heç 1/10-u o vaxt bizdə yox idi. Biz millinin oyunları qabağı maksimum 2 gün qalmış Buzovnada yığışıb məşq edirdik və oyuna çıxırdıq. İndi amma Avropada 1 həftəlik, 10 günlük toplanışlar olur. Təbii ki, bu şəraitin qabağında göstərilən nəticə bu cür olmamalıdır. İnkişaf daimi olmalıdır. Bir oyun yaxşı oynayıb beş oyun pis oynamaq inkişaf deyil. O ki qaldı millidə legionerlərin olmasına, bəlkə də 1-2 nəfər səviyyəli legioner oynatmaq olar. Ammadaha yaxşı olar ki, millidə öz uşaqlarımız oynasın”.

Anar XANLAROV

Layihə AFFA yanında Media Komitəsi tərəfindən maliyyələşdirilir

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Amal Abuşov
De Souza, Rəşad və “Qarabağ” haqqında
2017-11-23  // 1 Şərh
Sənan Abdullayev
Elnur Cəfərovu tanıyırsızmı?
2017-11-12  // 163 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Rəşad Sadıqovun "Qarabağ"a gətirdiyi futbolçu milliləşdirilir?
Yunis Hüseynovun siyahısında 5 legionerin adı var - ÖZƏL!
Kamran Ağayev və Namiq Ələsgərov "Kəpəz"in hədəfində
Bakının daha bir qəsəbəsində yeni komanda yaradılır və "Region Liqası"nda oynayacaq
Kamran Ağayev kef məclisi qurdu, meyxanaçıların "şotu"nu verdi
Bərdə də böyük futbola qayıdır
Baş məşqçiyə uzun müddət şans verilməlidir?!
“Qarabağ” “Sumqayıt”a, “Qəbələ” “Səbail”ə qalib gəldi
Gəncə stadionda yeni meydançaları kim tikəcək?
“Keşlə” “Kəpəz”ə, “Zirə” “Neftçi”yə qalib gəldi

Xəbər Lenti
11 Dekabr 2017
23:55 Pedro Enrike: "Hər şey məndən asılı deyil"
23:47 Fərhad Vəliyev: “Pedro Enrike məni aldatdı”
23:38 Vurğun Hüseynov: "Bu nəticəni pis hesab etmirəm"
23:33 “Region Liqası”nın püşkü atılacaq
22:37 "Qarabağ" - "Sumqayıt" 2:1 - FOTOLAR
22:05 "Qarabağ" - "Sumqayıt" 2:1 - VİDEO
21:22 Qurban Qurbanov: “Bu gün əmin oldum ki, sizdən heç nə saxlamaq olmur”
21:11 “Bu oyunçular millinin gələcək üzvləridi”
20:55 “Qarabağ” “Sumqayıt”a, “Qəbələ” “Səbail”ə qalib gəldi
19:30 "Qəbələ" - "Səbail" 1:0 - VİDEO
18:45 Samir Əliyev: “Buna illər lazımdı”
18:40 Roman Qriqorçuk: “Onu Azərbaycanın ən yaxşı futbolçularından sayıram”
18:00 Kamran Ağayev və Namiq Ələsgərov "Kəpəz"in hədəfində
17:46 Rəşad Əzizlidən iddialı açıqlama: "Mərhələni "Neftçi" keçəcək" - MÜSAHİBƏ
17:22 Messi 525-ə çatdı
17:00 Yunis Hüseynovun siyahısında 5 legionerin adı var - ÖZƏL!
16:56 Avropa Liqasında 1/16 finalın püşkü atıldı
16:45 Dani Kintanadan 1 qolla 2 yubiley
16:33 Komandamızın avrokubokdakı ilk oyununun hakimləri bəlli olub
16:21 “Qarabağ” evdə, “Qəbələ” səfərdə
16:00 Rəşad Sadıqov U-21-in baş məşqçisi olacaq
15:49 "Səbail"in məşqçisi Təhsil Nazirliyinin Fəxri Fərmanı ilə təltif edilib
15:43 Qurban Qurbanovlu milli komandamızın ilk rəqibi bəlli oldu
15:40 “Qarabağ”dan mövsümün rekordu
15:30 ÇL-də 1/8 finalın püşkü atıldı: “Real” PSJ-yə rəqib oldu
15:21 “Qəbələ” mövsümün ilk yarısında - STATİSTİKA
15:00 Kamran Ağayev kef məclisi qurdu, meyxanaçıların "şotu"nu verdi
14:42 İsrafilovlu “Ximnastik”dən qələbə
14:21 70 dəqiqə və 1 xal
14:00 Bərdə də böyük futbola qayıdır
13:40 290 oyun, 8170 futbolçu
13:21 Dadaşov het-trik etdi, komandası 5 qola sevindi
13:00 Bakının daha bir qəsəbəsində yeni komanda yaradılır və "Region Liqası"nda oynayacaq
12:40 Nəsirov oynamadı, komandası “Benfika”ya uduzdu
12:22 Paşayev Kiyev "Dinamo"suna qarşı 90 dəqiqə oynadı
12:00 Tərlan Əhmədov Barqasa xəbərdarlıq etdi
11:47 Təmkin Xəlilzadə: "Bu şansı əldən verməməliyik" - MÜSAHİBƏ
11:22 Rəşad Sadiqov: "Başqa yolumuz yoxdur" - MÜSAHİBƏ
11:00 Gəncə stadionda yeni meydançaları kim tikəcək?
10:30 "Zirə" - "Neftçi" 1:0 - FOTOLAR
10:28 İtaliyada çıxış edən millimizin üzvü yenə meydandan kənar qaldı
10 Dekabr 2017
23:51 "Keşlə" - "Kəpəz" 2:0 - FOTOLAR
23:11 Baş məşqçiyə uzun müddət şans verilməlidir?!
23:03 Samir Abasov Madrid “Atletiko”sunun düşərgəsində
21:00 Zəngilan futbolunun ön sözü və ya "Neftçi"dən Almaniyaya gedən yol - YAZI
20:30 Eratsız “Duysburq” xal itirdi
19:54 "Zirə" - "Neftçi" 1:0 - VİDEO
19:21 Ayxan Abbasov: “Bizim konkret büdcəmiz var”
19:13 “Qəbələ” ilə oyundan sonra onu tanımaq olmur”
19:00 Dortmund “Borussiya”sında yeni baş məşqçi
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.