Ucuz təyyarə biletləri

Prosineçkinin menecerinin qeyri-peşəkar davrandığı üzə çıxdı: "Bursaspor" rəsmi müraciət ünvanlamamışdı"

Tarix:  16.06.17 16:06           Yazar:             Oxunub: 347 dəfə

Robert Prosineçkinin “Bursaspor”a yollanmaq söhbəti qapandı. Bu isə o deməkdi ki, xorvat çalışdırıcı azı AFFA ilə müqavilə müddəti bitənə, yəni dekabrın 4-nə qədər yığmanın başında olacaq. Halbuki Türkiyə mətbuatı Prosineçkinin karyerasını qardaş ölkədə davam etdirmək istədiyini yazır, keçidin baş tutmaq üzrə olduğunu iddia edirdi. Yanvardan bu yana gedən söhbətlərdə Yaşar Çalışır adlı menecerin adı çəkilirdi. Türk agent verdiyi son açıqlamada məsələyə AFFA rəhbərliyi ilə Prosineçkinin görüşündən sonra aydınlıq gələcəyini bildirmişdi. Alınmadı, Prosineçki Azərbaycanda qalmalı oldu. Belədə təbii ki, Yaşar bəyin deyəcəkləri olmalıdı.

"Rekord.az" xəbər verir ki, Çalışır “Futbol+” qəzetinə Prosineçkiylə bağlı müsahibə verib. Həmin müsahibəni təqdim edirik:

 

“Bursaspor”un məktubuna gərək yox idi”

- Prosineçki ilə işbirliyiniz hansı müddəti əhatə edir?
- Hardasa 3 ildi.

- “Kayserispor”a keçidinə siz vasitəçilik etməmişdiz?
- Xeyr. Robert “Kayserispor”da çalışanda tanış olmuşduq.

- Tək sizinlə işləyir, yoxsa əməkdaşlıq etdiyi başqa agentlər də var?
- Robertə çox menecer zəng vura, maraqlana bilər. Amma o yalnız güvəndiyi adamlarla çalışır. Mənə də çox güvəndiyini deməliyəm.

- Sizinlə agent-məşqçi işbirliyi olaraq müqaviləsi var?
- Bizdə müqavilədən də yaxın münasibət var - abi-qardaş münasibəti.

- “Bursaspor” söhbəti nəydi belə? 6 ay ərzində fırtına kimi fırlandı, bir göz qırpımında toz olub yoxa çıxdı.
- Həyatda heç də hər şey planlaşdırdığın, istədiyin kimi olmur. Bəzən ortaya əngəllər çıxır. Normaldı yəni.

- Həqiqətənmi “Bursaspor” Prosineçkini baş məşqçi postunda görmək istəyirdi?
- Təbii ki.

- Elədisə, niyə klub olaraq AFFA-ya rəsmi müraciət göndərmədilər? Ən azı klub rəsmiləri assosiasiya başbilənləri ilə görüşə bilərdi.
- Ola bilərdi, amma olmadı.

- Mən də onu soruşuram, niyə olmadı? Bir məşqçini komandasında görmək istəyən rəhbərlik niyə ciddi mənada heç nə etmədi?
- Klub rəhbərliyi yanvarın 22-də mənimlə əlaqə saxladı. Ertəsi biz artıq Bakıdaydıq. Baş məşqçi ilə görüşüb ümumi söhbət etdik, detallara varmadıq. Həmin vaxt üçün məsələ qapandı. Mövsümün gedişində yenə fikir mübadiləsi apardıq. Robert “indi heç nə deyə bilmərəm, oyunların nəticələrindən asılıdı” dedi. Şimali İrlandiya ilə matçdan sonra AFFA rəsmiləriylə görüşdü, lakin alınmadı. Belədə “Bursaspor” rəhbərliyinin məktubuna gərək yox idi. Bu işdə məcburiyyət olmur. Sizə sual verim. Azərbaycan yığmasının DÇ-2018-ə yollanmaq şansı varmı?

 

“Elxan Məmmədovun Roberti məcbur saxlamasının kökündə nə dayanırdı?”

- Çox azdı, bəlkə də 1 faiz. 
- Sıfır dərəcəsindədi, hətta mənfi sıfır deyərdim. Belədə AFFA rəhbərliyinin, hörmətli Elxan Məmmədovun Roberti məcbur saxlamasının kökündə nə dayanırdı?

- Bu haqda sizdən başqa iddia edən yoxdu. Məgər Prosineçki “Bursaspor”a getməkdə maraqlıydı?
- AFFA buraxsaydı, təbii ki, gedərdi.

- Baş məşqçi assosiasiya rəsmiləriylə görüşdə “mən getmək istəyirəm” deyib? Məsələ budu.
- Məsələ o deyil. Məsələ Prosineçkinin “məni buraxarsız, ya yox” sualına almaq istədiyi cavab olub.

- “Bursaspor”un rəsmi təklifi yoxkən, Prosineçkinin “məni buraxarsız, ya yox” sualı hansı məntiqə sığır? Adamın AFFA ilə müqaviləsi var. 
- Rəsmi təklif olmadığını sizə kim deyib?

- AFFA-nın Mətbuat və İctimaiyyətlə Əlaqələr Departamentinin rəhbəri Mikayıl Nərimanoğlu...
- “Bursaspor” Prosineçkini komandada görmək istəyirdi.

- Bununla bağlı AFFA-ya rəsmi müraciət ünvanlanıb, ya yox?
- Xeyr.

- Belədə biz nəyin söhbətini edirik? Siz və Prosineçki nəyə iddia edirdiz?
- AFFA razı olmadığı təqdirdə Robert gedə bilməzdi?

- Getməsi üçün ya özünün, ya da üz tutacağı klubun təzminat ödəməsi lazımdı. Təzminat ödəmədən gedəcəyi halda, sabah FİFA- ilə UEFA-nın qarşısında cavab verməli olacaqdı.
- İstəsəydi, gedərdi. Bunu sizə əminliklə deyirəm.

- “Bursaspor” Prosineçkiylə bağlı AFFA-ya rəsmi müraciət ünvanlamayıb. Belədə sizdə narahatlıq doğuran məqam nədi?
- Təklif Robertin özünə olmuşdu.

- Baş məşqçinin cavabı nə olmuşdu? 
- “AFFA rəhbərliyi ilə görüşəcəm. Olarsa, olar, olmazsa, heç nə edə bilməyəcəm” cavabını verdi. Razılıq olsaydı, dostcasına əl sıxıb görüşəcəkdi və gedəcəkdi.

 

“Bursaspor” təklif göndərsəydi, AFFA onu buraxacaqdı?”

- Təbii ki, AFFA buna razı olmayacaqdı. 
- Canları sağ olsun.

- Belə vəziyyətlə üzləşən baş məşqçi, sizcə, millini qarşıdakı 4 oyuna əvvəlki əhval-ruhiyyədə hazırlaya biləcək? 
- Prosineçkini uğurlu və işinə peşəkar yanaşan məşqçi hesab edə bilərik?

- Müəyyən mənada, hə. 
- Yığmanı Berti Foqtsun dünya sıralamasında 137-ci sırada qoyub getdiyi yerdən 76-cı pilləyə yüksəltdi. Qrupda ilk 3 oyundan sonra 7 xal toplayıb, Şimali İrlandiya kimi rəqibə qarşı layiqli futbol oynatdı. Bu adam futbol xəstəsidi, futbolla nəfəs alır. Çalışdığı yerdə maksimum bacarığını ortaya qoyur. Odu ki, qarşıdakı 4 matçda işinə soyuq yanaşacağını gözləməyə dəyməz. İndiyə qədər necə idisə, bundan sonra da elə olacaq.

- Bayaqdan danışırıq, hələ də bir suala cavab tapa bilmirəm. “Bursaspor” rəhbərliyi Prosineçkini komandada görmək istəyirdisə, niyə AFFA-ya rəsmi təklif göndərmirdi?
- İndi mən sizə sual verirəm: rəsmi təklif göndərilsəydi, AFFA onu buraxacaqdı?

- Bu başqa söhbətin mövzusudu. Hər şey ola bilərdi. “Niyə göndərmədi” sualına cavab tapaq. Təklif göndərilsəydi, indi biz sizinlə yox, AFFA rəhbərliyi ilə əlaqə saxlayıb “getmək istəyən adamı niyə buraxmadız” sualına cavab tapacaqdıq. Ortada “Bursaspor”un Prosineçkini komandada görməsi ilə bağlı fakt yoxdu. Başa düşürsüz?
- Göndərmədilər, məsələ də qapandı. “Bursaspor” yeni məşqçi ilə anlaşdı, söhbət bitdi.

- Bunlar məlumdu. Niyə təklif göndərmədilər?
- Göndərmədilər, bu qədər.

- Görünür, AFFA-nın təzminat istəyəcəyini düşünüb göndərmədilər. 
- Robert assosiasiya rəhbərliyi ilə ortaq məxrəcə gələ biləcəyini düşünürdü. Rəsmi təklif olsaydı, AFFA təzminat istəyəcəkdi, “Bursaspor” da ödəyə bilməyəcəkdi.

- Orda 2 milyondan söhbət gedirdi.
- Əsla! Orda 2 milyon söhbəti yox idi, yalan söhbətdi.

- Elədisə, “Bursaspor” 300, 500, 700 min ödəməklə istəyinə çata bilərdi.
- Görünür, iki ilyarımda Roberti tanıya bilməmisiz. Getmək istəyi qəti olsaydı, heç nəyi düşünmədən çıxıb gedərdi. Müqaviləni birtərəfli qaydada pozub AFFA ilə əməkdaşlığa son qoyardı. Prosineçki gedərdi, AFFA da öz növbəsində FİFA-ya şikayət edərdi. FİFA məsələni CAS-a göndərərdi. CAS problemin nədən ibarət olduğuna baxardı və buna uyğun təzminat kəsərdi.

 

“Şəxsi fikrimdi, dekabrdan sonra Azərbaycan millisində qalmayacaq”

- Prosineçkinin AFFA-yla müqaviləsində təzminatla bağlı konkret rəqəm yoxdu?
- Müqavilədə rəqəm yoxdu. Bunu CAS müəyyənləşdirir. Prosineçki problem yaratmaq istəmədi, insanlıq nümunəsi göstərib qaldı. AFFA baş məşqçinin iki ilyarımda göstərdiyi xidmətlərə görə minnətdarlığını bildirib, qarşılıqlı razılıq əsasında yollarını ayıra bilərdi. Amma etmədilər.

- Etməzdilər. Çünki qarşıda daha ciddi hədəf - AÇ-2020-nin final mərhələsinə vəsiqə qazanmaq var.
- Dekabrın 4-də müqavilə müddəti başa çatır. Sizcə, bu tarixdən sonra Azərbaycanda qalacaq?

- Qışda harasa gedəcəyi inandırıcı görünmür. Baş məşqçilərə adətən, yay fasiləsində ehtiyac duyulur. 
- “Bursaspor” dünyada yeganə komanda deyil ki. Yığmanın hazırda 7 xalı var, düzdü? Seçmə mərhələnin sonuna qədər xallar 12-13-ə qədər yüksələ bilər. Belədə Azərbaycan millisi ilə fantastik irəliləyişə imza atmış məşqçiyə tələbat daha da artacaq. Xəbəriniz var ki, dünyadakı insanlar Robert Prosineçkidən danışır?

- AFFA-nın onu buraxacağı inandırıcı deyil. Hansısa yolla dil taparlar yəqin.
- Özü getmək istəyəndən sonra heç kim onu saxlaya bilməz. Siz mənimlə noyabrda bir də əlaqə saxlayın ki, yeni məlumatlar əldə edə biləsiz (gülür). Prosineçkinin nə düşündüyünü, hansı qərar verəcəyini bilmirəm. Şəxsi fikrim belədi ki, dekabrdan sonra Azərbaycan millisində qalmayacaq.

- Prosineçkinin Azərbaycana gəlişinə vasitəçiliyi siz etmişdiz?
- Xeyr.

- Bu günə qədər işbirliyiniz olub?
- Olmayıb, amma ola bilərdi. “Bursaspor” məsələsiylə mən məşğul olurdum. “Bursaspor”un müqaviləsi bu dəqiqə çantamdadı. Robertin ora imza atması lazım idi, amma alınmadı.

- Çalışdığınız futbolçular, məşqçilər arasında tanınmışlar var?
- Mən fərdlərlə yox, klublarla işləyirəm. Ailəm Almaniyada yaşasa da, mən İtaliyadayam, buranın bazarındayam. Məsələn, hansısa klubdan zəng vurub deyirlər ki, filan futbolçunu göndərmək istəyirik, ona iş yeri tapmaq lazımdı. Mən də əlaqə vasitələrimi işə salıb məsələni həll edirəm və təbii ki, pulumu qazanıram.

- Belə çıxır ki, Prosineçkiylə danışıqlara “Bursaspor” rəhbərliyinin tapşırığı əsasında başlamışdız. 
- Bəli. Yenə deyirəm, şəxsi fikrim budu ki, Prosineçki dekabrdan sonra orda qalmayacaq.

- Niyə?
- Bu suala indi cavab verməyəcəm. Dekabrın 4-dən sonra zəng vurarsız, danışarıq. Məsələ başqa cür də ola bilər. Ona görə də indidən detallara varmaq istəmirəm. Millidə çalışmaq başqadı, klubda işləmək istəyi başqa.

- Səmimi danışığa görə təşəkkür edirəm. Dekabrda əlaqə saxlayacam sizinlə.

 

“Dekabrın 4-dən sonra daha geniş danışacam sizə”

- Bir şeyi dəqiqləşdirim. Sizə “Bursaspor” AFFA-ya rəsmi müraciət ünvanlamayıb” sözünü kim demişdi?

- Qurumun sözçüsü Mikayıl Nərimanoğlu.
- Azərbaycan yığması hansı şirkətin geyim dəstləri ilə təmin olunur?

- Bu yaxınlarda “Nike” ilə müqavilə bağlandı. 
- “Nike”la anlaşdılar, eləmi? Aprel ayında dünyada kifayət qədər tanınan geyim şirkətini AFFA-ya məsləhət görmüşdüm. Mənə dedilər ki, həmin şirkət AFFA-ya məktub göndərsin, götür-qoy edək. Avropadakı həmin şirkət də məktub göndərdi. Elədisə, AFFA niyə həmin şirkətə cavab vermədi? Niyə “hə”, ya da “yox” demədilər? Peşəkarlıqdan danışırlarsa, “Bursaspor”un rəsmi təklif göndərmədiyini ön plana çıxarırlarsa, kifayət qədər tanınan şirkətin məktubunu veclərinə almadıqlarından niyə danışmırlar?

- Məktubun AFFA-ya çatmamaq ehtimalı var? 
- Məktub üç nüsxədə hazırlanmışdı. Biri mənə göndərildi, biri Elxan Məmmədova, biri də Mikayıl Nərimanoğluna. Məktub deyərkən, e-mail nəzərdə tuturam. Prosineçkini buraxmadılar, sağ olsunlar, öz işləridi. Sadəcə, “bizə rəsmi müraciət ünvanlanmayıb” deməsinlər. Mən faktlarla danışıram, lazım olar, dəqiq tarixləri də deyərəm.

- Məsələn, hansı faktlar?
- Martda Almaniya ilə oyundan əvvəl “Kikker” nəşri ilə Bakıya gəlmişdim. Öncə Robert Prosineçkidən reportaj hazırladılar, daha sonra Elxan Məmmədovdan müsahibə götürdülər. İş başa çatandan sonra Elxan bəylə görüşüb bu haqda məlumat verdim. “Umbro” ilə müqavilə müddətinin başa çatdığını deyib, yeni təkliflərə açıq olduğunu söylədi. Mən də haqqında bəhs etdiyim həmin böyük şirkətlə əməkdaşlıq haqda söz açdım. Məmmədov mənə “məktub göndərsinlər, baxaq, ondan sonra qiymət haqda danışarıq” dedi. Almaniyaya qayıtdıqdan sonra şirkət rəhbəri ilə əlaqə saxlayıb Elxan Məmmədovun dediklərini diqqətinə çatdırdım. Əslində mənim bu işdə maddi qazancım yox idi. Sadəcə yaxşılıq etmək, münasibətləri yaxşılaşdırmaq üçün addım atmaq istəyirdim. Aprelin əvvəlində AFFA-ya məktub göndərilsə də, cavab alınmadı. Nəticədə zərbə mənə, mənim adıma dəydi. Sonradan Mikayıl bəy məktub yazıb ki, bəs başqa şirkətlə anlaşdıq. Anlaşın, lap yaxşı, xeyirli olsun. Bu sözləri cavab məktubunda yazmaq olmazdı? “Bursaspor” peşəkar davranmadısa, mən də deyirəm, AFFA peşəkar iş görmür. Söhbət dünyada tanınmış şirkətin göndərdiyi məktubdan gedirsə, qardaşım, sən onlara cavab verməlisən. Ola bilər, şərtlər, qiymətlər, ya başqa nəsə səni qane etməsin. Bu normaldı. Ancaq qarşı tərəfə cavab verməlisən, fikrini bildirməlisən. Onlar nə etdilər? Belə bir məktub olmayıbmış kimi davrandılar, “yox” demədən “Nike”la anlaşdılar. Niyə başqa şirkətlərin təkliflərinə baxmadan “Nike”la anlaşdılar? Burda çox böyük sual var. Elə bu məsələ ilə bağlı da dekabrın 4-dən sonra daha geniş danışacam sizə. Heç kimdən qorxmuram, doğrunun yanında olan insanam. Razıyam, “Bursaspor” rəsmi təklif göndərsəydi, fərqli ola bilərdi. Mövzu qapandı. Robert bundan sonra da peşəkarlıq göstərib işini davam etdirəcək. Amma AFFA-dakılar mənə peşəkarlıqdan bəhs etməsinlər. Bəzi şeyləri hələ açıqlamaq istəmirəm.

* Xəbərə şərh yoxdur
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Amal Abuşov
Gəl girək qol-qola...
2017-10-05  // 0 Şərh
Amal Abuşov
Samir Abasovun Cənnəti
2017-09-23  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Son vaxtlar parladı, Qurban Qurbanovun maraq dairəsinə düşdü - ÖZƏL!
“Göyəzən” üçün gülməli büdcə
Şehiçin “Qarabağ”da son mövsümüdür?
"Qəbələ"dən ayrılıb "Kəpəz"ə keçə bilər
"Kəpəz" sabiq futbolçusunu həbsdən çıxardır və işlə təmin edir
AFFA “Neftçi”yə yeni sponsor axtarır
Ramil Səfərov Mübariz Mənsimova nə hədiyyə etdi? - FOTO
Füzuli Cavadov: "Qurbandan xahiş etdim ki, Vaqifi hamının içində danlamasın" - MÜSAHİBƏ
"Karvan"ın sabiq futbolçusu məşqçiliyə başlayır
Qusar rəhbərliyinə futbol lazım deyil?

Xəbər Lenti
19 Oktyabr 2017
01:48 “Qarabağ”dan qələbəyə bərabər heç-heçə - FOTOLAR
00:08 Mahir Mədətov: "Hamısı ispanca danışırdılar, başa düşmürdüm" - MÜSAHİBƏ
18 Oktyabr 2017
23:55 "Qarabağ" - "Atletiko" 0:0 - VİDEO
23:30 Antuan Qrizmann: "Qarabağ"dan belə oyun gözləmirdik"
23:12 Gənc cüdoçularımızdan DÇ-də 2 gümüş medal
23:12 Tahir Gözəl: "Qırmızı vərəqəyə görə narahat oldum" - MÜSAHİBƏ
23:07 Qurban Qurbanov: “Hakim epiozodu düzgün dəyərləndirmədi”
22:52 Rəşad Sadıqov: "Hakimin “Atletiko”ya simpatiyasi açıq-aşkar hiss olunurdu"
22:39 Dieqo Simeone: “Qarabağ” müdafiədən hücuma yaxşı çıxırdı”
22:25 “Qarabağ”ın qrupunda üçhakimiyyətlilik
21:54 “Qarabağ” “Atletiko” ilə tarixi heç-heçəyə imza atdı!
21:35 "Fənərbaxça"nın qələbə qazandığı oyunda hücumçumuz 22 dəfə fərqləndi
21:23 Kapitanımız Türkiyədə ilk qələbəsini qazanıb
21:09 Azərbaycan millisinin AÇ üçün heyəti açıqlandı
19:20 Yığmamız Tiflisdən 5 medalla qayıdır
19:15 "Qarabağ" "Atletiko"ya qalib gəlsə, azarkeşlər evə taksi ilə gedəcək, özü də pulsuz
19:10 “Kəpəz” derbiyə itkilərlə çıxacaq
18:42 "Qarabağ" - "Atletiko" matçında yenilik - FOTO
18:40 Yığmamızın Fransa və İspaniya oyunlarının başlama saatı açıqlandı
18:21 Azərbaycanlı hakimə ilk təyinat
18:00 Füzuli Cavadov: "Qurbandan xahiş etdim ki, Vaqifi hamının içində danlamasın" - MÜSAHİBƏ
17:40 Elnarə Abbasova AÇ-də 6-cı oldu
17:30 Əzizovanın formasını geyindiyi "Beşiktaş" qələbə qazandı
17:00 Bu da son: Türkiyə çempionatı Azərbaycanda yayımlanmayacaq!
16:40 "Atletiko"yla matçdan sonra azarkeşlər üçün xüsusi avtobuslar ayrılacaq
16:21 Super Liqanın yayımı ilə bağlı “CBC Sport”dan rəsmi açıqlama
15:55 “Qarabağ” "Atletiko"ya böyük hesabla uduzdu
15:21 “Trabzonspor” yeni baş məşqçisinin adını rəsmən açıqladı
15:00 Koke "Qarabağ"a qarşı oynamayacaq?
14:40 Dörd komandaya texniki məğlubiyyət, baş məşqçiyə 5 oyunluq cəza
14:21 Divizion klublarının da cəzaları açıqlandı
14:00 Gəncə stadionunda yerləşdirilən reklam löhvlərinin pulu hara gedir?
13:40 AFFA Derlis Meza Kollini cəzalandırdı
13:21 Maşallah Əhmədovdan şikayət edildi
13:00 "Marca" Qarabağ həqiqətlərindən yazdı: "Baş verənlər klubu 255 km uzaqlıqda olan Bakıya köçməyə məcbur edib"
12:40 “Qarabağ” BOS-da fan-şop açacaq
12:21 Daha bir milli komanda baş məşqçisiz qaldı
12:00 "Karvan"ın sabiq futbolçusu məşqçiliyə başlayır
11:40 “Qəbələ”dən bir oyunda 30 qol
11:00 "Kəpəz" sabiq futbolçusunu həbsdən çıxardır və işlə təmin edir
10:31 Premyer Liqa klubu baş məşqçisini qovdu
10:00 Bakı klubu Argentina millisinin hücumçusu ilə razılaşmanı ləğv etdi
09:51 Millimizin üzvü ÇL-də mübarizəyə başladı
09:37 Avrokubok təmsilçimiz heyətinə bir neçə legioner cəlb edib
00:24 "Qarabağ" "Atletiko" ilə matça hazırdı - FOTOLAR
17 Oktyabr 2017
23:56 Millimiz elit-raunda vəsiqə qazandı
23:02 Paşa İbrahimli AÇ-də 5-ci yeri tutdu
20:20 İsa Rüstəmov da AÇ-də 6-cı oldu
20:00 “Kəpəz” “Neftçi” ilə oyuna Bakıda hazırlaşır
19:40 Ramil Əliyevin istefası qəbul olunmadı
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.