Ucuz təyyarə biletləri

Uşaqlar var, şərait və pul yoxdur - YAZI + FOTOLAR

Tarix:  09.08.17 17:08           Yazar:  Rekord.az           Oxunub: 549 dəfə

İşğal altında olan bölgələrimizin futbol həyatından bəhs edən "Meydansız top" adlı layihəmiz çərçivəsində Şuşa futbolundan növbəti yazımızı sizə təqdim edirik. Ötən iki yazımızda Şuşanın futbol tarixi haqda bəhs etmiş, bu günə qədər ümumi futbol səhnəmizdə bu rayonu təmsil edən klublaı haqda məlumat vermişdik. Bu yazımızda isə Qarabağı döyünən ürəyi olan bu şəhərin uşaq futbolunun hazırkı durumu haqda sizə məlumat verəcəyik. 

 

Maddi imkansızlıq ölkə çempionatına qatılmağa imkan vermir


Təbii ki, istənilən rayonun uşaq futbolundan danışanda ilk növbədə AFFA-nın bayrağı altında keçirilən ölkə çempionatı yada düşür. Lakin böyük təəssüflə qeyd etməliyik ki,  AFFA–nın 10 yaş qrupu üzrə keçirdiyi futbol üzrə ölkə çempionatında Şuşa rayonu bir komanda ilə də olsun təmsil olunmur. Səbəbi ilə də maraqlandıq və məlum oldu ki, bunun üçün rayon tərəfindən federasiyaya heç müraciət də ünvanlanmayıb. Hər şey çox sadədir: maliyyə sıxıntısı var. Çünki komandanı təşkil etmək, onları forma ilə təhciz etmək, səfər oyunlarına avtobus ayırmaq üçün vəsait lazımdır. Onu ayırmaq üçün isə Şuşa Rayon İcra Hakimiyyətinin, eləcə də Şuşa Gənclər İdman İdarəsinin yetəri qədər maliyyəsi yoxdur. Bu məsələdə bəlkə də AFFA kömək edə bilər. Ancaq mövcud durum da fərqlidir. Çünki federasiyanın özünün də hazırkı maddi durumu əvvəlki kimi deyil. Məsələn, bir neçə il bundan əvvələ kimi, AFFA çempionatda oynayan bütün uşaq komandalarını top, forma, nəqliyyat və yeməklə təmin edirdi. İndi isə o imkan yoxdur. Bununla belə, müraciət olacağı təqdirdə federasiya imkan daxilində öz köməyini göstərə bilər. Sadəcə, şuşalılar özləri bu işdə təşəbbüs göstərməlidir. Eyni zamanda imkanlı şuşalılar da Şuşa futbolunun inkişafında və təbliğində öz köməkliklərini ortaya qoymalıdır. Təəssüf ki, layihə çərçivəsində söhbət etdiyimiz şuşalı futbolsevərlər bildirdi ki, bu günə kimi, bir neçə dəfə uşaq komandaları yaradıb heç olmasa bir yaş qrupu üzrə ölkə çempionatına qoşulmağa cəhd etsələr də, heç kim onlara maddi cəhətdən yardım etməyib.  İndi gözlərini növbəti mövsümə dikiblər. Dəstək olsa, çempionatda oynamaq üçün bir yox, bir neçə komanda qurmaq olar.

 

 

 

Uşaqlar var, şərait yoxdur

Qeyd etdiyimiz kimi, maddi durum imkan versə, pul xərcləyən olsa, Şuşada bir neçə uşaq komandası təşkil edib ölkə çempionatına buraxmaq olar. Araşdırmamız da bunu göstərdi. Müəyyən etdik ki, ölkə çempionatında çıxış etməməsinə baxmayaraq, şuşalılar futbola biganə deyil və bu rayonda da futbola maraq var. Məsələn, Şuşa Rayon Gənclər və İdman İdarəsindən aldığımız məlumata görə, hər il idarənin xətti ilə bir sıra futbol yarışları keçirilib. Həmin yarışlarla ətraflı tanış olan zaman özümüz də yaxşı mənada təəccübləndik.

 

 

 

3 saylı məktəb və Malıbəyli

Məsələn, ötən ilin martında 5 mart - Bədən tərbiyəsi və idman günü münasibətilə 6 komandanın iştirakı ilə 5-ci və 6-cı sinif şagirdləri arasında futbol turniri keçirilib. Gərgin mübarizə şəraitində keçən yarışın qalibi adını 3 saylı məktəb qazanıb. Quşçular kənd orta məktəbi 2-ci,  6 saylı orta məktəb isə 3-cü yeri tutub. Qaliblərə kubok və diplomlar verilib.

 

Bundan başqa, keçən iliyun ayının 14-də Ədliyyə Nazirliyi Penitensiar xidmətin Tərbiyə Müəssisəsində Bakı Şəhər Gənclər və İdman Baş İdarəsi və eləcə də Şuşa rayon Gənclər və İdman İdarəsinin birgə təşkilatçılığı ilə "15 iyun - Milli Qurtuluş günü"nə həsr olunmuş mini-futbol oyunu keçirilib. Oyunun maraqlı tərəfi o idi ki, burada Tərbiyə Müəssisəsində cəza çəkən yeniyetmələrdən ibarət futbol komandası ilə Şuşa rayon Uşaq-Gənclər Futbol Məktəbinin yeniyetmə futbolçularından ibarət futbol komandası üz-üzə gəlib.

Olduqca maraqlı və gərgin oyun şəraitində keçən qarşılaşma isə Tərbiyə Müəssisəsində cəza çəkən yeniyetmələrdən ibarət futbol komandasının 10:8 hesablı qələbəsi ilə yekunlaşıb. Amma təbii ki, bu cür oyunlarda nəticə heç bir önəm daşıya bilməz. Oyundan sonra Tərbiyə Müəssisəsinə toplar və qapı toru hədiyyə verilməsi də alqışlanası addımdır. Maraq üçün qeyd edək ki, bu səpkili oyun yeniyetmələr arasında demək olar ki, ilk dəfə təşkil olunmuşdu. Yalnız bir dəfə “Neftçi”nin əsas komandası məhbuslarla yoldaşlıq görüşü keçirmişdi. 

2016-cı ilin 26 iyun tarixində isə yenə Bakı Şəhər Gənclər və İdman Baş İdarəsi və Şuşa Rayon Gənclər və İdman İdarəsinin birgə təşkilatçılığı ilə bu dəfə Şuşa rayonunun yeniyetmələri arasında, Gənclər və İdman Nazirliyinin yaranması gününə həsr olunmuş məhəllələrarası mini-futbol turniri keçirilib. Burada rayonun əksər məktəbləri və eləcə də könüllü uşaq komandalar iştirak edib.

 

Ötən ilin daha bir yaddaqalan turniri isə "9 noyabr - Bayraq Günü" münasibəti ilə Şuşa rayonu məktəbləri arasında keçirilən futbol turniri olub. Turnirdə 6 məktəbdən 5-6-cı sinif şagirdləri iştirak edərək birinci yer uğrunda mübarizə aparıb. Yarışın nəticəsinə görə I yeri Şuşa rayon 3 nömrəli tam orta məktəb qazanıb. Turnirin sonunda yenə də qaliblər kubok və fəxri fərmanla təltif olunub.

2017-ci ildə də bu ənənəni davam etdirən Şuşa Rayon Gənclər və İdman İdarəsi keçirdiyi bir çox turnirlərdə futbola böyük yer verib. Belə ki, 24 fevral 2017-ci il tarixdə Binəqədi rayonu Biləcəri qəsəbəsində yerləşən, Şuşa şəhər 3 saylı orta məktəbin stadionunda, Xocalı soyqırımı qurbanlarının xatirəsinə həsr olunmuş Şuşa rayon məktəbliləri arasında futbol turniri keçirilmişdir. Turnirdə Şuşa məktəblərindən 5 komanda iştirak edib və turnirin sonunda qaliblər müvafiq olaraq kubok, hədiyyə və diplom ilə təltif olunub.


Bu ilin aprelində isə bu dəfə Ramana qəsəbəsində daha bir böyük futbol turniri keçirilib. 29 aprel 2017-ci il tarixdə Raman450 qəsəbəsində yerləşən Şuşa rayon Malıbəyli kənd 1 saylı tam orta məktəbin stadionunda Ümummilli Lider Heydər Əliyevin anadan olmasının 94-cü ildönümü münasibətilə Şuşa rayon məktəbliləri arasında futbol üzrə rayon birinciliyi təşkil olunb. Birincilikdə Malıbəyli kənd orta məktəbinin komandası 1-ci, Xankəndi şəhər 4 saylı tam orta məktəbin komandası isə 2-ci yerə layiq görülüb. Sonda ənənəvi olaraq, qalib komandalar diplom, kubok və müxtəlif hədiyyələr ilə mükafatlandırılıb.

May ayının 27-də isə yenə də Biləcəri qəsəbəsində yerləşən Şuşa şəhər 3 saylı tam orta məktəbin stadionunda 28 May Respublika Günü münasibətilə Şuşa rayon məktəbliləri arasında futbol üzrə rayon birinciliyi keçirilmişdir. Birincilikdə rayon məktəblərinin komandaları iştirak edib və yenə də sonda qalib komandalar diplom, kubok və müxtəlif hədiyyələr ilə mükafatlandırılmışdırlar.


Gördüyünüz kimi, şuşalılar heç də futboldan uzaq deyil. Bizə verilən məlumata görə, 2017-ci ilin sonuna kimi futbolla bağlı ən azı daha iki turnirin keçirilməsi planlaşdırılır. Onu da öyrəndik ki, Şuşanın məktəb komandalarında kifayət qədər bacarıqlı uşaqlar var. Komandalar arasında 3 saylı məktəb və Malıbəyli kənd məktəbinin uşaqları xüsusilə seçilirlər. Həmin uşaqlardan ən yaxşılarını seçib Azərbaycan çempionatında rahatlıqla oynamaq olar. Sadəcə, qeyd etdiyimiz kimi, maddi dəstək lazımdır. Ən azı AFFA heç olmasa bir Şuşa komandasının uşaq liqalarından birində təmsil olunmasına yardım edə bilər. Bizim gəldiyimiz qənaət budur ki, həm şuşalılar, həm də federasiya bunda istəklidir. Sadəcə, bir tərəf digərindən təklif, bir tərəf isə digərindən müraciət gözləyir. Hər iki tərəf eyni anda addım atsa, çox yaxşı olar və ən azı uşaq liqalarımızda Şuşa təmsilçisini görərik. Təbii ki, ən böyük arzumuz Şuşanı təmsil edən futbol klubunun tezliklə dogma Şuşada meydançaya çıxmasıdır.

 

Anar XANLAROV

Layihə AFFA Yanında Media Komitəsi tərəfindən maliyyələşdirilir

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Amal Abuşov
Biz Lorentsonun ətəyindən yapışarkən...
2017-12-12  // 0 Şərh
Amal Abuşov
De Souza, Rəşad və “Qarabağ” haqqında
2017-11-23  // 1 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Yunis Hüseynovun siyahısında 5 legionerin adı var - ÖZƏL!
Kamran Ağayev və Namiq Ələsgərov "Kəpəz"in hədəfində
Bakının daha bir qəsəbəsində yeni komanda yaradılır və "Region Liqası"nda oynayacaq
Nizami Hacıyev və Mirhüseyn Seyidov əfv edilə bilər! - ÖZƏL
Kamran Ağayev kef məclisi qurdu, meyxanaçıların "şotu"nu verdi
Kamran Ağayev Gəncəyə getmək istəmir
Bərdə də böyük futbola qayıdır
“Region Liqası”nda neçə komanda iştirak edəcək?
Baş məşqçiyə uzun müddət şans verilməlidir?!
“Qarabağ” “Sumqayıt”a, “Qəbələ” “Səbail”ə qalib gəldi

Xəbər Lenti
12 Dekabr 2017
22:44 Bakı klubunun ukraynalı hücumçusu hamıdan çox fərqləndi
22:05 “Qəbələ” təmsilçisi ukraynalı boksçu ilə döyüşəcək
22:01 Nazarov Almaniyada ən yaxşı oyunçu seçildi - VİDEO
21:04 Komandamız avrokuboka məğlubiyyətlə başladı
20:22 Orxan Sadıqlı "Kəpəz" variantına aydınlıq gətirdi: "2-3 günə hər şey bilinəcək" - MÜSAHİBƏ
18:31 Rəşad Sadıqov “Roma”nın düşərgəsində
18:00 “Qəbələ” Daboya yeni müqavilə təklif edəcək
17:21 Pro kursunun 5-ci mərhələsi başladı
17:00 “Sabah” yenə Mikayıl Cabbarovun nəzarətində olacaq
16:41 Elçin Rəhmanov Delio Rossi ilə görüşəcək
16:21 Orxan Hüseynzadə UEFA-nın tədbirində
16:20 İAM sabah "İlin qalibləri-2017"-ni elan edəcək
16:00 Elşad Əhmədov: “Vardar”ın Akademiyasına yaxşı tərəfdən təəccübləndim”
15:41 Klublar Komitəsinin iclası keçiriləcək
15:23 "Qəbələ" legionerini göndərir
15:00 “Region Liqası”nda neçə komanda iştirak edəcək?
14:45 56 qarşılaşma, 183 futbolçu: Kim oynadı, kim vurdu?
14:22 Biz Lorentsonun ətəyindən yapışarkən...
14:00 “Neftçi” Fəhmini “Səbail”ə verməkdən imtina etdi
13:21 Ölkə çempionatında ilk dövrə başa çatdı
13:00 Ayxan Abbasov “Neftçi”yə qol vuran futbolçunu “Zirə”dən göndərir?
12:40 “Kəpəz” kubokun cavab matçına da Bakıda hazırlaşır
12:23 1/4 finalın cavab oyunlarının başlama saatı açıqlandı
12:00 Kamran Ağayev Gəncəyə getmək istəmir
11:45 Sabiq “Qarabağ”lı özünə yeni klub tapdı
11:27 "Qəbələ" - "Səbail" 1:0 - FOTOLAR
11:00 Elmar Vəliyev “Kəpəz”i Antalyaya göndərir?
10:25 Nizami Hacıyev və Mirhüseyn Seyidov əfv edilə bilər! - ÖZƏL
10:10 Hücumçumuz komandasına qələbə qazandırdı
09:53 Bakı klubu avrokubokda mübarizəyə başlayır
09:40 Həsənova Fransada növbəti qələbəsini qazanıb
11 Dekabr 2017
23:55 Pedro Enrike: "Hər şey məndən asılı deyil"
23:47 Fərhad Vəliyev: “Pedro Enrike məni aldatdı”
23:38 Vurğun Hüseynov: "Bu nəticəni pis hesab etmirəm"
23:33 “Region Liqası”nın püşkü atılacaq
22:37 "Qarabağ" - "Sumqayıt" 2:1 - FOTOLAR
22:05 "Qarabağ" - "Sumqayıt" 2:1 - VİDEO
21:22 Qurban Qurbanov: “Bu gün əmin oldum ki, sizdən heç nə saxlamaq olmur”
21:11 “Bu oyunçular millinin gələcək üzvləridi”
20:55 “Qarabağ” “Sumqayıt”a, “Qəbələ” “Səbail”ə qalib gəldi
19:30 "Qəbələ" - "Səbail" 1:0 - VİDEO
18:45 Samir Əliyev: “Buna illər lazımdı”
18:40 Roman Qriqorçuk: “Onu Azərbaycanın ən yaxşı futbolçularından sayıram”
18:00 Kamran Ağayev və Namiq Ələsgərov "Kəpəz"in hədəfində
17:46 Rəşad Əzizlidən iddialı açıqlama: "Mərhələni "Neftçi" keçəcək" - MÜSAHİBƏ
17:22 Messi 525-ə çatdı
17:00 Yunis Hüseynovun siyahısında 5 legionerin adı var - ÖZƏL!
16:56 Avropa Liqasında 1/16 finalın püşkü atıldı
16:45 Dani Kintanadan 1 qolla 2 yubiley
16:33 Komandamızın avrokubokdakı ilk oyununun hakimləri bəlli olub
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.