Ucuz təyyarə biletləri

Laçınlar yurdunun köməksiz futbolu və ya torpaq meydançadan Londona gedən yol - YAZI + FOTOLAR

Tarix:  13.08.17 17:08           Yazar:  Rekord.az           Oxunub: 642 dəfə

İşğal altında olan bölgələrimizin futbol həyatından, tarixindən bəhs edən layihəmiz çərçivəsinə növbəti yazımız Laçın rayonuna həsr olunur. Öncə qısaca olaraq onu bildirək ki, Laçın rayonu Azərbaycan Respublikasının Cənub-qərbində, dağlıq ərazidə yerləşir. Şimaldan Kəlbəcər, şərqdən Xocalı, Şuşa və Xocavənd, cənubdan Qubadlı rayonları, qərbdən isə Ermənistan Respublikası ilə həmsərhəddir.

Dünyada ən nadir ağac sayılan qırmızı dəmirağac meşələri, çoxlu mineral suları, kobalt, uran, civə, qızıl, dəmir, müxtəlif rəngli mərmər yataqları, həddindən çox dərman bitkiləri və s. vardır.
Laçın şəhərinin yerini Tağı Şahbazi Simurğ seçmiş və bu  adı da ona özü vermişdir. Laçın rayonu 1924-cü ildə təsis edilmişdir. Rayonun mərkəzi Laçın şəhəridir.
Rayonun ərazisi 1883 kv. km., əhalisi 73000 nəfərdi çoxdur.

 

İşğaldan əvvələ kimi, rayonda 217 mədəniyyət müəssisəsi 142 səhiyyə obyeketi, 133 idarə və müəssisə, 100 ümumitəhsil məktəbi, 5 məktəbəqədər müəssisə, 5 musiqi məktəbi, 1 internat məktəbi, 1 orta texniki peşə məktəbi, 1 rabitə müəssisəsi fəaliyyət göstərib.

1992-ci il xalqımızın tarixinə ən ağır, müdhiş bir il kimi daxil olub. . Dağlar qoynunda yerləşərək öz gözəlliyi ilə aləmə meydan oxuyan, hər daşında bir sirr yatan Laçın düşmənə təslim edildi. Laçın da Şuşa kimi mühüm hərbi-strateji əhəmiyyətə malik idi. Şuşanın işğalı günü Laçın da güclü top və raket atəşinə məruz qalmışdı. Xəyanət və xəyanətə bərabər məsuliyyətsizlik Dağlıq Qarabağın , bütünlükdə isə Azərbaycanın gələcək taleyi üçün mühüm əhəmiyyətə malik olan vüqarlı Laçını düşmənə təslim etdi. Bu təslim nəticəsində təbii səngərlərlə əhatə olunmuş Laçın odlara qalanaraq tamamilə dağıdıldı. Sərvəti talan olunaraq Ermənistana daşındı, mədəniyyət ocaqlarımız, tarixi-memarlıq abidələrimiz o torpaqlardan imzalamışdı. Şuşa və Laçın həmin günlər yalnız taleyin ümidinə qalmışdı. silindi, minlərlə baş mal-qara aparıldı, ən başlıcası isə laçınlılar doğma obalarından perik düşərək respublikamızın bölgələrinə səpələndilər.
1992-ci ildən dağlar gözəli Laçın erməni daşnaklarının ayaqları altında inildəyir, laçınlılar isə ölkənin müxtəlif ərazilərində köçkün vəziyyətində yaşayırlar. 

 

 

Stadionsuz rayon

 

Mövzumuza gəlincə, Laçın da Şuşa kimi, futbol rayonu sayılmır. Deyək ki, Şuşanın adını daşıyan komanda heç olmasa bir ara I Divizionda çıxış edib. Amma Laçında heç vaxt peşəkar səviyyədə komanda olmayıb. Nə SSRİ dönəmində, nə də müstəqillik dönəmində. Rayonda futbola həvəsi olanlar bu həvəslərini elə həvəskar səviyyədə futbol oynamaqla öldürürdülər. Əldə etdiyimiz məlumata görə, rayonda heç stadion da olmayıb. Rayonun özündə və kəndlərdə futbol həvəsində olanlar öz aralarında yarışlar təşkil edib məktəb meydançalarında, kənd stadionlarında oynayırdılar. Məhz bu sadalananlar səbəbindən bu rayondan o qədər də futbolçu və futbol adamı çıxmayıb.  Ancaq istisnalar da var:

 

 

Azərbaycan futbolunda Laçının yeganə təmsilçisi

Novruz Əzimov Laçın rayonunun Alıqulu kəndində anadan olub. Hazırda Azərbaycan futbolunda Laçın rayonunun yeganə tanınmış təmsilçisi sayılır. Baxmayaraq ki, onu Laçın futbolunun yetirməsi saymaq da doğru olmaz. Çünki futbolu,futbol məktəbi olmayan rayondan futbolçu yetişməsi də mümkün deyil. Əzimovu bu rayona bağlayan yeganə bağ onun orada doğulmasıdır.  Düzdür, uşaqlıqdan futbola böyük həvəsi olub. Deyilənə görə, bu həvəs də ona ailəsindən keçib. Çünki ailədə hamı futbolla maraqlanan olub və televiziyadan “Neftçi”nin oyunlarını izləyiblər. Bu səbəbdən balaca Novuzda da bu idman növünə böyük maraq olub. Lakin Laçında futbolla məşğul olmaq üçün heç bir şərait olmadığından Əzimov Bakıya üz tutmalı olur. Uşaqlığının qalan hissəsi və gənclciyi Mehdiabad qəsəbəsində keçib. Futbolla məşğul olmağa da paytaxtda başlayıb. Öncə “Neftçi”nin əvəzedici komandasına qəbul olunur. 1982-ci ildən isəəsas komandanın üzvünə çevirilir. 1992-ci ilə qədər “ağn qaralar”In formasını geyinir.  Bu müddət ərzində 146 oyunda meydana çıxıb 5 qol vurub.

1992-ci ilin martında könüllü olaraq, cəbhəyə yollanıb. Buna səbəb mənfur düşmənlərimizin 1992-ci ilin fevralında Xocalıda törətdiyi qətliam olub. Həmin hadisədən sonra Əzimov futbolu bir kənara ataraq mart ayında könüllü olaraq cəbhəyə döyüşməyə gedib. Mayın 2-si Bakıya ezamiyyətə gəldiyi zaman “Neftçi” rəhbərliyi ona yenidən futbola qayıtmağı təklif edir. Bir qədər düşünən Əzimov komandanın məşqlərinə qoşulur. Mayın 8-də isə ilk Azərbaycan çempiomatı start götürməli idi. Açılış matçında “Neftçi” Sumqayıt “Xəzər”i ilə qarşılaşacaqdı. Həmin matçda Novruz da meydançaya çıxır. Lakin oyundan sonra Şuşanın işğal xəbərini eşidir və səhəri gün öz maşınına oturaraq yenidən cəbhə bölgəsinə qayıdır və Arif Paşayevin rəhbərlik etdiyi 811-ci Laçın alayının tərkibində ermənilərə qarşı döyüşməyə başlayır. "Neftçi" isə həmin il ölkə çempionu olur. Qaydalara görə, qızıl medallar ölkə çempionatında oyunların ən azı 50 faizində iştirtak etmiş futbolçulara verilirdi. Lakin Əzimovun məhz bu qəhrəmanlığın nəzərə alan o vaxtkı AFFA rəhbərliyi "Neftçi"nin heyətində cəmi bir oyun oynamasına baxmayarq ona da qızıl medaln təqdim etmişdi. 1994-cü ilə qədər, yəni atəşkəs elan olunan qədər Qarabağda döyüşür. Yalnız atəşkəsdən sonra yenidən futbola qayıdır və bu dəfə “Kəpəz” komandasında karyerasını davam etdirir. Futbola da elə bu klubda və da edir və məşqçiliyə başlayır.  

İlk məşqçi fəaliyyəti də elə “Kəpəz komandasında olub. 1997-ci ildə bu komandada oynayan məşqçi funksiyasını yerinə yetirib. Eyni zamanda Gəncə Dəmir Yol Nəqliyyatında, Polis İdarəsində Baş əməliyyat müvəkkili işləyib.Eyni zamanda indiki “Bakı”nın xələfin sayılan “Dinamo” klubunda da məşqçi kimi fəaliyyəti olub. Sonralar milli komandalarda və elita klublarında çalışıb. 
Baş məşqçi kimi isə, ilk iş yeri “Bakı” komandası olub. 2011/2012 mövsümünün gedişində Aleksandr Starkovun istefasından sonra “Bakı”nın baş məşqçisi təyin edilən Novruz Əzimov komandaya Azərbaycan Kubokunu qazandırıb. Lakin “Bakı” 2012-ci ilin yayında Avropa Liqasında mübarizəni dayandırdıqdan sonra, baş məşqçi postundan istefa verib və klubun idman direktoru təyin edilib. Sonradan “Lokomotiv” və yenə də “Bakı”klublarında baş məşqçi kimi çalışıb. Hazırda isə “Neftçi”də baş məşqçi Elxan Abdullayevin köməkçisi postunu tutur.

 

 


Qısa sürən Həvəskar Liqası 

Yazının əvvəlində də qeyd etdik ki, futbol rayonu olmasa da Laçında da futbolu sevən insanlar olub. Həmin insanlar bir neçə dəfə komanda yaratmağa cəhd ediblər. Hətta 2000-ci illərin əvvəlləridə buna nail də olublar.  Belə ki, Sumqayıtda məskunlaşan laçınlılar “Laçın” adlı komanda yaradıb Həvəskarlar Liqasında mübarizəyə başladılar. Hədəf o idi ki, qısa zamanda komandaya sponsor tapılsın və I Divizionda mübarizə aparsınlar.  Komanda məşqlərini və oyunlarını keçirmək üçün “İnşaatçı” stadionu ilə müqavilə də bağlayıb. Lakin təəssüf ki, bu komandanın ömrü uzun olmayıb.  Gözlənilən sponsor dəstəyi olmayıb. Elə məhz sponsor tapılmadığı üçün komandanın fəaliyyəti də uzun sürmədi və  fəaliyyətini dayandırıb.

 

 

Ümiddə yanan ümid

Lakin sevindirici haldır ki, illər sonra “Laçın” komandası yenidən bərpa olunub. Sumqayıtda dağılan komanda, illər sonra Qaradağ rayonunun Ümid qəsəbəsində yenidən fəaliyyətini bərpa edib.  Bu qəsəbə mərhum prezidentHeydər Əliyevin prezidentliyi dövründə sırf şəhid ailələri vəmüharibə əliləri üçün nəzərdə tutularaq salınıb. Qəsəbənin salınmasının təşəbbüskarı isə həmin dövrdə Qaradağdan  Milli Məclisə debutat seçilmiş hazırkı ölkə başçısı İlham Əliyev olub. Sırf məcburi köçkün ailələrində böyüyən uşaqlardan təşkil olunan komanda ən qısa zamanda öz imkanı hesabına ölkə çempionatında oynamağı da bacarıb. AFFA-nın bayrağ altında keçirilən U-13 liqasında.  Komandanın baş məşqçisi Abuzər Nadirov bu günə kimi komandanı demək olar ki, şəxsi vəsaiti hesabına saxlayır. Baxmayaraq ki, özünün də elə imkanı yoxdur, amma cibinin pulunu da komandaya xərcləyir.  Bir xüsusi məqamı da qeyd edək ki, “Laçın” komandası hər mövsümün statından öncə Şəhidlər Xiyabanını ziyarət edərək, orada təmizlik işləri aparır, iməcilik keçirir. Sevibdirici haldı ki, bu, ənənə halını alıb.  

2015-ci ildə U-13 komandası ilə yanaşı  U-10 komandası da yaradılaraq mübarizəyə qoşulub. Komanda məşqlərini elə Ümid qəsəbəsində Abuzər Nadirovun rəhbərliyi altında davam etdirir. Komandanın məşq etdiyi süni meydançanı isə illər öncə AFFA baş katib Elxan Məmmədovun təşəbbüsü ilə təmənnasız olaraq bu komandaya hədiyyə edib.  Həmin meydança salınana qədər isə komanda torpaq meydançada məşq etməyə məcbur olub. 


 

Ümumiyyətlə, komanda yarandığı ilk vaxtlar öncə Qaradağda keçrilən müxtəif turnirlərdə gücünü sınayıb.  Daha sonra Bakıda keçirilən turnirlərə qatılıb. Bir müddət sonra isə U-13 komandası ilə AFFA-nın bayrağı altında keçirilən ölkə çempionatında debüt  edib.

 

Mövcud olduğu dönəmdə “Laçın” komandası bir sıra uğurlara da imza atıb. Məsələn, 2015-ci ildə Bakı Şəhər Gənclər və İdman Baş İdarəsinin keçirdiyi yarışda komanda birinci yeri tutub.

 

Bundan başqa, komanda Azərbaycan Milli Olimpiya Komitəsinin orqanı olan "Olimpiya Dünyası" qəzeti və "Olipspor" jurnalının təşkilatçılığı ilə keçirilən 28 May Respublika Gününə həsr etdiyi turnirin də qalib adını qazanıb.  Komandanınn  heyətində yetərincə istedadlı futbolçular var. Hətta “Laçın”dan milli komanda səviyyəsində də futbolçular çıxıb. Bu mənada  Pərviz Həsənovun adını çəkə bilərik.

Həsənov məhz Ümid qəsəbəsində məskunlaşan “Laçın” komandasında yetişərək Azərbaycanın U-16 millisinə dəvət alıb.  Pərviz eyni zamanda bir neçə il bundan qabaq qaçqın futbolçulardan ibarət dünya yığmasının tərkibində İngiltərənin paytaxtı Londonda "Arsenal" klubunun ulduzları ilə xeyriyyə oyununa dəvət alaraq, Azərbaycanı təmsil edib. Maraq üçün qeyd edək ki, həmyerlimizin də meydançaya çıxdığı həmin görüş BBC telekanalı vasitəsilə bütün dünyaya yayımlanmışdı. Ümumiyyətlə, həmin oyunda hər bir komanda üzvünün təmsil etdiyi bölgə haqqında yarış iştirakçılarına məlumat verilmişdi. Bu mənada Pərvizin simasında yarış iştirakçıları Laçın və Qarabağın ermənilər tərəfindən işğalı ahqda da ətraflı bilgiyə sahib olmuşdular.  Layihən çərçivəsində məlumat toplayarkən onu da öyrəndik ki, “Laçın”ın əksər yetirmələri hazırda da ölkənin bir sıra klublarında çıxış edir.


Bir məqama da toxunaq ki, çətin durumda və ağır maddi şərtlər altında fəaliyyət göstərməsinə baxmayaraq, “Laçın” komandasında qızlardan ibarət qrup da fəaliyyət göstərir.  Görülən iş burda da öz bəhrəsini verib. Belə ki, “Laçın”ın yetirməsi Arzu Əliyeva ölkənin 17 yaşlılardan ibarət milli komandasına dəvət alıb. 

 

Abuzər Nadirovun bildirdiyinə görə, “Laçın”ın fəaliyyətinin ana xəttindən biri də uşaqların həm də vətənpərvər ruhda tərbiyə almasıdır.  Görülən əksər tədbirlər həm də buna hesablanıb.  Məsələn, komanda qatıldığı və miqyasından asılı olmayaraqb istənilən yarışdan, turnirdən öncə mütləq Şəhidlər Xiyabanını ziyarət edir.

 

Bu ənənənin digər klublarımız və uşaq komandalarımız üçün də örnək olması gözəl olardı. Bundan başqa, komanda üzvlərinin Qarabağ müharibəsi veteranları, eləcə də qazilərimizlə müntəzəm görüşlərinin keçirilməsi də alqışlanası haldır.  Mövcud olduğu dönəmdə “Laçın”n ən böyük uğurlarından biri də 2013-cü ildə Bakı Şəhər Gənclər və İdman Baş İdarəsi eləcə də İdman Nazirliyi tərəfindən ilin komandası seçilməsi olub.

Komanda böyüklər arasında keçirilən yarışlarda iştirak etməyi də çox arzulayır. Heç olmasa Həvəskarlar Liqasında oynamaq çox yaxşı olardı. Əgər bir az maddi dəsək, sponsor yardımı olsa hətta I Divizionda da oynamaq olar. Yazının giirişində qeyd etdiyimiz kimi, təəssüf ki, bu günə qədər bu kömək yoxdur. Bu günə qədər çəkilən xərcləri də Abuzər bəy başqa işdə çalışaraq qazanıb və komanda yolunda xərcləyib. Yaxşı ki, AFFA maddi durumunun yaxşı vaxtında Ümid qəsəbəsindəki o meydançanı komandaya hədiyyə etdi və uşaqlar indi də orda məşq edir. Amma nəzərə alaq ki, həmin meydançanın da istismar müddəti başa çatamq üzrədir və yeni meydançaya ehtiyac var. Çox istərdik ki, bu komandaya sahib çıxan imkanlı şəxslər ortaya çıxsın. Laçın naminə, Qarabağ naminə. Yoxsa bu gedişlə yaxın zamanlar “Laçın” ölkə futbolumnda heç aşağı yaş qruplardan ibarət komandalarla da təmsil oluna bilməyəcək.

 

 

Anar XANLAROV

Layihə AFFA Yanında Media Komitəsi tərəfindən maliyyələşdirilir

* Xəbərə şərh yoxdur
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Amal Abuşov
Gəl girək qol-qola...
2017-10-05  // 0 Şərh
Amal Abuşov
Samir Abasovun Cənnəti
2017-09-23  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Gecə "Maşın show"da iştirak etdi, sabah Premyer Liqa oyununa çıxdı
Mahir Şükürov Ukrayana getdi
Qriqorçuk onu göndərməyə hazırlaşır?
Türkiyəli jurnalist “Qarabağ” fanatlarını ələ saldı
“Zirə” uduzdu, “Neftçi” qalib gəldi
"İnşaatçı" stadionu da plandan çıxarıldı: pul yoxdur
"Qarabağ" "Qəbələ"yə uduzdu
"Kəpəz" yenidən Gəncədən didərgin düşəcək
"Energetik" AFFA-dan cavab gözləyir
“Səbail” “İnter”i məğlubiyyətlə “gömdü”

Xəbər Lenti
22 Oktyabr 2017
23:27 Qubadlı futbolunun tarixindən: “Həkəri”dən “Həkəri”yə - II YAZI
23:00 “Atletiko” səfərdə qələbə qazandı - VİDEO
22:30 Kamran Ağayev oynadı, komandası 5 qola sevindi
22:00 “Qarabağ”ın rəqibi 3 xalı tək qolla qazandı - VİDEO
21:32 Rəşad Sadıqov hakimi belə itələdi və sarı vərəqə aldı - FOTOLAR
21:31 "Qəbələ" - "Qarabağ" 1:0 - VİDEO
21:22 Rəşad Sadıqov: "Həmin epizodda mən səhv saldım" - MÜSAHİBƏ
21:05 Fariz Nəcəfov: "Futbolçuların bundan xəbəri yox idi" - MÜSAHİBƏ
21:02 Qurban Qurbanov: “Uğurlu seriyamız nə vaxtsa qırılmalı idi”
21:01 Roman Qriqorçuk: “Bu barədə düşünmürəm”
20:26 "Qarabağ" "Qəbələ"yə uduzdu
19:30 Dəniz Yılmaz oynamadı, “Bursaspor” xal itirdi
19:00 “Duysburq” Eratsız qalib gəldi
18:41 Dmitri Nazarov qovuldu
18:34 Kəmaləddin Heydərov "Qəbələ"nin oyununda
18:21 “Sumqayıt” “Zirə”yə, “Kəpəz” “Neftçi”yə uduzdu
18:00 “Qalatasaray” – “Fənərbaxça” matçında “Qarabağ” plakatı açılacaq
17:45 Təxirə salınmış oyunun vaxtı bəlli oldu
17:30 Fariz Məmmədov: “Roman Qriqorçuk amilinin də rolu var”
16:30 “Qəbələ” Ukrayna klubuna məğlub oldu
16:00 “Azərbaycan çempionatı Avropaya gedən yolda bizim üçün tramplin ola bilər”
15:30 4-cü turun oyun cədvəli açıqlandı
14:38 Yığmamızın üzvü ilk qələbəsinə sevinib
14:30 “Marafon”la Sultanov zirvədə
14:29 Voleybolçumuz meydana çıxmadı, komandası uduzdu
14:16 Məmmədovadan Rusiyada növbəti qələbə
14:00 Futzal üzrə Azərbaycan çempionatında dava düşdü
13:30 Samir oynadı, “Fakel” yenə uduzdu
12:31 Əsgərov Latviyada yenə dubla imza atdı
12:00 Gecə "Maşın show"da iştirak etdi, sabah Premyer Liqa oyununa çıxdı
11:41 Araz Abdullayev oynadı, "Anortosis" qalib gəldi
11:23 Millimizin üzvü oynadı, komandası xal itirdi
11:00 "Kəpəz"də adam döyən işçinin yerinə yeni təyinat
10:30 “Qarabağ”dan möhtəşəm qələbə və liderlik
09:00 Debütantlardan inamlı qələbə
00:27 Həsənova Çempionlar Liqasında mübarizəni dayandırdı
21 Oktyabr 2017
23:56 Kamran Quliyev: "Kim özünü azarkeşsiz meydanda şəhid edər?"
22:47 Vurğunla Amildən “Zirə” üzərindəki qələbəyə şərh - VİDEO
22:30 AÇ-dəki son təmsilçimiz 7-ci oldu
22:00 Rauf Əliyevdən daha bir qol, “Kukesi”dən növbəti qələbə
21:29 Millimizin üzvü 31 xal qazansa da komandası uduzdu
20:55 Cüdoçumuz erməni üzərində qələbə ilə dünya çempionu oldu
20:20 Samir Abasov: “Bu qatardan geri qalsaq, çətinlik çəkəcəyik”
20:11 Kapitanımız Türkiyədə yenə sevindi
20:10 "Sumqayıt" - "Zirə" 2:1 - FOTOLAR
19:55 "Sumqayıt" - "Zirə" 2:1 - VİDEO
19:20 Turun son matçında heç-heçə - VİDEO
19:10 “İnter” “Səbail”ə məğlub oldu
19:05 Hücumçumuz "Fənər"də növbəti qələbəsinə sevinib
19:00 “Qarabağ”ın rəqibi 3 xalı 4 qolla qazandı - VİDEO
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.