Ucuz təyyarə biletləri

Azərbaycan futboluna təkrarolunmaz bombardir bəxş edən rayon - YAZI

Tarix:  08.09.17 18:09           Yazar:  Rekord.az           Oxunub: 1323 dəfə

Rekord.az işğal altında olan bölgələrimizin futbol həyatından bəhs edən layihəsi çərçivəsində növbəti yazını sizə təqdim edir. Bu dəfə Füzuli futbolunun tarixindən söz açacağıq. Amma öncə ənənəvi olaraq rayonun özü haqda qısa məlumat: 

 

 

Füzuli rayonu Qarabağ dağ silsiləsinin Cənub şərq ətəklərindən Araz çayına qədər maili düzənlik və alçaq sahələri əhatə edir.  Cəbrayıl, Xocavənd, Ağcabədi, Beyləqan rayonları və Araz çayı boyunca İranla həmsərhəddir. Füzuli rayonunun ərazisi 1386 km², əhalisi isə təxminən 105 min nəfərdir. Rayonda 1 şəhər, 1 şəhər tipli qəsəbə, 75 kənd və başqa yaşayış məntəqələri vardır. Rayon ərazisindən axan Quruçay, Köndələnçay, Qozluçay, Çərəkən çayları Araz hövzəsinin çaylarıdır.

 


Rayon 23 avqust 1993-cü  il tarixdə Ermənistan silahlı qüvvələri tərəfindən işğal olunmuşdur. 5 yanvar 1994-cü ildə  Azərbaycan Respublikası silahlı qüvvələrinin hücumu  nəticəsində rayonun  22 yaşayış məntəqəsi işğaldan azad olunmuşdur. Hazırda işğaldan azad olunmuş ərazilərdə  69800 nəfər  rayon sakini yaşayır. Ermənistanın  silahlı qüvvələri ilə mübarizədə  rayon sakinlərindən 400 nəfərədək müharibə əlili, 657 nəfər şəhid olmuşdur, 181 nəfər əsir və itkindir.   6 nəfərə Azərbaycan Respublikasının Milli qəhrəmanı adı verilmişdir.   


Hazırda rayonda 45 inzibati ərazi dairəsi olmaqla 2 şəhər, 16 qəsəbə və 82 kənd yaşayış məntəqəsi vardır. 1 şəhər, 61 kənd rayonun işğal altındakı ərazilərində yerləşir. İşğaldan azad olunmuş ərazilərdə isə 1 şəhər,16 qəsəbə və 21 kənd vardır. Rayonda 21 yerli özüunu idarə orqanı olan bələdiyyələr  faəliyyət göstərir. Rayonun ümumi əhalisinin nsayıisə 105 mindən çoxdur.

 

 


Nazim Əliyevi yetişdirən rayon

Bundan əvvəl haqqında bəhs etdiyimiz Şuşa, Laçın və Xocalının futbol bölgələri olmaması bizim də işimizi bir qədər çətinləşdirirdi. Çünki məlumat qıtlığı olanda jurnalist üçün oxucuya daha keyfiyyətli material çatdırmaq da qəliz olur. Füzuli bu baxımdan fərqlidir. Çünki yuxarıda adları çəkilən bölgələrimizlə müqayisədə Füzulidə futbol daha çox inkişaf edib və bu rayondan yetərincə tanınmış futbol simaları çıxıb. Bu baxımdan sözügedən rayonun futbol tarixi haqda yazı hazırlamaq o qədər çətin olmadı. Həmsöhbət qismində seçdiyimiz şəxslər isə Füzulinin futbol ictimaiyyətinə yaxşı tanışdır. Akif Cabbarov hələ sovet dönəmindən rayonda məşqçi kimi çalışıb, uşaqlara futbolun sirrlərini öyrədib. Digər həmsöhbətimiz Firdovsi Mehrəliyev isə “Ərgünəş” futbol klubunun təsisçisi və baş məşqçisidir. Düzdür, bu komanda uzun müddətdir ki, maddi sıxıntıya görə fəaliyyət göstərmir və Firdovsi müəllim məşqçi kimi, Sumqayıtın “Uğur” komandasında çalışır. Özü işğaldan əvvəl Füzulidə futbolla məşğul olub.  Söhbətə öncə Akif müəllimlə başladıq:

 

 

 

“Tufan”la başlayıb, “Ərgünəş”lə davam edən tarix

“Mən 1950-ci ildə Füzuli rayonunda anadan olmuşam. Futbol fəaliyyətim də elə bu rayonla bağlıdır.  Cavan vaxtlarımda rayonun Piyalatovka qəsəbəsində məktəbdə müəllim kimi işləmişəm. Paralel olaraq həm də həmin qəsəbədə futbol məşqləri keçməyə başladım. Həmin qəsəbədə daha çox malakanlar yaşayırdı, Ekatirinanın dövründən orda məskunlaşmışdılar. Amma çox yaxşı uşaqlar var idi. Mən həmin vaxt həmçinin rayonun UGİM məktəbində də futbol məşqçisi kimi çalışırdım. Bir sözlə, fəaliyyətimin böyük hissəsi futbolla bağlı idi. Az öncə qeyd etdiyim ki,çox yaxşı, istedadlı uşaqlar var idi. Amma nədənsə sonradan sözə baxmadılar və axıra kimi bu idman növünün ardınca getmədilər”.

 


Akif müəllim daha sonra Fizuli rayonunda futbolun tarixindən söz açdı: “Fizlulidə futbolun tarixi 60-cı illərə gedib çıxır. Yadımdadır ki,1967-ci ildə rayonda həvəskar şəkildə komanda yaradılmışdı. Həmin komandada Qadir Abbasov, Arif Dünyamalıoğlu, soyadını unutduğum Sərvər kimi yaxşı futbolçular var idi. O vaxt digər kəndlərdən olan bacarıqlı uşaqlar da gəlib həmin komandaya qoşulurdular. Sonradan Vəkil Nağıyevin təşəbbüsü ilə rayonda “Tufan” komandası yaradıldı. O da necə oldu, Vəkil müəllim istedadlı uşaqları bir araya yığıb komanda şəklində formalaşdırdı, zona üzrə yaxşı nəticələri oldu və hətTa sonra həmin komanda Vorişilovqrada yarışa da getmişdi. Gələndən sonra da belə qərar gəldi ki,elə həmin uşaqlardan ibarət “Tufan” komandasını yaratsın. Yeri gəlmişkən, Nazim Əliyev də həmin komandada idi. Ümumiyyətlə o komandada da çox istedadlı futbolçular var idi. Heyf ki, onlar da sonradan futbolun arxasınca getmədilər. Sona qədər gedən tək Nazim Əliyev oldu o da sonradan çox güclü futbolçu kimi tanındı, ölkənin iddialı klublarında forma geyindi. Eyni zamanda Azərbaycan çempionatları tarixinin ən yaxşı bombardiri adına sahib çıxdı. İnanmıram ki, yaxın illərdə kimsə onun rekordunu təzələyə bilsin.  Ümumiyyətlə, deyim ki, Fizulidən bir çox tanınmış futbolçular çıxıb. Məsələn Qacar kəndindən Tofiq Abbasov, Arif Abbasovu qeyd edərdim. Bundan başqa, Asəf Namazov, Əziz Əliyev bunlar hamısı Fizuliın çıxmış və Azərbayan futboluna yetərincə tanınan şəxsləridr. 
Sonra elə oldu ki, Vəkil müəllim bu işin başını buraxdı və “Tufan” da fəaliyyətini dayandırdı. Bu, hardasa 1981-ci il idi. 1985-ci ildə “Ərgünəş” komandası yarandı. Onu da deyim ki, “Ərgünəş” rayonun ilk peşəkar futbol komandasıdır. Çünki “Tufan” daha çox uşaq komandası kimi tanınmışdı və o dövr uşaqlar arasında keçirilən “Sevinc kuboku”nda oynayırdı. Amma “Ərgünəş” qeyd etdiyim kimi, peşəkar komanda idi. Özü də çox güclü komanda olub. Həmin komanda 1992-ci ilə qədər fəaliyyət göstərdi”
.

 

 

İlk stadion, ilk  və son oyunlar


Həmsöhbətimizlə mövzunu rayonun ilk stadionu, ordakı oyunlarla davam edirik: “Füzulidə məşq üçün müxtəlif ölçülü meydançalar olsa da böyük stadion yox idi.  İlk stadionun tikintisinə 1983-84-cü illərdə başladılar. 1985-ci ildə artıq istiadəyə verildi.  Rayonda stadion tikmək ideyası o vaxt rayon mərkəzi komitəsinin birinci katibi olmuş Əhməd Əhmədzadədən gəldi.  Çünki rayonda həqiqətən də böyük stadioan ehtiyac var idi. Əhali futbolu sevirdi, bu idman növünə maraq çox böyük idi. Stadion bir tribunalı olsa da hündür idi. Ona görə də tutumu hardasa 5-6 min nəfər olardı. Özü də məzərəli yerdə yerləşirdi. Tribuna ilə üz-üzə olan tərəfdən çay axırdı. Həm də rayonun mərkəzində yerlıəşirdi. İnternat məktəbi və “Ana” abidəsinin yaxınlığında inşa olunmuşdu. Oyunlara çox böyük maraq var idi. O vaxtlar “Ərgünəş” Azərbaycan çempionatının I dəstəsində oynayırdı. Hər oyunda tribunalar dolu olurdu. Ətraf kəndlərdən də gəlib oyunlara baxırdılar. Stadiondakı ilk oyun Beyləqan komandasına qarşı olmuşdu və “Ərgünəş” həmin oyunda 4:0 hesablı qələbə qazanmışdı. Həmin komandanı səfərdə də eyni hesabla məğlub etmişdik. 1988-ci ilə qədər peşəkar şəkildə komanda fəaliyyət göstərdi. Fizuli stadionunda son rəsmi oyun da 1988-ci ilə təsadüf elədi. Həmin oyunda “Ərgünəş” Xocalı komandasına 5:0 hesabı ilə qalib gəlmişdi. Ondan sonra artıq Qarabağa məlum hadisələrin baş qaldırması, vəziyyətin get-gedə gərginləşməsi futbola da təsir etdi. 1988-dən sonra komanda peşəkar şəkildə fəaliyyət göstərmədi, ölkə çempionatında oynamadı. Amma ümumilikdə 1992-ci ilə qədər komanda kimi fəaliyyət göstərdi".

 


İkinci qayıdış

Daha sonra söhbətə Firdovski Mehrəliyev qoşuldu. Çünki Füzuli futbolunda onun da əməyi az olmayıb və deməyə kifayət qədər sözü var idi. Təsadüfi deyil ki, 1992-ci ildə fəaliyyətini dayandıran “Ərgünəş” illər sonra məhz Mehrəliyevin təşəbbüsü ilə yenidən fəaliyyətini bərpa edib: “Mən özüm də rayonda futbol oynamışam, “Ərgünəş”in oyunçusu olmuşam. İlk dəfə 1985-ci ildə rəhmətlik Ədalət Yusifovdan futbolun sirrlərini öyrənmişəm. 1992-ci ilə qədər futbolla məşğul olmuşam. Sonra artıq məlum hadisələrə görə, futbolu davam edə bilmədik. Müharibə gedirdi, hər gün şiddətli döyüşlər olurdu, bəzən gündə rayona 100 mərmi düşürdü. O şəraitdə futbol oynamaq mümkün deyildi. Halbuki komandamızda yaxşı uşaqlar var idi. Məsələn bir uşaq var idi adı Xaqani idi “Maradona” ləqəbi qoymuşdular. Sonradan Beyləqanda “Qara Bəbir”də məşqçi kimi də işlədi. Yadımdadır, 1991-c ildə Zəngilanda keçirilən turnirdə iştirak etmişdik. Həmin vaxt o turnirdə bizim zonanın bütün komandaları iştirak edirdi: Zəngilan, Qubadlı, Cəbrayıl, Mincivan, Füzuli. Biz o yarışda 2-ci yeri tutmuşduq. Təəssüf ki, bizim yeniyetməlik illərimiz müharibə dövrünə düşdü. Ona görə davam edə bilmədik. 1993-cü ildə rayon işğal olunandan sonra məcburi köçkün həyatı başladı. Əvvəl “Primorski”yə gəldik, 1994-cü ildən isə Sumqayıt şəhərində məskunlaşmışıq. 1999-cu ildə məşqçiliyə başladım. 2000-ci ildə “Ərgünəş”i də məhz burda bərpa etdik. Akif müəllimlə birlikdə komandanı rəsmən Ədliyyə Nazirliyində qeydiyyatdan keçirdik. Öncə AFFA-nın bayrağı altında keçirilən ölkə çempionatında oynamağa başladıq. Komanda olaraq “İnşaatçı” stadionunda məskunlaşdıq. Komandaya “İslam Nicat” təşkilatı kömək eliyirdi. Bundan başqa, Sumqayıtda məskunlaşan Fizuli rayon 7 saylı tam orta məktəbin direketoru Sima Cəfərovanın da bizə çox köməyi dəydi. Komandaya top və formaları məhz Sima xanım alıb hədiyyə etmişdi. Stadionun icarə haqını da o ödəyirdi. O vaxt top və forma üçün AFFA-ya müraciət etmişdik, yazılı şəkildə məktub da yazdıq. Amma bizə cavab verdilər ki, imkanımız yoxdur. İlk olaraq Şimal zonasında oynamağa başladıq. 2004-cü ildə isə qərara aldıq ki, Həvəskarlar Liqasında oynayaq...."


Ardı var

Anar XANLAROV

Layihə AFFA Yanına Media Komitəsi tərəfinən maliyyələşidrilir

* Xəbərə şərh yoxdur
Adınız
E-mail adresiniz
Şərhiniz
Türkiyə - Azərbaycan 4:0 - VİDEO
2017-03-28  // 8 Comments
Köşə yazıları
Amal Abuşov
Samir Abasovun Cənnəti
2017-09-23  // 0 Şərh
Amal Abuşov
Prosineçki niyə qeyri-səmimidir?
2017-09-05  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Emin Mahmudovdan Tərlan Əhmədova və “CBC Sport”a hörmətsizlik
I Divizionun püşkü atıldı: 3 dövrəli çempionat
Monroz Ruslan Qurbanovu niyə vurub?
"Viləş" qayıdır!
AFFA I Divizion klublarına əlavə 40 min pul verəcək
"İnter" futbolçuları Avropa Liqasına görə bonus almayacaq - ÖZƏL!
Olimpiya stadionuna süni qazon əkilir
"İnter" futbolçuları rəhbərliyi hədələyib - ÖZƏL!
"Roma" bu gün Bakıya gəlir: qalacaqları otel də məlumdur
“AZE Nakhchivan SK” futbol klubunu almanlara təqdim edildi - FOTOLAR

Xəbər Lenti
26 Sentyabr 2017
19:23 “Roma”nın baş məşqçisi: “Qarabağ”a və onun tarixinə böyük hörmətim var”
19:01 "Beşiktaş"a transfer olunan Əzizova tibbi yoxlamadan keçib - FOTO
18:32 “Səbail” yeni transferini təqdim etdi
18:00 "Sumqayıt"da ciddi itki: "Səbail"ə qarşı oynamayacaq
17:05 Qurban Qurbanov: "İtaliya ikincisi olmaq asan iş deyil"
16:15 Yığmamızın məşqçisi Almaniya üzərindəki qələbədən danışdı
16:12 Kseniya Poznyak: "Həmişəkindən güclü qayıdacayıq"
16:02 AFFA-dan qapıçı məşqçiləri üçün A kursu
16:00 Almaniya millisinin baş məqşçisi Azərbaycana məğlubiyyətin səbəblərini açıqladı
15:54 Lenka Dürr: "Azərbaycan yığmasında çətinliyi aradan qaldıra biləcək kifayət qədər təcrübəli oyunçu var"
15:48 "Beşiktaş"ın prezidenti: "Türkiyə Superkubokunu niyə Azərbaycanda oynamayaq?"
15:22 Gimnastlarımız AÇ-də 5-ci yeri tutdular
15:17 Valeriya Məmmədova: "Azarkeşlərdən bizi dəstəkləməklərini, bayrağımızı daha da yüksəklərdə dalğalandırmağı xahiş edirəm"
15:00 ARB TV I Divizionu yayımlamaqdan imtina etdi
14:43 Çempionlar Liqasının oyunlarına necə baxaq? - AFİŞA
14:22 Çempionlar Liqası: "Real" "Borussiya"ya, "Beşiktaş" "Leypsiq"ə qarşı
14:00 AFFA I Divizion klublarına əlavə 40 min pul verəcək
13:49 "Olimpiakos"da baş məşqçi dəyişikliyi
13:32 Azərbaycan millisi doğma meydanda ilkə imza atdı
13:21 Şamaxıda Dünya çempionunun şərəfinə açıq Respublika turniri keçiriləcək
13:00 "İnter" futbolçuları rəhbərliyi hədələyib - ÖZƏL!
12:43 Boksçularımız qitə birinciliyini 2 medalla başa vurdular
12:20 Fərid Nəbiyev oynadı, “Slaviya” uduzdu
12:00 Ruslan Qurbanov qışda "Neftçi"yə keçir?
11:41 Yığmamız Gürcüstana 5 qolla uduzdu
11:25 Totti Bakıya gəlməyəcək: səbəb...
11:21 Araz Abdullayevin klubu liderliyini qorudu
11:00 "Qəbələ" futbol akademiyası üçün yeni bina tikir
10:27 Avro-2017: Bu gün ilk pley-off oyunları keçiriləcək
10:00 "Viləş" qayıdır!
25 Sentyabr 2017
23:41 “Qəbələ” “Neftçi”yə 7 qolla qalib gəldi
23:38 Azərbaycanın ev sahibliyi etdiyi Avropa Çempionatının bütün pley-offçuları bəlli oldu
23:27 Avro-2017: Türkiyə sensasiyaya imkan vermədi
23:21 “Qarabağ”dan azarkeşlərə müraciət
23:00 "Roma" Bakıya gətirəcəyi heyəti açıqladı
22:41 Avro-2017: Millimizdən Almaniya üzərində möhtəşəm qələbə - FOTOSESSİYA
22:40 “Qarabağ” – “Roma” matçına pulsuz nəqliyyat təşkil olunacaq
22:35 Səbinə Əzimova 3 qat Avropa çempionudu!
22:26 “Qarabağ” – “Roma” oyunu ilə bağlı polisdən - xəbərdarlıq
22:15 Avro-2017: Almaniya millisinin üzvü oyunçularımızı qabaqladı - Statistika
21:42 Ağır maliyyə vəziyyəti artıq karateçilərimizin nəticələrinə də təsir göstərməkdədi
21:25 BOS-da “Qarabağ” - “Roma” matçı öncəsi festival
21:00 Üçüncü səfər sindromu
20:51 Avro-2017: Azərbaycan millisi birbaşa 1/4 finalda
20:43 UEFA-dan Könül Mehtiyevaya növbəti təyinat
20:21 Sərbəst güləşçilərimiz DÇ-də 3-cü, yunan-Roma güləşçilərimiz 4-cü oldu
20:15 Əli Şükürlü də qitə birinciliyində 5-ci oldu
20:00 Azərbaycan avarçəkəni dünya çempionatında mübarizəyə başladı
19:41 Öncə Qurbanov, sonra Di Françesko
19:20 Rəsulov Avropa birinciliyində 5-ci oldu
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.