Ucuz təyyarə biletləri

Azərbaycan çempionatının bombardiri Türkiyəyə pula görə gedib: "Nə vaxta qədər 500 manata oynayacam?" - MÜSAHİBƏ

Tarix:  12.10.17 14:10           Yazar:  Rekord.az           Oxunub: 1291 dəfə

Birvaxtlar əvəzedicilərin çempionatında Oruc Balaşlı adlı futbolçu vardı. Nə vaxt “Simurq”un heyətinə baxardınsa, qol vuranlar arsında ucaboy hücumçunun adını görərdin. Daim bombardirlər siyahısına başçılıq edərdi. Sonradan “Zaqatala”nın heyətində birinci dəstədə çıxış etdi və yenə bombardir adını qazandı. Bir müddət elitada “Rəvan”ın heyətində görünsə də, yenidən doğulub boya-başa çatdığı Zaqatalaya qayıtdı. Mütəxəssislər Orucun parlaq gələcəyindən bəhs edər, bacarığını xüsusi vurğulayardı. Lakin o da bir çox həmkarları kimi kölgəyə çəkildi. İndi Türkiyədədi, karyerasını həvəskarlar liqasında (BAL liqası) yarışan “Karadəniz Ereğli Bələdiyəspor”da davam etdirir. Lakin qardaş ölkədə nələr etməsiylə bağlı hər hansı məlumat yoxdu. Yəni neçə oyunda meydana çıxıb, neçə qol vurması haqda yazılmır. Odu ki, Orucun özüylə əlaqə saxlayıb, Türkiyə karyerası ilə bağlı söhbətləşdik.
- Birdən-birə Türkiyədə peyda oldun. Necə baş verdi, kimin vasitəsiylə alındı? 
- Bura gəlməyim bir az qarışıq oldu. Türk menecer vardı, şəxsən mənə yazdı ki, bir klub səni istəyir. Həmin vaxt da Azərbaycanda elita təmsilçilərindən biri ilə danışıq aparırdım. Ona görə də tələsmək istəmirdim. Görəndə ki, Azərbaycandan səs çıxmır, məcbur olub bu varianta “hə” dedim. Sonradan baş məşqçinin özü mənimlə əlaqə saxladı. Bir az da bu addım diqqətimi çəkdi.
- “Şile Yıldızspor”?
- Bəli, avqustun əvvəlində məhz bu komandayla anlaşmışdım. Hətta bir ay komandayla birgə oldum, mövsümə orda hazırlaşdım. Lakin sonradan ortaya bəzi problemlər çıxdı. Daha doğrusu, menecerlərlə sözümüz düz gəlmədi. Belədə sentyabrda həmin liqada mübarizə aparan “Karadəniz Ereğli Bələdiyəspor”a keçdim. İndi də bu komandadayam.
- İki tur geridə qalsa da, meydana çıxanlar arasında adın yoxdu.
- İki turdu oynaya bilmirəm, üçüncü turda da kənarda qalacam. İlk vaxtlarda “Şile Yıldızspor”da problem oturum izniylə bağlı idi. Sonradan onu həll etdik. İndi də yeni komandadayam, amma lisenziyam gəlib çıxmır. AFFA-ya məktub göndəriblər, ordan cavab gəlməlidi. Ona görə də gözləyirəm. Bu həftə gəlməlidi. 
- Komandada səndən başqa legioner var?
- Bir suriyalı var, qalanı yerli futbolçulardı. 
- Maliyyə şərtləri necədi?
- Şükür, qane edir.
- Bizim birinci diviziondakından yaxşı olar...
- Birinci divizon nədi, premyer-liqanın ortababları səviyyəsində maaş verilir. Sadəcə, adı həvəskarlar liqasıdı. 
- Nömrə seçimi etmisən?
- “25”i geyəcəm.
- Məskunlaşmaq, qidalanmaqla bağlı durum necədi? 
- Klubun öz bazası var. Orda yeyirəm, orda qalıram. Normal şəraiti olan bazadı. Şükür, narazılığım yoxdu. Bazanın yanında da stadiondu. 
- Azərbaycandan təklif aldığını desən də, komandanın adını çəkmədin.
- Yayda “Səbail”ə baxışa yollanmışdım. Hardasa 10 gün məşqlərdə iştirak etsəm də, Samir Əliyev komandanın oyun üslubuna uyğun gəlmədiyimi dedi. Ondan sonra bura gəldim.
- Başqa komandalardan təklif yox idi ki, Türkiyəyə getdin?
- Azərbaycanda qalsaydım, yenə aşağı dəstədə oynamalıydım. Bu isə sərf etmirdi. Neçə ildi oynayırdım, xeyri nədi?
- Türkiyənin BAL liqası bizim birinci diviziondan üstündü ki?
- Ustalıq baxımından bizim birinci divizon üstündü. Burda mübarizə var. Həm də azarkeş sayı, futbol sevgisi baxımından diqqətimi çəkdi. 
- Təkcə azarkeş sayına görə ev-eşikdən uzaq düşməyə dəyər?
- Söhbət təkcə bundan getmir axı. İndi 18-19 yaşım yoxdu ki, gələcəyimi düşünüm, nəyəsə ümid edim. Yaş gedir, mən isə gələcəyimi düşünməliyəm. Burdakı qazanc yaxşıdı. Bizdə birinci divizonda 500-600 manatla nə vaxta kimi oynamaq olar? Məsləhət bilsəydim, “Zaqatala”da qalardım. Dediyim kimi, burda maliyyə şərtləri daha yaxşıdı. 
- BAL liqasında azərbaycanlıların sayı çoxdu. Deyilənə görə, 10-a yaxın futbolçumuz ordadı.
- 10-a yaxın? Yalan deyərəm. Bəlkə də var, mənim xəbərim yoxdu. Mən 3-4 nəfəri bilirəm. İlham Allahverdiyevi, Ülvi Quliyevi, Röyal Nəcəfovu eşitmişəm. Qışda daha bir neçə nəfər də gələcək. İndidən maraqlanırlar, soruşurlar. 
- Azarkeş sayından söz açdın. Yəni o dərəcədə diqqətçəkəndi?
- Ev oyunlarımıza ən pis halda 5 min azarkeş gəlir. Bəzən daha çox olur. Komandam Zonquldağın Karadəniz Ereğli qəsəbəsini təmsil edir. Təsəvvür edin, qəsəbənin əhalisi şəhərin əhalisindən daha çoxdu. Zonquldağda 100 min adam yaşayır, amma Karadəniz Ereğlidə 118 min. Həm də insanlar futbolu çox sevir. 
- Komandadakı türk futbolçular həvəskar statusludu? Yəni başqa yerdə kababçı, rəngsaz, dəllək işləyənlər var?
- Yox-yox, hamısı sırf futbolçudu. Yəni yeganə qazanc yerləri futboldu. Mən necə, onlar da elə. Sadəcə, liqanın adı həvəskarlardı. Hər biri normal maaş alırsa, kababçı işləmək nəyinə lazımdı? 
- Birinci divizionun bombardirinə həqiqətənmi Azərbaycanda ehtiyac yoxdu?
- Olsaydı, bura gəlməzdim ki.
- Səncə, səbəb nədi? 
- Bu sualı özümə gundə beş dəfə verirəm. Hələ də cavab tapa bilmirəm. 
- Bu qədər qol vurmusan, hücumçu üçün lazım olan keyfiyyətlərin var. Durumunla bağlı məşqçilər, mütəxəssislər nə deyir?
- Fiziki cəhətdən “artırmağı” məsləhət görürlər. Burdakı baş məşçim də deyir ki, bir az yırtıcı ol. 
- Zaqatala üçün darıxmırsan?
- Hərdən olur, amma dəhşətli dərəcədə də deyil. Darıxmaq yox, oynamaq haqda düşünürəm. Azərbaycanda göstərdiyim bacarığımı burda da ortaya qoymalıyam. ("Futbol plus" qəzeti)

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Amal Abuşov
“Qarabağ”ı gözləyən çətin sınaq
2018-02-20  // 0 Şərh
Amal Abuşov
Harda qalmışdıq?
2018-02-12  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
"Qarabağ" "Srvena Zvezda"nın futbolçusuna təklif göndərdi
Almaniyada gələcəyin konkisürmə ulduzu sayılan 13 yaşlı Nərgiz Süleymanovanın atası: “Kanadalıya pul tapırlar, bizə yox”
"Sumqayıt"da Ceyhun Sultanovun vəzifəsi bu şəxsə tapşırıldı
Ayxan Abbasov millinin qapıçısını əvəzedici komandaya göndərdi
"Neftçi"nin və millimizin sabiq üzvünün voleybolçumuzla toyudur
“Azərikimya” işi nəzarətə götürdü: SİS Gəncədə etdiyini Sumqayıtda edə bilməyəcək - ÖZƏL!
Millimizin sabiq üzvü futbol məktəbi açdı
Kərim Diniyev "Qəbələ"yə qarşı özü oynamaq istəməyib - ÖZƏL
Yunis Hüseynov 1 il vaxt istəyib
“Qəbələ” “Səbail”ə uduzdu, paytaxt derbisi “sülh”lə bitdi

Xəbər Lenti
25 Fevral 2018
13:30 “Duysburq” Eratsız qalib gəldi
13:00 "Qəbələ"nin legionerindən etiraf: "Qarabağ" "Kəpəz"i məğlub etsə..." - MÜSAHİBƏ
12:42 Millimizin sabiq üzvü üçün 90 dəqiqə
12:20 Nəsirovsuz “Sportinq” yenə xal itirdi
12:00 "Zirə"nin yeni legioneri Azərbaycana disklə gəlib: "Mənə demişdilər ki..." - MÜSAHİBƏ
11:41 Pavel Paşayev üçün 90 dəqiqə və 3 xal
11:22 Güləşçilərimizdən ilk gündə 5 qızıl, 2 gümüş və 3 bürünc medal
11:00 "Keşlə" "Sumqayıt"a, "Qarabağ" "Kəpəz"ə qarşı - YENİLƏNİR
10:30 Dmitri Nazarov üçün 79 dəqiqə və 3 xal
24 Fevral 2018
23:00 "Neftçi" - "Zirə" 1:1 - FOTOLAR
22:41 Erməniyə qalib gələn Orucov Almaniyada gümüş medal qazandı
22:30 Bombardirlərin yarışında fərq azaldı
21:36 “Zirə”nin məşqçisi: “Heç-heçə bizim üçün yaxşı nəticədi”
21:27 Tərlan Əhmədov: “Gələcəyə ümid var”
20:50 "Neftçi" - "Zirə" 1:1 - VİDEO
20:13 "Neftçi"nin və millimizin sabiq üzvünün voleybolçumuzla toyudur
19:58 “Qəbələ” “Səbail”ə uduzdu, paytaxt derbisi “sülh”lə bitdi
19:00 "Səbail" - "Qəbələ" 2:1 - VİDEO
18:50 “Qarabağ”dan xal itkisi, “Keşlə”dən qələbə
18:45 Fariz Nəcəfov: "Məğlub olacağımızı gözləmirdim" - MÜSAHİBƏ
18:38 Kərim Diniyev "Qəbələ"yə qarşı özü oynamaq istəməyib - ÖZƏL
18:31 Samir Əliyev: "Rahil Məmmədov küçədə qalmışdı"
18:20 Roman Qriqorçuk: “Bunu gözləmirdim”
17:49 Hücumçularımızın Türkiyədəki qarşıdurmasında kapitanımız sevindi
17:33 “Yasamal”la “Marafon Futsal”dan inamlı qələbə
17:00 Rəşad Sadıqov "Qarabağ"dakı məşqçilik fəaliyyətini davam etdirəcək
16:30 “Qarabağ”ın zədəli futbolçusu sıraya döndü
15:32 AFFA-nın sabiq prezidentinin bacısı qətlə yetirildi
15:00 Millimizin sabiq üzvü futbol məktəbi açdı
14:35 “Neftçi”nin sabiq forvardı milliyə məşqçi təyin olundu
14:00 "Qarabağ Vyana" futbol klubu yeni stadiona qovuşub - FOTO
13:38 “Rostov”a qələbə qazandıran Quliyev: “Özümü burada əla hiss edirəm”
13:00 "Səbail" rəhbərliyi Samir Əliyevə mətbuatla ünsiyyəti qadağan edib?
12:42 Azərbaycan Voleybol Federasiyası hesabatını təqdim etdi
12:30 Boksçumuz yarımfinala vəsiqə qazandı
12:00 Lippert mənzil tutmaq əvəzinə oteldə qalır: kommunal xərc yox, paltar yumaq yox, yemək bişirmək yox
11:21 Hollandiyada Azərbaycan derbisi qolsuz bitdi
11:00 Vəli Hüseynov: "Deyəndə ki, ermənilər Cəbrayılı işğal etdilər..." - MÜSAHİBƏ
10:30 Təbriz klubu darmadağına üzüldü
00:30 Ölkə çempionatında son gün gənc sərbəst güləşçilər yarışdı
00:01 Anatoli Banişevskinin xatirəsi belə yad olundu - VİDEO
23 Fevral 2018
23:50 Cüdo üzrə Azərbaycan birinciliyi başa çatdı
23:00 MOİK - "Ağsu" 2:0 - VİDEO
22:00 "Media turniri-2"nin püşkü atıldı, təqvim açıqlandı
21:15 "Qaradağ Lökbatan" - "Şüvəlan" 1:2 - VİDEO
20:26 “Qarabağ” Türkiyədə ilin ən yaxşısı seçilə bilər
19:38 "Sabah" - "Turan Tovuz" 2:2 - VİDEO
19:00 "Qarabağ" "Srvena Zvezda"nın futbolçusuna təklif göndərdi
18:41 Banişevskinin xatirə turnirinin qalibi bəlli oldu
18:21 Premyer Liqada 17-ci tur: tarixə səyahət
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.