Ucuz təyyarə biletləri

Füzuli Cavadov: "Qurbandan xahiş etdim ki, Vaqifi hamının içində danlamasın" - MÜSAHİBƏ

Tarix:  18.10.17 18:10           Yazar:  Rekord.az           Oxunub: 549 dəfə

Nə qədər futboldan danışmaq, yazmaq olar? Sizi heç demirəm, bəzən özüm “o atdı, bu tutdu, filankəs filan kluba keçdi” yazıb-oxuyanda bezirəm. Fərqlilik hər zaman maraqlı və cəlbedici olur. Ona görə də bundan sonra ayda bir dəfə altında imzam olan müsahibədə fərqli suallara fərqli cavablarla tanış olacaqsız. Buna qədər futbolçuların xanımları ilə müsahibələrim olmuşdu. Daha sonra futbol adamları ilə futboldankənar mövzularda söhbətlərim baş tutmuşdu. Lakin bu rubrikada futbolçuların atalarını sorğu-suala çəkəcəm. İlk müsahibim hər kəsin futbolçu və məşqçi kimi yaxşı tanıdığı, Coşqun və Kərimin atası Şahin Diniyev olmuşdu. Bu dəfə isə uzun illər millinin şərəfini qorumuş, “Qarabağ”ın, “Tvente”nin, “Bakı”nın, “İnter”in, “Volqa”nın, “Qəbələ”nin və AZAL-ın formasını geymiş, hazırda klubsuz olan Vaqif Cavadovun atası, ötənlərin futbolçusu Füzuli Cavadovu danışdırmaq qərarına gəldim. Suallara keçməmiş şərt kəsdik ki, heç bir sualı “yola verməyəcək”, ağlında olanı dilinə gətirəcək. Sağ olsun, verdiyi sözə əməl etməyə çalışdı.

 

- Bildiyimə görə, üç oğul atasısız..
- Elədi. Vaqifdən böyük iki qardaşı var. Vaqif ortancıldan 11 il sonra dünyaya gəlib, evin sonbeşiyidi. 
- Deyirlər ki, sonbeşik həm şirin olur, həm də ərköyün.
- Hərənin öz fikri var. Həm də uşaqların xarakteri də müxtəlifdi. İlkbeşiyə, ya da sonbeşiyə baxmır. Amma mən eşitmişəm ki, birinci uşaq şirin olur. Kim nə deyir- desin, övladları bir-birindən ayırmaq olmur. Hərəsinin öz şirinliyi var. 11 ildən sonra dünyaya gələn uşağın bir başqa ləzzəti olur. Vaqif oyuncaq kimiydi, hara gedirdim, qucağımda, yanımda olurdu. 
- Sualıma görə dönə-dönə üzr istəyirəm. Adətən, iki oğuldan sonra üçüncü uşağın qız olmasını arzulayırlar.
- (gülür) Bəli, dediyiniz kimi olub. Həm anası, həm də mən qız istəyirdik, Vaqif gəldi. 
- Təəssüfləndiz?
- Qətiyyən! Allahın verdiyi paydı, ona görə təəssüflənmək olmaz. Sadəcə, evdə qız övladının olmasını arzulayırdıq. 
- Ərköyün idi?
- Ərköyün deyildi, amma çox əsəbiydi. Uduzmağı sevmirdi, udmaq üçün özünü dağa-daşa çırpırdı. İsgəndərin oğlanları (qardaşı İsgəndər Cavadovu nəzərdə tutur – H.) Cavadla rəhmətlik Sübhan, bir də dostum Elxanın oğlu. 2-3 yaşlarından başlayaraq bu dörd uşaq Şağandakı bağımda yığılıb top dalınca qaçırdılar. İki-ikiyə bölüşürdülər, giriş darvazasıyla qarajın qapısını özlərinə qapı seçirdilər. Böyük qardaşım da hakimlik edirdi. Qaç ki qaçasan, vur ki vurasan. Tərin-suyun içində olurdular. Həmin səhnə indi gözümün qabağına gəlir, tüklərim biz-biz olur. Maraqlı, unudulmaz günlər idi. 
- Cığal idi?
- Məni ən çox narahat edən əsəbi olmasıydı. Müəyyən mənada cığallıq, ərköyünlük hər uşaqda olur da. Bunda əsəbilik var idi. 
- Vaqifdə nə var idi ki, böyük qardaşlarında yox idi?
- Futbola olan hədsiz maraq və bacarıq. Düzdü, böyüklər də futbolu sevirdi, qanlarında var idi. Amma Vaqifin potensialı tam başqaydı. Vaqifdən böyük oğlanlarım da futbolla məşğul olurdular, “Neftçi”yə yazdırmışdım. Amma tanınmış mütəxəssislər, dost-tanış deyirdi ki, Füzuli, bunlar sizin kimi oynamır. Hər dəfə eyni sözləri eşitdikcə həvəsdən düşdüm, yavaş-yavaş onları futboldan uzaqlaşdırdım. Böyük oğlumun inanılmaz sürəti var idi. Həm də başım işə-gücə qarışmışdı, çox maraqlana bilmirdim. 
- Vaqifin özüylə ruzi-bərəkət gətirdiyini demək olar? Yəni iki ayağıyla həyatınızı, yaşayış səviyyənizi dəyişdi. 
- Düzünü desəm, hə. Ayağı ruzili uşaqdı. Düzdü, mənim hər şeyim olub: evlərim, maşınlarım. Demək pis çıxmasın, üç bağım var idi, üç evim. “Obexeyis” işləyirdim, şükür, gəlirim, hörmətim var idi. O vaxtkı polisin hörmətli idarəsi, “sağ əli” sayılırdıq. İndiki Vergilər Nazirliyi kimiydi. “Böyüklərin”, nazirlərin hörmət etdiyi şəxslərdən sayılırdıq. Pula ehtiyacım yox idi. Sonradan SSRİ dağıldı, zəmanə dəyişdi, mən də təqaüdə çıxdım, işsiz qaldım. Ac qalmamaq üçün yavaş-yavaş evləri, maşınları satıb Moskvaya getdik. Vaqif də balacaydı, amma hamı futbolçu istedadından danışırdı. Azərbaycanda qalsaydı, bəlkə də potensialını tam aça bilməyəcəkdi. Allah bilir, gələcəyi necə olacaqdı. ÇSKA-ya apardım, baxdılar, yoxladılar və aşağı yaşlılardan ibarət komandaya götürdülər. Moskvada həm də Bədən Tərbiyəsi Universitetini bitirdi. Rusiya vətəndaşlığı da vardı. 
- Nə üçün Bakıya qayıtdız?
- 2006-cı ildə millinin baş məşqçisi olan Şahin Diniyev Vaqifi yığmaya dəvət etdi. Atası kimi mənim fikrimi soruşdular, razı olduğumu dedim. Atam, qardaşlarım, bacılarım – hamımız idmançı olmuşuq. Vaqifin yığmaya çağrılması məndə fəxr hissi oyatdı. Sonradan “Qarabağ”a keçdi, “Tvente”, “Bakı”, “Volqa”... Karyerasının ən parlaq dönəmi “Qarabağ”da oldu. Hollandiyaya getməmişdən əvvəlki dönəmi deyirəm.
- Pul yığandı? 
- Yığmaqla arası yoxdu, xərcləyəndi. Bəlkə də mənə, ya da babasına oxşayıb. Bizim ailədə, nəsildə xəsis adam olmayıb. Puldan balış düzəltməmişik. Əlimizə gələni nəyəsə xərcləmişik, nəsə etmişik. İndiki veteranlardan soruşun, Füzuli əliaçıqlıqda necədi? Simic deyiləm, Vaqif də mənə oxşayıb. 
- Bəs ümumi xarakterdə kimə oxşayıb? Sizə, yoxsa anası tərəfə?
- Mənim kimi əsəbidi, əliaçıqdı, səbirsizdi, kin saxlaya bilmir, heç kimin qabağından “yeməz”. Nəyi varsa, hamısı atasındakı kimidi.
- Qızbazdı?
- Onu deyə bilmərəm. Birlikdə elə yerlərə getməmişik (gülür).
- Xarakterdə sizə oxşadığını dediz. Ona görə soruşdum.
- Mən yazıq harda demişəm ki, qızbazam? Maşındayam, yoldaşım da yanımdadı. Gör neynirsən (gülür). Futbolçular həmişə diqqət mərkəzində olur da. Qadınlar idmançılara rəqbət bəsləyir, bəyənirlər. Bizim vaxtımızda da belə olub, indi də belədi. Normal haldı. Mən özüm heç vaxt şorgöz olmamışam. Ailəmizdə dörd bacı böyütmüşük deyə, həmişə onları düşünmüşəm. Məncə, Vaqif də mənim kimidi. 
- Vaqifi döymüsüz heç?
- Yox, heç vaxt. Ümumiyyətlə, uşaqların heç birinə əl qaldırmamışam. Uşaq vaxtı məşqə Vaqif Paşayevin yanına gedirdi. Paşayev onu danlayanda, bir dəfə də olsun, söz deməmişəm. Amma özüm adam içində oğluma ağır söz deməzdim. Evə gələndə başa salardım. Bir dəfə Qurbana (Qurban Qurbanovu nəzərdə tutur – H.) dedim ki, səndən bir xahişim var. Vaqifin səhvi olanda, nəyisə düz etməyəndə, ona futbolçuların arasında söz demə, acıqlanma. Əksinə, xoş söz de, təsəlli ver. Sonra tək olanda çağır otağa, nə lazımdı de, başa sal. Bilirəm axı, bu uşağa adam içində söz deyəndə daha da geriyə gedir, ya da özündən asılı olmayaraq cavab qaytarır. Biz Cavadovlar hamımız beləyik. 
- Sevib evləndi, yoxsa qızı qohumdan aldız?
- Bizdə qohumdan qız almaq, məcbur etmək söhbəti yoxdu. 9 uşaq olmuşuq, heç birimizi məcbur evləndirməyiblər. Hamımız öz xoşumuzla, istədiyimizlə. Vaqif də bizim kimi. 
- Kasıb yerlə qohum olmusuz, yoxsa imkanlıdılar?
- Vallah, nə deyim? Əsas odu, qızı yaxşı ailədən alıb. 
- Elçi gedəndə tərəddüd etmirdiz?
- Yox, Allah eləməsin. Ağstafadandılar, qızın babasını tanıyırdım. Sonradan lap yaxından tanış oldum və sevindim. Atası dağıstanlıdı, onların namus-qeyrət məsələsinə necə həssas yanaşdığını hamı yaxşı bilir. Gəlinim “Unibank”da aparıcı işçi idi. 
- Allah xoşbəxt eləsin, gözdolusu görsünlər. Bildiyimə görə, Vaqifin də oğlu var.
- Hə, varıdı. Allah olmayanlara qismət eləsin. 1 yaş, 4 aylıqdı. 
- Adı nədi?
- Füzuli.
- Əvvəlki iki oğlunuz bu adı Vaqifin övladı üçün saxlamışdı?
- Yox e, bu ikinci Füzuli nəvəmdi. Moskvada yaşayan böyük oğlum Zaurun iki əkiz oğlu var. Biri Aslandı, o biri Füzuli. Vaqif də Füzuli qoydu. Dedi, ata, mənə söz demə, hansı adı qoyuram, özüm bilərəm. 
- Deyirlər, bir müddətdən sonra kişi arvad tərəfə əyilir. Düz söhbətdi? 
- Belə şeylər var. Amma baxır kimdə və necədi.
- Məsələn, Vaqifdə necədi?
- Vaqifdə yoxdu. Arvad tərəf deyəndə ki... Lazım gələndə hamı arvad tərəfə yıxıla bilər. Heç kim deyə bilməz ki, mən həyat yoldaşıma hörmət etmirəm, yeri gələndə çəkinmirəm, sözümü dəyişmirəm. Heç kimi bunu deyə bilməz, istər biznesmen olsun, istərsə də nazir. Qadın qadındı, evin xanımıdı. Bəzən qadın elə məsləhət verə, elə söz deyə bilər ki, həyatın dəyişər. Ona görə də bu “arvad tərəfə yıxılmaq” söhbətinə heç vaxt ciddi yanaşmıram. Həyat yoldaşının məsləhətinə qulaq asmaq, ya da iradı ilə razılaşmaq hansısa tərəfə yıxılmaq deyil. ("Futbol plus" qəzeti)

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Sənan Abdullayev
Elnur Cəfərovu tanıyırsızmı?
2017-11-12  // 178 Şərh
Amal Abuşov
Faiqin faciəsi
2017-11-07  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Nizami Hacıyev "Neftçi"də nə qədər maaş alacaq?
Yunis Hüseynovla işləmək istəmədi
Tərlan Əhmədov "İnter"in daha bir futbolçusunu "Neftçi"yə aparır
Qurban Qurbanov Aslan Kərimovu özünə köməkçi götürməkdən imtina etdi
"Zirə"yə lazım deyil, qışda göndərilir
Nizami Hacıyevin "Neftçi"yə gəlişi kimi narahat edir?
Yunis Hüseynovu "Kəpəz"ə kim baş məşqçi təyin edib?
"Kəpəz"in yeni icraçı direktoru: sabiq televiziyaçı, komandir və deputatlığa namizəd - FOTOLAR
Hüseyn Məhəmmədov "Kəpəz"də?
"Kəpəz"dədaha bir məşqçi istefası

Xəbər Lenti
22 Noyabr 2017
22:02 "Qarabağ" ikinci qola üzülür - YENİLƏNİR
19:40 “Qarabağ”ın rəqiblərinin oyununda 3 qol
19:21 "Qarabağ" U-19 - "Çelsi" U-19 - FOTOLAR
19:00 Şenol Güneş Bakıya niyə gəlib?
18:40 Azərbaycan Cüdo Federasiyasında görüş keçirildi
18:21 Növbəti turu kim buraxacaq?
18:08 Azerisport 11!
18:00 "Neftçi"nin əlehinə səhv edən hakim ili bitirdi - ÖZƏL!
17:40 "Zaqatala" - "Ağsu" 0:1 - VİDEO
17:38 Avrokubokdakı ilk qələbəmiz - FOTOSESSİYA
17:30 “Qarabağ”ın gəncləri "Çelsi" ilə yenə bacarmadı
17:21 “Payız turniri” başladı: 3 oyuna 26 qol
17:00 "CBC Sport"a üz çevirən ikinci məşqçi
16:42 "Mil-Muğan" - "Xəzər" 1:0 - VİDEO
16:21 AFFA İsgəndər Cavadovun komandalarına texniki məğlubiyyət verdi
16:00 13-cü turun oyun cədvəli bəlli oldu
15:40 Premyer Liqada 13-cü turun oyun cədvəli
15:21 9-cu turun hakim təyinatları açıqlandı
15:00 Xaqani Məmmədov "Neftçi" prezidentinin cavabını verdi: "Hər yerindən duran danışır"
14:40 “Zirə”nin futbolçusuna 1, “Kəpəz”liyə 2 oyunluq cəza
14:21 Divizion klublarının cəzası açıqlandı
14:00 "Kəpəz"dədaha bir məşqçi istefası
13:40 İbrahim Şehiçlə Dedimar Fereyraya 3 oyunluq cəza
13:21 Bakıda FIFA-nın sammiti keçirildi - FOTOLAR
13:00 AFFA "Rəvan"a necə möhtac olub?
12:45 "Udineze"də yeni baş məşqçi
12:28 "Anji"nin keçmiş sahibi Fransada həbs olundu
12:00 Azərbaycanda daha bir futbolçu həbs olundu
11:45 Xorvatiya mətbuatı Prosineçkini indi də "Şturm"a apardı
11:22 Çempionlar Liqası: "Yuventus" - "Barselona"ya qarşı
11:20 BOS-dan “Beşiktaş”a dəstək
11:00 Tərlan Əhmədov "İnter"in daha bir futbolçusunu "Neftçi"yə aparır
10:30 Çempionlar Liqasında gecənin bütün qolları - VİDEO
09:18 Komandamızdan Səmədov hamını qabaqladı
02:52 "Real" və "Beşiktaş" 1/8 finalda, "Sevilya"dan möhtəşəm geridönüş
21 Noyabr 2017
23:56 “Qarabağ” “Çelsi” ilə matça hazırlığı başa vurdu - FOTOLAR
23:45 Bakı Olimpiya Stadionu “Qarabağ” - “Çelsi” matçına tam hazırdı - FOTO
22:30 "Binə" - "Sabah" 1:1 - VİDEO
21:55 "Şüvəlan" - "Turan Tovuz" 1:0 - VİDEO
21:45 "Qaradağ Lökbatan" - MOİK 2:1 - VİDEO
20:40 Əməkdar məşqçinin xatirəsinə turnir keçirilib
20:32 Bakı klubu avrokuboka qələbə ilə başladı
20:22 “Keşlə” - “Neftçi” matçının hakim təyinatları açıqlandı
20:00 Birinci Divizonda 11-ci turun oyun cədvəli açıqlandı
19:41 Millimizin toplanış üçün heyəti açıqlandı
19:32 Antonio Konte: “Qarabağ”la cavab matçında çox diqqətli olmalıyıq”
19:21 “Sumqayıt” - “Səbail” matçının başlama saatı açıqlandı
19:10 Tibo Kurtua: “Qarabağ”a erkən qol vurub, təzyiq altında saxlamalıyıq”
19:00 “Çelsi” Bakıda məşq etdi - FOTOLAR
18:40 Əliyar Ağayev “Beşiktaş”ın məğlubiyyətini qeydə aldı
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.