Ucuz təyyarə biletləri

Qubadlı futbolunun tarixindən: “Həkəri”dən “Həkəri”yə - II YAZI

Tarix:  22.10.17 23:10           Yazar:  Rekord.az           Oxunub: 251 dəfə

Məcburi köçkün rayonlarımızın futbol tarixindən və bu günündən bəhs edən növbəti yazımız da Qubadlıya həsr olunub. Ötən yazımızda rayonun futbol tarixindən, “Həkəri”nin yaranmasından və çıxışlarından söz açmışdıq. Söhbət 2001-ci ildə yaranan və cəmi 3 ay mövcud olan komandadan gedir. Hansı ki, baş məşqçisi Sabir Əliyev olmuşdu. Qeyd etdiyimiz kimi, Qubadlının sabiq icra başçısı mərhum Əvəz Hüseynquliyevin maddi dəstək verdiyi, amma sonradan buna imkanı çatmadığı üçün fəaliyyətini dayandıran komanda müstəqillik dönəmində Qubadlının ilk futbol təmsilçisi idi. “Həkəri” fəaliyyətini dayandırdıqdan sonra bir müddət rayonun ölkə çempionatında təmsilçisi olmadı. Nə uşaq, nə də böyük futbolda. 

 

 

İkinci qayıdış


2001-ci ildə fəaliyyətini dayandıran “Həkəri” bir ildən sonra, 2002-ci ildə fəaliyyətini yenidən bərpa etdi. Bu dəfə komandanın başında Cavanşir Vahidoğlu dayanırdı. Cavanşir Vahidoğlu özü də Qubadlıdandı.  1974-cü il iyunun 18-də Sarıyataq kəndində fəhlə ailəsində dünyaya gəlib. Uşaq yaşlarında doğma rayonda futbolla məşğul olub. Özü də rəhmətlik milli qəhrəman Əliyar Əliyevin rəhbərliyi altında. Vahidoğlu 17 yaşında könüllü olaraq cəbhəyə gedib döyüşməsi ilə də yadda qalıb. Hətta ayağından güllə yarası da alıb. Atəşkəs elan olunandan Azərbaycan Dövlət Bədən Tərbiyəsi və İdman Akademiyasının futbol bölməsində təhsil alıb. 2001-ci ildə “Həkəri”nin fəaliyyətini dayandırması bir qubadlılı kimi onu çox narahat edirdi. Odur ki, 2002-ci ildə “Həkəri”ni ikinci dəfə Azərbaycan futboluna qaytardı. Komanda Sumqayıtdakı “İnşaatçı” stadionunda məşqlərə başladı. Hədəf isə yenidən Həvəskarlar Liqasında mübarizə aparmaq idi. Lakin Həvəskarlar Liqası olsa belə, yenə də oynamaq üçün maliyyə dəstəyi lazım idi. Çünki formaların, topların, inventarların alınması, səfər oyunlarına gedilməsi üçün vəsait lazım idi. Düzdür, “Həkəri” bölgə təmsilçisi olsa da Bakı zonasında mübarizə aparırdı. Çünki məlum məsələ, qaçqın komanda idi və Sumqayıtda məskunlaşmışdı. Buna görə Bakı zonasında oynamaq ən münasib olan idi. Bununla belə, Bakıya gedib-gəlmək üçün də nəqliyyat, yemək xərci tələb olunurdu. Bütün bu xərcləri qarşılamaq üçün isə Vahidoğlunun ağız açmadığı adam, döymədiyi qapı qaılmırdı. Hələ biz məşq və oyunlar üçün stadionun icarə haqqını demirik. “İnşaatçı” stadionunun rəhbərliyi heç də Vahidoğlunun gözlədiyi güzəşti etmirdi. Əslində onları da başa düşmək olardı. Çünki məşqdən sonra yuyunmaq üçün istifadə olunan suyun, eləcə də işlədilən elektrik enerjisinin haqqını stadion rəhbərliyi cibindən ödəyə bilməzdi. Məhz bu cür problemlər ucbatından gənc məşqçi məşqləri gündəlik yox, həftədə 3 dəfə edirdi. Bütün bu çətinliklərə baxmayaraq, “Həkəri” 2002-ci ildən yenidən Həvəskarlar Liqasında mübarizəsini bərpa etdi. Təbii ki, Sabir Əliyevin dövründəki “Həkəri” ilə bu “Həkəri” arasında fərq böyük idi. Ən azı heyət baxımından. Sabir Əliyevin əlinin altında elita təcrübəsi olan futbolçular var idisə, Cavanşir Vahidoğlu daha çox təcrübəsiz gənclərlər oynayırdı. Komandada elita təcrübəsi olan 1-2 futbolçu var idi. Qalan futbolçuların çoxu hətta Həvəskarlar Liqasında belə, debüt edirdi. Lakin bütün bunlara baxmayaraq məhz bu komanda tarix yazmağı bacardı.

 

 

Torpaq meydançada yazılan tarix


Az öncə qeyd etdiyimiz kimi, maddi cəhətdən sıxıntı olduğundan komanda gündəlik məşq edə bilmirdi. Yalnız həftənin 3 günü “İnşaatçı” stadionunda məşq etmək mümkün idi. O da 1, maksimum 1.5 saat. Cavanşir Vahidoğlu komandaya gündəlik məşq keçmək üçün başqa varianta əl atdı. Belə ki, ikinci meydança kimi Sumqayıt Dövlət Universitetinin stadionu götürüldü. Komanda həftədə 3 dəfə “İnşaatçı” stadionunda, 3 dəfə isə universitetinin torpaq meydançasında məşq etməyə başladı. 2003-cü ildən etibarən isə pula qənaət etmək üçün  komanda tamamilə Sumqayıt Dövlət Universitetinin meydançasında məskunlaşdı. Hətta daxili imkanlar hesabına meydançaya əlavə torpaq töküldü və düzləndi. Bununla belə, bəzi vacib oyunlar yenə “İnşaatçı” stadionuna salınırdı ki, bu da oyunlara daha çox azarkeşin gəlməsini təmin etmək üçün edilirdi. Komanda çempionateda oynaya-oynaya baş məşqçi paralel olaraq həm də komandaya sponsor axtarırdı. Döymədiyi qapı qalmırdı, amma təəssüf ki, əməldə heç kim sözümüm üstündə durmurdu. Söz verən çox idi, amma konkret kömək edən yox idi. Qubadlıdan olan bəzi iş adamları ara-sıra müəyyən köməklik edirdi. Bu köməklik isə ancaq bir oyunun nəqliyyat xərcini ödəyirdi. Pul tapmayanda Vahidoğluk avtobusu nisyə danışırdı. Nisyə danışılan tək avtobus olmurdu. Bəzən futbolçuların yeməyini də hansısa marketdən nisyə götürürdülər. Yemək deyəndə kəlmə sizi aldatmasın. Burda söhbət kolbasa-çörəkdən gedir. Kolbasa-çörək və 3-4 butulka su. Bəli, “Həkəri” futbolçuları oyunlara kolbasa-çörək yeyərək oyunlara çıxırdı. Qubadlı Rayon İcra hakimiyyəti isə komandaya demək olar ki, dəstək göstərmirdi. Dəfələrlə müraciət olunsa da kömək üçün maddi imkanın olmadığı göstərilirdi. Təbii ki, belə durumda hansısa maaşdan, mükafatdan söhbət belə gedə bilməzdi. Lakin bütün bu çətinliklərə, ağır şəraitə baxmayaraq “Həkəri” tarix yazmağı bacardı. 

 

 

Məğlubiyyətsiz çempion


2003-cü il “Həkəri”nin “qızıl dövrü” oldu. Komanda Həvəskarlar Liqasında mübarizəyə başlayanda heç kimin ağlına gəlməzdi ki, qaçqın həyatı yaşayan, pulsuz bir komanda mövsümün sonunda çempion adını qazansın. Üstəlik, həmin dövr Həvəskarlar Liqası çox güclü idi. Komandaların səviyyəsini müqayisə etsək hazırkı I Diviziondan da daha güclü və daha səviyyəli çempionat idi. Bir məqamı da vurğulayaq ki, 2002-ci ildə Azərbaycan futbolunda yaşanan məlum qalmaqal və yüksək liqa ilə I dəstədə çempionatın dayanması bir çox futbolçunun Həvəskarlar Liqasına axını ilə də yadda qalmışdı. Bununla futbolçular formalarını qorumağa çalışırdı. Təsadüfi deyil ki, o vaxt Həvəskarlar Liqasında MOİK, “Ədliyyə”, SAF, “Qarabağ”, HHQ, “Kəpəz”, “Göyəzən”, “Avey” kimi komandalar mübarizə aparırdı. Bakı zonasında çox güclü komandalarla mübarizə aparan “Həkəri” ilk turlardan inamlı çıxışı ilə diqqət çəkdi. İlk vaxtlar əksər komandalar Qubadlı təmsilçisini ciddiyə almasa da turlar keçdikcə vəziyyət dəyişməyə başladı. Bununla belə, heç kim qaçqın rayonun komandasını dayandıra bilmədi. 14 komandanın mübarizə apardığı çempionatda 26 oyun keçirən “Həkəri” bunların 22 də qələbə qazanıb cəmi 4 oyunda heç-heçə oynadı. Bununla da final mərhələyə məğlubiyyətsiz lider kimi vəsiqə qazandı. Həmin ərəfədə ilkin mərhələdə qazanılan xallar final mərhələdə silinmədiyi üçün “Həkəri”nin çempionluq şansı çox yüksək idi. Lakin iş elə gətirdi ki, heç final mərhələyə ehtiyac olmadı. Daha doğrusu, AFFA-da baş verən rəhbər dəyişikliyi burda öz təsirini göstərdi. Belə ki, çempionat start götürəndə AFFA prezidenti Fuad Musayev idi. Çempionatın gedişində isə o postundan getdi və yerinə rəhmətlik Ramiz Mirzəyev gəldi. Mirzəyevin gəlişindən sonra Azərbaycan futbolunda hər şey sıfırdan başladı. O cümlədən də Həvəskarlar Liqasında. Məhz yeni AFFA rəhbərliyi final mərhələni keçirməyə ehtiyac görmədi və böyük xal fərqi ilə öndə olan “Həkəri”ni çempion elan elədi. İkinci pilləni isə “Qarabağ-2” komandası tutdu. Daha sonra ilk 3 yerin sahibi ilə AFFA-da görüş keçirildi və çempion “Həkəri”yə kuboku şəxsən Ramiz Mirzəyev özü təqdim etdi. Qubadlı təmsilçisi 2004-cü ildə Azərbaycanı həvəskar komandalar arasında Polşada keçiriləcək Avropa çempionatında da təmsil etməli idi. Lakin AFFA rəhbərliyi buna razı olmadı. Səbəb kimi də o göstərildi ki, 2004-cü ildə yeni çempionat keçiriləcək və həmin çempionatın qalibi Avropaya göndəriləcək. Əslində bu məsələdə “Həkəri”nin haqqı yeyildi. Çünki komanda bu vəsiqəni alın təri ilə qazanmışdı. Lakin buna imkan verilmədi. Amma qeyd etdiyimiz kimi, Qubadlı təmsilçisi tarixə çempion kimi adını yazdırdı ki, bunun özü də qaçqın rayon üçün böyük uğur idi. 

 

 

5 “şirvan”lıq qəbul


Təəssüf ki, komandanın bu uğuru da Qubadlının imkanlı şəxslərini silkələmədi. Halbuki Cavanşir Vahidoğlu ümid edirdi ki, heç olmasa bu uğurdan sonra “Həkəri”yə maraq yaranar və sponsor olmaq istəyən şəxslər ortaya çıxar. Ən azından Qubadlı Rayon İcra Hakimiyyəti hərəkətə gələr. Çünki Həvəskarlar Liqasında çempion adını qazanan “Həkəri”nin hədəfi 2004-cü ildə I Divizionda oynamaq idi. Komandanın buna gücü də var idi, potensialı da. Sadəcə, bir qədər maddi dəstək lazım idi. Həmin dəstək isə olmadı. Düzdür, Qubadlının icra başçısı Malik İsaqov 2003-cü ilin yekunlarına dair keçirilən tədbirdə “Həkəri”ni də qəbul etdi. Tədbirin sonunda hər futbolçuya 5 “şirvan” mükafat da verildi. Ancaq bundan artıq heç nə baş vermədi. 

 

2004-cü ilin yayında komanda üzvləri xoş xəbər eşitdi. “Zaminbank” komandanı öz himayəsinə götürməyə razılıq verib və “Həkəri” yeni mövsümdən I Divizionda mübarizə aparacaq. Cavanşir Vahidoğlu heyətə yeni futbolçular da cəlb etmişdi və komanda səylə I Diviziona hazırlaşırdı. Lakin  günlər keçdikcə vəziyyət mənfiyə doğru dəyişdi. Komanda bir ay fasiləsiz məşq etsə də bank rəhbərliyindən maaşla bağlı səs-soraq çıxmadı. İkinci ay isə kənardan komandaya dəvət olunan futbolçular bir-bir düşərgəni tərk etdi. Ayın sonunda isə məlum oldu ki, “Zaminbank” sözünü tutmadı və komandanı maliyyələşdirməkdən imtina etdi. Bu isə o demək idi ki, “Həkəri” yenə eyni şərtləraltında Həvəskarlar Liqasında oynamalı olacaq. Əslində bir neçə il sonra komanda I Divizionda debüt etdi. Amma buna qədər və bundan sonrakı proseslər haqda növbəti yazımızda...

 

Ardı var

Anar XANLAROV

Layihə AFFA Yanında Media Komitəsi tərəfindən maliyyələşdirilir

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Sənan Abdullayev
Cəmi 5 saniyə keçmişdi...
2018-01-19  // 0 Şərh
Amal Abuşov
“Union Berlin”lə Kosovo millisinin fərqi
2018-01-16  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
Daha bir I Divizion komandası ölkə xaricinə gedir - ÖZƏL!
Maksimovla "Keşlə" rəhbərliyi "kəllə-kəlləyə" gəldi: Rauf Əliyevə görə
Rüfət Dadaşov "Sumqayıt"a gəlir?
Ukraynalı qapıçı "Kəpəz"də nə qədər maaş alacaq?
"Kəpəz"ə lazım olmayan futbolçu "Səbail"in düşərgəsində!
"Səbail" 5 ay düşərgədə saxladığı futbolçu ilə müqavilə bağladı - FOTO
Klublarımızın qış transferləri - YENİLƏNİR
Ukraynalı qapıçı niyə Türkiyə klubuna "yox" deyib, "Kəpəz"i seçib? - ÖZƏL!
"Sumqayıt"a təklif: Mehdi Hüseynzadə adına stadionda oynayın - YAZI
AFFA dövlətə qarşı çıxır? - YAZI

Xəbər Lenti
19 Yanvar 2018
11:42 "Sumqayıt" - "Səbail" 1:2 - VİDEO
11:24 Cəmi 5 saniyə keçmişdi...
11:21 “Qəbələ” Divizion klubu ilə “sülh bağladı”
11:00 Samir Əliyev: "Futbolçu axtaranda öncədən deyirik ki, 2500-3000, maksimum maaş budur" - MÜSAHİBƏ
10:30 İsrafilov sıradan çıxdı, “Ximnastik” qalib gəldi
10:17 Super Liqada növbəti oyun keçirilib
10:00 Klublarımızın qış transferləri - YENİLƏNİR
08:25 "Arena" verilişi qayıdır
18 Yanvar 2018
23:43 “Qarabağ” öncə fitnessdə, sonra meydanda çalışdı
23:22 "Sumqayıt" - "Səbail" 1:2 - FOTOLAR
23:00 “Neftçi” Antalyada belə hazırlaşır - VİDEO
22:41 “Sumqayıt” “Səbail”ə uduzdu
22:22 Paytaxt birinciliyində ilk günün qalibləri məlum oldu
22:00 Təbriz klublarından biri uduzdu, digəri liderlə heç-heçə etdi
21:40 Millimizin rəqibi heyətini açıqladı
21:23 Cavid Hüseynov: “Yüz faizlik şanslardan yararlana bilmədik”
21:00 "Sürix" - "Qəbələ" 1:0 - VİDEO
20:49 "Səbail" 5 ay düşərgədə saxladığı futbolçu ilə müqavilə bağladı - FOTO
20:41 “Fənərbaxça” fanatları “Qarabağ”ın düşərgəsində
20:21 “Kəpəz” daha bir transferi rəsmən açıqladı
20:00 Millimizə daha bir futzalçı qoşuldu
19:40 “Sabah”dan növbəti transfer - FOTO
19:20 Mahmud Sadıqov: “Futzal aləmində Azərbaycan millisi ilə hesablaşırlar”
19:00 Afrikalı futbolçu "Qarabağ"ın təklifini qəbul edib?
18:41 Ədalətli oyun prinsiplərinə sadiq şəxslər mükafatlandırıldı
18:23 "Kəpəz" Antalyaya getdi
18:00 Rüfət Dadaşov "Sumqayıt"a gəlir?
17:43 Hakimlərdən “Keşlə” üçün seminar
17:21 Gənc cüdoçuların Bakı birinciliyinə start verildi
17:00 "Kəpəz"ə lazım olmayan futbolçu "Səbail"in düşərgəsində!
16:41 "Kuban" - "Qarabağ" 2:2 - FOTOLAR
16:21 Millimizin baş məşqçisinin brifinqi olacaq
16:00 Millimiz FİFA reytinqində gerilədi
15:41 Rəşad Sadıqovlu U-21 ilk sınağında belə qalib gəldi - VİDEO
15:20 "Kuban" - "Qarabağ" 2:2 - VİDEO
15:00 Maksimovla Axundov arasında gərginlik böyüyür
14:40 Xatirə turnirində ikinci günün qalibləri
14:21 Millimiz İranla iki yoxlama oyunu keçirəcək
14:00 Ukraynalı qapıçı niyə Türkiyə klubuna "yox" deyib, "Kəpəz"i seçib? - ÖZƏL!
13:41 Ramil Şeydayev də U-21-ə çağırıldı
13:21 Elxan Məmmədovla Qurban Qurbanov İsveçrəyə gedəcək
13:00 "Kapital Bank Arena"da yeni tribuna tikilməyəcək - ÖZƏL!
12:48 Ronaldo Peresdən narazıdır
12:22 Obameyanq "Arsenal"a keçir?
12:09 1-ci vitse-prezident Tofiq Heydərov: “Hazırda komandamızda dopinqdən istifadədən söhbət belə gedə bilməz”
12:00 "Keşlə" Yamayka millisinin üzvünü transfer edir
11:43 Türkiyə kuboku: "Beşiktaş" 1/4 finalda
11:22 "Qəbələ" - "Sürix" 0:1 - FOTOLAR
11:00 "Kəpəz" fiziki hazırlıq üzrə məşqçi gətirməyəcək: ondansa futbolçu alaram
10:30 Arazlı “Anortosis” Kipr kubokunun 1/4 finalında
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.