Ucuz təyyarə biletləri

Cari mövsümə damğa vuran hakim səhvləri

Tarix:  12.11.17 14:11           Yazar:  Rekord.az           Oxunub: 345 dəfə

Yayda ölkə xaricinə - təlim-məşq toplanışına gedə bilməyən hakimlərin mövsümü necə keçirəcəyi maraq doğururdu. Yalnız Qusarda 8-9 günlük hazırlıqla kifayətlənən ədalət təmsilçiləri oyun təcrübəsindən əziyyət çəkirdi. Təkcə avrokuboklara təyinat alan FİFA referiləri nisbətən yaxşı vəziyyətdə idi. Hər halda, gözlənilənlərin əksinə, hakimlər çempionatın ilk dövrəsini pis keçirmədi. Düzdü, “hər şey ideal idi” deyə bilmərik. Ancaq kobud səhvlər, nəticəyə təsir edən qərarlar minimum sayda idi. Artıq belə bir fikir formalaşmışdı ki, xaricə getmək mənasızdı, elə ədalət təmsilçilərini bölgələrdən birinə göndərmək kifayətdi. Hətta 2-ci dövrədə referilərin ortaya daha yüksək səviyyə qoyacağını düşünürdük. Çünki ən qorxduğumuz məqam – oyun təcrübəsinin azlığı problemi də geridə qalmışdı. Həmçinin birinci divizionda da mübarizənin başlaması hakimlərin daha çox qarşılaşma idarə etməsinə şərait yaratmışdı. Ancaq sən saydığını say... Premyer-liqanın 2-ci dövrəsində Xaqani Məmmədovun yetirmələrinin işi ürəkaçan deyil. Hətta bərbaddı desək, yanılmarıq. Söhbət hansısa sarı vərəqənin verilməməsindən və ya meydanın mərkəzində yaşanan qayda pozuntusuna göz yumulmasından getmir. Hakimlər dövrənin geridə qalan 4 turunda elə yanlış qərarlarla diqqəti çəkib ki, hansısa komandanın aşkar haqqı yeyilib. Nəticəyə təsir edən səhvlər yetərincədi. Baxmayaraq ki, 2-ci dövrənin ilk turu bu cəhətdən sakit keçmişdi. Lakin son 3 turda acınacaqlı durum yaranıb.
9-cu tur, Kəpəz – Neftçi (0:1)
Gəncədə baş tutan tarixi derbini FİFA referisi Əliyar Ağayev aşağı səviyyədə idarə etdi. Əlbəttə, Xaqani Məmmədovun Makedoniyada Avroliqa oyununa gedən hakimə səfərdəykən təyinat verməsi absurd idi. Ağır oyun və yorucu səfərdən birbaşa Gəncəyə uçan Əliyar fiziki cəhətdən matça hazır deyildi. Hər halda, sözügedən qarşılaşmada meydanda tam fərqli birini gördük. O həm “Kəpəz”in, həm də “Neftçi”nin bir penaltisini “yedi”. Əllə oyuna görə gəncəlilərin qapısına 11 metrlik cərimə zərbəsi təyin etməli olduğu halda, fərqli qərar verdi. “Kəpəz”də isə Viktor Oseqeylə qarşı cərimə meydançasında qayda pozuntusuna biganə qalaraq, penalti təyin etmədi. Yadınızdadısa, həmin qarşılaşmada azarkeşlər HK sədrini hansı gəlişigözəl sözlərə “qonaq etmişdilər”.
9-cu tur, Qəbələ - Qarabağ (1:0)
Çempionluq uğrunda mübarizə aparan iki komandanın deulinə Fariz Yusifovun təyinat almasına öyrəşmişdik. Ancaq bu rəqiblərin 9-cu turda baş tutan dueli Ömər Paşayevə həvalə olundu. Qəbələdəki oyun bir daha göstərdi ki, psixoloji cəhətdən güclü təzyiqin olduğu oyunlarda hakimlərimiz soyuqqanlı ola bilmir. Düzdü, nəticəyə təsir edən səhvə görə baş hakimi ittiham etmək də doğru olmaz. Paşayevi "yandıran" laysman idi. Qol ofsyaddan vuruldu. Bəlkə də yan xətt hakimi Cavid Hüseynovun ötürməsindən sonra Elvin Camalovun topa toxunduğunu görmədiyindən bayrağını qaldırmadı. Ancaq fakt budu ki, cüzi də olsa, Asif Məmmədovun fərqləndiyi epizod zamanı ofsayd var idi və bu birbaşa nəticəyə təsir edən səhv idi.
10-cu tur, Qarabağ – Səbail (1:0)
Bu oyundan sonra Qurban Qurbanov hakimlik haqda bunları demişdi: “Rəvan bu gün nə etmək istəyirdi, o mənə çatmadı. Hakimlik elə peşədi ki, heç kimin haqqına girmək lazım deyil”. Həmin matçda hər şey Pedro Enrikeyə göstərilən sarı vərəqə ilə başladı. Halbuki gənc referinin qərarı kökündən yanlışdı. O epizodda simulyasiyadan söhbət gedə bilməzdi, çünki ayağa təmas var idi. Hətta “Qarabağ”ın xeyrinə penalti də vermək olardı. Videotəkrardan da Kamal Qurbanovun rəqibin ayağına təmas etdiyi aydın görünür. Daha sonra Tamazi Tsetsxladze cərimə meydançasında Riçard Almeydanı arxadan itələyib yıxsa da, yenə hakimin fiti susdu. 80-ci dəqiqədə Murad Ağayev Dani Kintanaya qarşı aşkar kobud oynasa da, “inadından dönməyən” Həmzəzadə yenə penalti təyin etmədi. Bu oyunda 3 haqlı penaltisi verilməyən “köhlən atlar” qələbə qazanmasaydı, nələrin yaşanacağını təsəvvür etmək çətindi.
10-cu tur, Zirə - Qəbələ (2:1)
Təəssüf ki, hər dəfə təcrübəsini qabartdığımız Yusifov bu matçda kobud səhvlərlə yadda qaldı. Halbuki o ilk yarını səhvsiz idarə etmişdi. Həm "Qəbələ"nin qapısına təyin olunan penalti, həm də Cavid Hüseynova göstərilən qırmızı vərəqə haqlı idi. Lakin 51-ci dəqiqədə sabiq FİFA referisi "Zirə"ni də 11 metrlik cərimə zərbəsi ilə cəzalandırmalıydı. Çünki Jozef Bum cərimə meydançasında Ekiqo Ehiosuna qarşı kobud oynamışdı. Vəziyyəti düzgün qiymətləndirməyən Yusifov nəinki penalti verdi, əksinə, Ekiqoya simulyasiyaya görə "sarı" göstərdi. Təbii, həmin an meydan sahibləri penalti ilə cəzalansaydı, matçın nəticəsi də fərqli ola bilərdi. Bundan başqa, 3-cü uzatma dəqiqəsində Təmkin Xəlilzadəyə göstərilən vərəqənin rəngi sarı yox, qırmızı olmalıydı. Topsuz vəziyyətdə Voislav Stankoviçin ayağına zərbə endirən "Zirə"li meydandan qovulmalıydı. Oyunsonrası mətbuat konfransında Roman Qriqorçuk Yusifova görə təəssüfləndiyini bildirmişdi. “Qəbələ”nin vitse-prezidenti Fariz Nəcəfov isə bunları demişdi: “Maraqlıdı, niyə onlar vuranda “sarı” olur, biz vuranda “qırmızı”? Niyə eyni vəziyyət bizim qapıya penalti olur, onların qapısına olmur? Çox müəmmalıdı, ona görə də təkrara baxmaq lazımdı. Belə oyunlarda bu cür səhvlər gərək olmasın”.
11-ci tur, Sumqayıt - Keşlə (3:1)
Əslində “Kapital Bank Arena”dakı qarşılaşmada Əliyar Ağayev işinin öhdəsindən gəldi. Ancaq laysman Rza Məmmədovun səhvi matça damğa vurdu. Belə ki, 45-ci dəqiqədə Elnur Abdullayevin asmasından sonra Nizami Hacıyev fərqlənəndə aşkar oyundankənar vəziyyətdə idi. Həmin epizodda yan xətt hakiminin bu cür ofsaydı qeydə almamasının səbəbini anlamaq çətindi. “Sumqayıt”ın baş məşqçisi Samir Abasov oyunsonrası mətbuat konfransında bu səhvə görə heyrətini gizlədə bilmədiyini dilə gətirdi: “Futbolçularım fasilədən sonra üstümə şığıdılar ki, bu necə ola bilər? Həmin oyunçulara necə cavab verim? Axı, bu necə ola bilər? Mən də məəttəl qalmışam. O qədər də yox da. Ötən tur "Neftçi" ilə oyunda Fərhadın son dəqiqələrdə buraxdığı qola çoxları deyirdi ki, təcrübəli qapıçıya yaraşmaz. Bu gün yan xətt hakiminin səhvi onun 10 qatı idi”
11-ci tur, Kəpəz – Qarabağ (0:2)
Fasilə ərəfəsində baş tutan turun bəlkə də ən biabırçı hakim idarəçiliyinə Gəncədə şahidlik etdik. FİFA referisi Rəhim Həsənov kobud səhvə yol verdi. 27-ci dəqiqədə "Kəpəz"in əks-hücumu zamanı Viktor Oseqeyl İbrahim Şehiçlə mübarizədə yerdə qaldı və epizodun təxminən 20 metrliyində olan referi əminliklə "nöqtə"ni göstərdi. Bu azmış kimi, qonaqların qapıçısını "sarı"yla cəzalandırdı. Lakin "Qarabağ"lıların etirazından, üstəgəl Viktorun hakimə yaxınlaşıb qaydanın pozulmadığını deməsindən sonra Rəhim qərarını dəyişdi. Halbuki qərarını dəyişmişdisə, özünü yerə atan Viktora simulyasiyaya görə sarı vərəqə göstərməliydi. Bütün bunlar HK sədrini bir daha gəncəli azarkeşlərin yadına saldı.
11-ci tur, Zirə - Neftçi (1:0)
Prinsipial oyunda da günah laysmanda idi. Belə ki, 4-cü uzatma dəqiqəsində Milan Duriç fərqlənərkən yan xətt hakiminin bayrağı havaya qalxdı. Ancaq həmin epizodda yarımmüdafiəçi oyundakənar vəziyyətdə deyildi.
Nəticə
Göründüyü kimi, premyer-liqanın 2-ci dövrəsinin 4 turu geridə qalsa da, 7 oyunda kobud hakim səhvinə rast gəlmək mümkündü. Özü də yanlış qərarları oyunun nəticəsinə təsir edənlər arasında hər cür statusa malik ədalət təmsilçisi var: FİFA referisi, təcrübəli, təcrübəsiz, laysman. Artıq klub rəsmiləri və baş məşqçilər də bu cür səhvlərdən sonra dilə gəliblər. Olmaya ilk dövrəni nisbətən sakit yola vermələri hakimlərdə arxayınlıq yaradıb? Bəlkə mübarizə qızışdıqca ədalət təmilçiləri özünü itirir? Hər halda, belə davam edə bilməz. Xaqani Məmmədov bu fasilədən istifadə edib, yetirmələrini başına yığmalı, onları “ayıltmalıdı”. Yoxsa səhvlər sıralansa, bunun fəsadları da böyük olacaq. ("Futbol plus" qəzeti)

* Xəbərə şərh yoxdur
Adınız
E-mail adresiniz
Şərhiniz
Rövnəq Abdullayevin Qurban Qurbanovun təyinatı haqda danışdığı - VİDEO
2017-11-03  // 8 Comments
Köşə yazıları
Amal Abuşov
“Qarabağ”ı gözləyən çətin sınaq
2018-02-20  // 0 Şərh
Amal Abuşov
Harda qalmışdıq?
2018-02-12  // 0 Şərh
Sorgu
Sizcə "Qarabağ" Avropa Liqasının qrupundan çıxa biləcək?
Bəli
En chox oxunanlar
"Xəzər Lənkəran"ın gələcəyi barədə rəsmi açıqlama: "Fəxri prezidentimiz əsas komandanı mütləq bərpa edəcəyini qeyd edib, ancaq..."
Rəşad Sadıqov istefa verdiyi komandanı oyuna çıxardı
"Şüvəlan" Premyer Liqaya qayıdır?
"Neftçi"nin bazası da saraldı - FOTOLAR
"Neftçi"nin sabiq prezidentini AFFA-ya yaxın buraxmadılar
Tahir Süleymanov "Neftçi"nin yeni təyinatlarından danışdı - YAZI
Kamran Quliyevə daha bir vəzifə verilə bilər
Ruslan Qurbanov Ayxan Abbasovdan üzr istədi, söyüş söyməsinin səbəbini açıqladı - FOTO
Ceyhun Sultanov yeni legionerlərlə bağlı çalışmalara başladı
Nişanlısını Sevgililər Günündə bu qızla aldatdı - FOTOLAR

Xəbər Lenti
23 Fevral 2018
18:00 "Sumqayıt"da Ceyhun Sultanovun vəzifəsi bu şəxsə tapşırıldı
17:40 Turu buraxan olmayacaq
17:20 Lider uduzdu, çempion xal itirdi
17:00 “Azərikimya” işi nəzarətə götürdü: SİS Gəncədə etdiyini Sumqayıtda edə bilməyəcək - ÖZƏL!
16:42 Anatoli Banişevskinin məzarı ziyarət edildi
16:20 Avropa Liqasında 1/8 finalın püşkü atıldı
15:44 Sumqayıtda cüdo üzrə şəhər birinciliyinə yekun vuruldu
15:20 Şəhriyar Məmmədyarov: “Çəkindiyim rəqib Maqnus Karlsendi”
15:00 Ayxan Abbasov millinin qapıçısını əvəzedici komandaya göndərdi
14:41 "Zaqatala" - "Mil-Muğan" 2:0 - VİDEO
14:21 “Neftçi” - “Zirə” oyunu 1 manata
14:00 Yunis Hüseynov 1 il vaxt istəyib
13:45 Donnarumma PSJ-ə keçir?
13:23 Ramos ən kobud futbolçudur
13:00 Almaniyada gələcəyin konkisürmə ulduzu sayılan 13 yaşlı Nərgiz Süleymanovanın atası: “Kanadalıya pul tapırlar, bizə yox”
12:42 "Azərbaycan millisi Moldovadan güclüdür"
12:20 Topaz Premyer Liqasında 17-ci turun bütün təyinatları
12:00 Rəşad Sadıqov: "Taksi sürücüsünə deyibmiş ki, Bakıdakı əşyalarını yığıb onu göndərsin"
11:48 “Qarabağ” keçmiş SSRİ-nin ən yaxşı 10 klubu arasında
11:22 Avroliqada gecənin qolları - VİDEOLAR
10:35 Anatoli Banişevskinin doğum günündən 72 il ötür
09:46 Millimizin üzvü ÇL-də qrupda qaldı
02:14 Avroliqada bütün 1/8 finalçılar bəlli oldu
22 Fevral 2018
23:50 Ölkə çempionatında 3-cü günün qalibləri
23:19 Gənc cüdoçulara medal və diplomlar təqdim olundu
22:00 Azərbaycan birinciliyinin açılış mərasimi keçirildi
21:38 Azərbaycan gimnastı Rusiyada qızıl medal qazanıb
21:00 "Binə" - "Xəzər" 1:0 - VİDEO
20:31 Birinci Divizion: Daha üç oyun üçün hakim təyinatları açıqlandı
20:00 “Ndlovu həmin qolla bütün Bakını ayağa qaldırmışdı”
19:33 17-ci turun hakim təyinatları
19:30 Premyer Liqada 17-ci turun hakimləri
19:15 17-ci turun hakim təyinatları açıqlandı
19:00 Bir oyun təxirə salındı
18:30 “Zirə”yə keçdi, millidən kənarda qaldı
18:00 Kamran Quliyevə daha bir vəzifə verilə bilər
17:46 Azərbaycanda oynamış futbolçuya ömürlük cəza
17:43 ÇL-də həftənin rəmzi komandası
17:22 “Zaqatala” ilk qələbəsini qazandı
17:00 Ruslan Qurbanov Ayxan Abbasovdan üzr istədi, söyüş söyməsinin səbəbini açıqladı - FOTO
16:40 Autizmli uşaqlar “Zirə”nin məşqində - FOTOLAR
16:21 ÇL-də həftənin ən yaxşı futbolçusu adına 4 namizəd
15:40 ÇL-də ən gözəl qola 5 namizəd
15:21 Ağatahir Əzimov: “Məhdud heyətdə istənilən itkinin yeri görünür”
15:00 Ceyhun Sultanov yeni legionerlərlə bağlı çalışmalara başladı
14:41 Gənc cüdoçuların ölkə birinciliyinə start verildi
14:20 Azərbaycan təmsilçisi reytinqdə 16-cıdı
14:00 "Neftçi"nin bazası da saraldı - FOTOLAR
13:42 Norveç idmançısı Qış Olimpiya Oyunlarında medal sayında rekordçu oldu
13:22 Ceko "Milan"In hədəfində
Bütün xəbərlər

Müəllif hüquqları qorunur.
Məlumatdan istifadə etdikdə istinad mütləqdir.
Müəlliflərlə redaksiyanın mövqeyi üst-üstə düşməyə bilər.