Argentina millisinin baş məşqçisi Lionel Skaloni Amerika kuboku ilə bağlı fikirlərini bölüşüb.

Rekord.az xəbər verir ki, növbəti turnir 2020-ci ildə Lionel Messinin vətənində keçiriləcək. Məhz həmin yarış Leo üçün sonuncu ola bilər. Amma Skaloni bu barədə düşünmək istəmədiyini bildirib:

“Ümidvaram ki, bu Leo üçün sonuncu turnir olmayacaq. Amma Argentina millisinə kubok daha vacibdir, nəinki Messi. Biz əlimizdən gələni edəcəyik ki, finala çıxaq”.

Argentina qrup mərhələsində Çili, Uruqvay, Avstraliya və Boliviya ilə qarşılaşacaq. Daha bir komanda isə yarışda xüsusi dəvət əsasında iştirak edəcək.