18 Oktyabr – Azərbaycan Respublikasının Dövlət Müstəqilliyinin Bərpası Günü və Ümummilli Lider Heydər Əliyevin anadan olmasının 100 illik yubileyinə həsr olunmuş “Best of city” şirkətinin mükafatlandırma mərasimi keçirilib.

Mərasimdə çoxsaylı media nümayəndələri, mədəniyyət sahəsində fəaliyyət göstərən şəxslər, iş adamları, idman təşkilatları və şirkət təmsilçiləri iştirak ediblər.

“İlin ən yaxşı idman klubu” nominasiyası üzrə qalib olan Arpaçay Karate Klubunun mükafatı tədbirdə iştirak edən Arpaçay Karate Klubunun rəhbəri, Əməkdar fəxri məşqçi Yavər Hüseynova təqdim edilib.