
“Arsenal”ın futbolçusu mövsümü erkən başa vurdu
- 03 Apr 2025 22:00
- 47
"Arsenal"ın müdafiəçisi Qabriel Maqalyayns zədə səbəbindən mövsümü erkən başa vurub.
Rekord.az klubun mətbuat xidmətinə istinadən xəbər verir ki, 27 yaşlı futbolçu Premyer Liqanın 30-cu turunda "Fulhem"lə keçirilən matçda dizindən ciddi zədə alıb.
Yaxın günlərdə əməliyyat olunacaq braziliyalı oyunçu yalnız gələn mövsüm "topçular"a kömək edə bilər.
Maqalyayns cari mövsümdə İngiltərə çempionatında 30 oyunun 28-də əsas heyətdə meydana çıxıb.