Azərbaycan Voleybol Federasiyası Regional İnkişaf Mərkəzinin rəhbəri, Avropa Voleybol Konfederasiyasının (CEV) Avrokuboklar Komissiyasının üzvü Nərgiz İsmayılova Qusar Olimpiya İdman Kompleksini ziyarət edib. "Rekord.az" xəbər verir ki, görüş CEV-in Regional İnkişaf Mərkəzlərinin xətti ilə uşaqlar arasında voleybolun inkişaf layihəsi çərçivəsində baş tutub.

Ziyarət zamanı federasiya rəsmisi şagirdlərə bu idman növü haqqında ətraflı məlumat verib, Azərbaycanda voleybolun inkişafından danışıb. N.İsmayılova burada uşaqlar arasında təşkil olunan (iki Qusar komandası və iki Bakı komandası) yoldaşlıq oyunlarını da izləyib.