Azərbaycan Voleybol Federasiyasının 8-10 yaşlı uşaqlar arasında voleybol idman növünün inkişaf etdirilməsi məqsədi ilə keçirdiyi məşqçi-müəllimlər üçün seminarlar davam edir. "Rekord.az" xəbər verir ki, seminar  AVF-nin Regional İnkişaf Mərkəzi və Təhsil Nazirliyinin birgə təşkilatçılığı

Fevralın 5-də start götürən seminar Bakı və Şəki şəhərlərindən sonra Yevlax rayonunda təşkil olunub. Burada keçirilən dərslərdə Yevlax, Ağdaş, Tərtər, Bərdə, Göyçay, Ağcabədi rayonlarından ümumilikdə 19 orta məktəb müəllimi iştirak edib.

AVF-nin Regional İnkişaf Mərkəzinin rəhbəri Nərgiz İsmayılova, 4 nömrəli Olimpiya Ehtiyatları məktəbinin dərs hissə müdiri Çingiz Səmədov iştirakçılara uğurlar arzulayıblar.

Daha sonra məşqçi-seleksioner Tatyana Korjova uşaqların voleybola cəlb olunması və azyaşlıların ilkin məşq prosesi haqqında məlumat verib.

Sonda seminarda iştirak edən məşqçi-müəllimlərə sertifikatlar və toplar təqdim olunub.