Bu gün futbol üzrə Avropa Liqasında 1/8 final mərhələsinin püşkatma mərasimi keçirilib.

Rekord.az xəbər verir ki, İsveçrənin Nyon şəhərində təşkil olunan mərasimə saat 16:00-da start verilib.

Qeyd edək ki, 1/8 final mərhələsinin 15 iştirakçısı məlumdu. Digər bir iştirakçı da bu gün keçiriləcək “Ayntraxt” – “Zalsbruq” matçından (ilk oyun 4:1) sonra bilinəcək.

1/8 final mərhələsinin ilk oyunları martın 12-də, cavab görüşləri martın 19-da keçiriləcək.

Avropa Liqası
1/8 final

Başakşəhər (Türkiyə) - Kopenhagen (Danimarka)
Olimpiakos (Yunanıstan) - Vulverhempton (İngiltərə)
Reyncers (Şotlandiya) - Bayer (Almaniya)
Volfsburq (Almaniya) - Şaxtyor (Donetsk, Ukrayna)
İnter (İtaliya) - Xetafe (İspaniya)
Sevilya (İspaniya) - Roma (İtaliya)
Ayntraxt (Almaniya)/Zalsburq (Avstriya) - Bazel (İsveçrə)
LASK (Avstriya) - Mançester Yunayted (İngiltərə)