Azərbaycan boksçusu Murad Allahverdiyev Polşada keçirilən 3-cü Avropa Oyunlarına qələbə ilə başlayıb.

Rekord.az xəbər verir ki, 80 kq çəkidə mübarizə aparan yığma üzvü 1/16 final çərçivəsində Kevin Şumannla (Almaniya) qarşılaşıb.

Döyüş Allahverdiyevin qələbəsi ilə yekunlaşıb. İlk 2 raundu aktivinə yazan boksçumuz 3-cü hissədə tam üstünlüklə qalib gəlib. O, 1/8 final döyüşünə iyunun 26-da çıxacaq.

Digər boksçularımızdan Alfonso Dominqes (92 kq) Yan Zakla (İsrail) münasibətinə aydınlıq gətirib və startdaca uduzub. Zeynəb Rəhimova (54 kq) da Lenuta Periyoçla (Rumıniya) mübarizədə eyni aqibəti yaşayıb.