Kişi voleybolçular arasında Yüksək Liqada növbəti oyunlar keçirilib. "Rekord.az" xəbər verir ki, çempionatın VIII turunun iki qarşılaşması yanvarın 29-da, biri isə dünən baş tutub.
GİN-in voleybol Mərkəzində ilk olaraq MOİK klubu “Neftçi”lə, daha sonra isə “Murov Az Terminal” komandası “Gənclər”lə üz-üzə gəlib. Hər iki oyunda 3:0 hesabı qeydə alınıb. “Neftçi” MOİK-i, “Murov Az Terminal” isə “Gənclər” komandasını quru hesabla məğlub edib.
Turun son oyununda isə “AZERRAIL” klubu “Xilasedici”yə 3:1 hesabı ilə qalib gəlib.

Yüksək Liqa
VIII tur
MOİK - “Neftçi” 0:3 (14:25, 13:25, 14:25)
“Murov Az Terminal” - “Gənclər” 3:0 (25:16, 25:15, 25:17)
“AZERRAIL” - “Xilasedici” 3:1 (25:21, 20:25, 25:23, 25:22)