Azərbaycanın bədii gimnastı Zöhrə Ağamirova Çinin Çendu şəhərində keçirilən XXXI Ümumdünya Yay Universiadasında daha iki medal qazanıb.

Rekord.az xəbər verir ki, idmançımız növbəti cəhdindən gürzlər ilə hərəkətlərdə uğurlu çıxış edib.

Ağamirova 30.850 xal toplayaraq gümüş medala layiq görülüb.

Zöhrə lentlə hərəkətlərdə də fəxri kürsüyə qalxıb. Ağamirova 29.150 xalla bürünc medal əldə edib.

Xatırladaq ki, bədii gimnast daha öncə halqa ilə hərəkətlərdə uğurlu çıxış etmişdi. Finalda 31.800 xal toplayan Ağamirova gümüş medal əldə etmişdi.