Azərbaycanın 16 və 18 yaşadək oğlan basketbolçulardan ibarət milliləri Gürcüstanın paytaxtı Tbilisidə təlim-məşq toplanışının ikinci mərhələsinə start veriblər.

Rekord.az xəbər verir ki, hazırlıq prosesi çərçivəsində U-16 millimiz artıq bir yoxlama oyunu da keçirib. Komanda "A" divizionunda çıxış edən Gürcüstan U-16 seçməsinə 58-40 hesabı ilə qalib gəlib.

Təlim-məşq toplanışının ikinci mərhələsi 23 iyuna qədər davam edəcək. U-16 yığmamız iyulun 9-14-də Albaniyanın paytaxtı Tiranada, U-18 millisi isə iyulun 23-28-i aralığında Elbasan şəhərində keçiriləcək Avropa çempionatının C Divizionunun oyunlarında iştirak edəcək.