Azərbaycanda ilk dəfə olaraq  qar voleybolu üzrə ölkə çempionatı keçiriləcək. "Rekord.az" xəbər verir ki, oyunlar Şahdağ Turizm Mərkəzində baş tutacaq.

Azərbaycan Voleybol Federasiyasının təşkil etdiyi yarış 25-26 yanvar tarixlərində keçiriləcək. Çempionatda 4 qadın (“AZERRAIL”, “Murov Az Terminal”, “Gəncə”, U-21), 4 kişi (“AZERRAIL”, “Murov Az Terminal”, “Gənclər”, U-21) komandası iştirak edəcək.

Yarışın ilk günündə oyunlar dairəvi sistem üzrə keçiriləcək. Toplanacaq yekun xallara görə ilk iki pillənin sahibləri çempionluq, 3-cü və 4-cü yeri tutacaq komandalar isə üçüncülük uğrunda oynamaq imkanı qazanacaqlar. Final və üçüncü yer uğrunda qarşılaşmalar yanvarın 26-da baş tutacaq. Daha sonra qaliblərin mükafatlandırma mərasimi olacaq.