Beynəlxalq dərəcəli hakimimiz Eldar Zülfüqarov Avropa Voleybol Konfederasiyası tərəfindən növbəti dəfə təyinat alıb. "Rekord.az" xəbər verir ki, E.Zülfüqarov kişi voleybolçular arasında Çempionlar Liqasında meydana çıxacaq.
O, turnirdə E qrupunda yer alan “Levski SOFIA” (Bolqarıstan) və “CHAUMONT VB 52” (Fransa) komandalarının qarşılaşmasında birinci hakim olacaq. Görüşün ikinci hakimi lixtenşteynli Aleksander Sikanjicdir. Bolqarıstanın paytaxtı Sofiya şəhərində keçiriləcək oyun bu gün yerli vaxtla saat 20:00-da başlayacaq.