Qadın voleybolçulardan ibarət "Azərreyl" klubu avrokubokda növbəti mərhələyə yüksəlib. "Rekord.az" xəbər verir ki, "Challenge Cup"da mübarizə aparan komandamız 1/32 finalda Slovakiyanın "Slavia" klubu ilə qarşılaşıb.

İlk görüşdə rəqibinə 3:1 hesabı ilə qalib gələn "Azərreyl" cavab matçında da eyni uğuru təkrarlayıb. Voleybolçularımız slovakiyalıların daha ciddi müqaviməti ilə üzləşsələr də rəqibə bu dəfə bir set də verməyiblər. 
Bununla da hər iki görüşdə qələbə qazanan "Azərreyl" 1/16 finala vəsiqə qazanıb. Bu mərhələdə komandamızın rəqibi Almaniyanın "VfB Suhl Thüringen" klubu olacaq. Cütün ilk qarşılaşması dekabrın 20-də Almaniyada keçiriləcək.

Challenge Cup
1/32 final, cavab oyunu
   "Slavia" (Slovakiya) - "Azərreyl" (Azərbaycan) 0:3 (24:26, 14:25, 21:25)