"Barselona" Kumanı göndərməyəcək
- 2021-09-20 17:15
- 423
“Barselona”nın vitse-prezidenti Eduard Romeu komandanın baş məşqçisi Ronald Kumanın gələcəyi ilə bağlı açıqlama verib.
Rekord.az xəbər verir ki, Romeu niderlandlı mütəxəssisin istefaya göndərilməsinin düzgün olmayacağını bildirib:
“Klubun İdarə Heyəti Kumanın məsələsini hələ müzakirə etməyib. Ən çətin vaxtlarımızda rəqiblərimiz də güclüdür.
Kumanı göndərmək geriyə addım atmaq olar. Onun göndərilməsi məntiqsizdir”.
“Barselona” La Liqada 7-ci sıradadır. Kataloniya təmsilçisi Çempionlar Liqasının qrup mərhələsinin ilk turunda “Bavariya"ya uduzub – 0:3.