“Barselona”nın yarımmüdafiəçisi Mark Bernal La Liqada “Rayo Valyekano” ilə son matçda (2:1) ciddi zədə alıb.

Rekord.az xəbər verir ki, Kataloniya klubu 17 yaşlı futbolçunun diaqnozunun nəticəsini açıqlayan press-reliz yayıb.

“Çərşənbə günü aparılan testlər göstərdi ki, Bernalın sol dizində ön çarpaz bağ yırtılıb və onu müşayiət edən meniskin zədəsi var” – bəyanatda deyilir.

Mark Bernal yaxın günlərdə əməliyyat olunacaq.

La Liqada mövsümün ilk üç oyununda “Barselona” 9 xal toplayıb.