Belarus milli komandasının Tacikistan (20 mart) və Azərbaycan (25 mart) yığmaları ilə keçirəcəkləri yoldaşlıq oyunları üçün yekun heyəti açıqlanıb.

Rekord.az xəbər verir ki, millinin baş məşqçisi Karlos Alos yekun siyahıya 24 futbolçu daxil edib:

Qapıçılar: Pavel Pavlyuçenko (“Vitebsk”), Fyodor Lapouxov (ÇSKA, Bolqarıstan), Maksim Belov (“Neman”);

Müdafiəçilər: Sergey Politeviç (“Torpedo-BelAZ”, Rusiya), Kirill Peçenin (“Krılya Sovetov”, Rusiya), Yuri Kovalev (“Baltika”, Rusiya), Pavel Zabelin (“Sokol”, Rusiya), Aleksey Qavriloviç, Vadim Piqas (hər ikisi “Dinamo” (Minsk), Yeqor Parxomenko (“Neman”), Dmitri Prişişepa (“Rotor”, Rusiya), Maksim Kasarab (“Dinamo”Brest);

Yarımmüdafiəçilər: Maks Ebonq (“Astana”, Qazaxıstan), Yevgeni Yablonskiy (“Asteras”, Yunanıstan), Valeri Qromiko (“Kayrat”, Qazaxıstan), Valeri Boçerov (“Ufa”, Rusiya), Artyom Kontsevoy (“Rodina”, Rusiya), Pavel Sedko (“Torpedo-BelAZ”), Nikita Demçenko (“Dinamo”, Rusiya), kiril Zinoviç (“Dinamo” Mahaçqala);

Hücumçular: Vitali Lisakoviç (“Baltika”, Rusiya), Artyom Şumanski (ÇSKA, Rusiya), German Barkovski (“Puşça”, Polşa), Trofim Melniçenko (“Portu B”, Portuqaliya).

Azərbaycan – Belarus oyunu Masazırdakı “Bank Republika Arena” stadionunda keçiriləcək və saat 21:45-də başlayacaq.