“Qarabağ”ın futbolçusu Yassin Benzya Əlcəzair milli komandasının heyətində növbəti oyuna çıxıb.

Rekord.az xəbər verir ki, 30 yaşlı yarımmüdafiəçi Afrika Millətlər kubokunun seçmə mərhələsində Ekvatorial Qvineya komandasına qarşı matçın iştirakçısı olub. 

0:0 hesabı ilə yekunlaşan görüşdə Benzya ehtiyat oyunçular skamyasında yer alıb. O, 70-ci dəqiqədə meydana daxil olub.

Bu oyundakı heç-heçə Əlcəzairin öz qrupunda 5-ci matçda ilk xal itkisi olub. Buna baxmayaraq, hazırda komanda 13 xalla liderliyini qoruyur. Ekvatorial Qvineya 5 oyundan 8 xalla 2-ci, Liberiya 4 xalla 3-cü, Toqo 2 xalla sonuncu - 4-cü yeri tutur.