“Yuventus” Çempionlar Liqasının qrup mərhələsinin sonuncu turunda “Bayer”i məğlub edib – 2:0.

Rekord.az xarici mətbuata istinadən xəbər verir ki, sözügedən qarşılaşma Turin təmsilçisinin qapıçısı Canluici Buffon üçün əlamətdar olub. 

Belə ki, 41 yaşlı qolkiper Çempionlar Liqasında 51-ci “quru oyun”unu keçirib. O, bu göstəricidə “Mançester Yunayted”in sabiq qapıçısı Edvin Van der Sarı geridə qoyub. Niderlandlı futbolçu ÇL-də 50 “quru oyun” keçirib.

Buffon ən çox “quru oyun” sayında yalnız İker Kasilyasdan geri qalır. İspan qapıçı ÇL-də 57 oyunda “çərçivə”ni toxunulmaz saxlayıb.