“Çelsi”nin sabiq futbolçusu David Luiz yeni komandaya keçib.

Rekord.az klubun mətbuat xidmətinə istinadən xəbər verir ki, təcrübəli futbolçu “Fortaleza Esporte”nin (Braziliya) sıralarına qoşulub.

37 yaşlı müdafiəçi ilə 2026-cı ilin sonuna kimi olan müqavilə imzalanıb. Müqaviləyə əməkdaşlığın bir mövsüm uzadılması variantı daxildir. O, yeni komandasına azad agent kimi qoşulub.

Luizin əvvəlki iş yeri “Flamenqo” olub. O, ötən mövsüm Braziliya çempionatında 23 oyuna çıxıb və 3 qol vurub.

Braziliyalı müdafiəçi Avropada PSJ, “Çelsi”, “Arsenal” və “Benfika”dakı çıxışı ilə tanınır.