![photo](https://rekord.az/uploads/5/qurbanov-4-600x300.jpg)
ÇL: “Qarabağ” - “Linkoln” matçından öncə açıq məşqlərin vaxtı açıqlandı
- 2024-07-27 18:00
- 205
UEFA Çempionlar Liqasının 2-ci təsnifat mərhələsinin cavab oyunları çərçivəsində keçiriləcək "Qarabağ" - "Linkoln” (Cəbəllütariq) matçından öncə təşkil ediləcək mətbuat konfransları və media nümayəndələri üçün açıq məşqlərin vaxtları məlum olub.
Rekord.az xəbər verir ki, “Qarabağ”ın baş məşqçisi Qurban Qurbanovun mətbuat konfransı iyulun 28-i saat 18:15-də Tofiq Bəhramov adına Respublika stadionunda baş tutacaq.
18:45-də media nümayəndələri üçün açıq məşq (İlk 15 dəqiqə) keçiriləcək.
Qonaq komandanın açıq məşqi iyulun 29-u saat 19:00-da, baş məşqçi Xavyer Munyosun mətbuat konfransı isə 18:15-də Tofiq Bəhramov adına Respublika stadionunda reallaşacaq.
İyulun 30-da keçiriləcək “Qarabağ” – “Linkoln” görüşü saat 20:00-da başlayacaq.