Azərbaycanın cüdo yığması qarşıdakı beynəlxalq turnirlərə hazırlıq məqsədilə yeni təlim-məşq toplanışına başlayıb.

Rekord.az xəbər verir ki, Şamaxı Olimpiya İdman Kompleksində təşkil olunmuş hazırlıq prosesinə iyulun 3-də start verilib.

Hazırlığın ilk mərhələsi 14 gün davam edəcək. Toplanışda Azərbaycanın böyüklərdən və gənclərdən ibarət milli komandasının 43 üzvü iştirak edir.

Qeyd edək ki, bu toplanış iyulun 24-dən 30-dək Slovakiyada təşkil olunacaq Avropa Gənclər Olimpiya Festivalına, 9-18 avqustda Türkiyənin Konya şəhərində keçiriləcək İslam Həmrəyliyi Oyunlarına, eləcə də 10-13 avqustda Ekvadorda təşkil olunacaq gənclər arasında Dünya Çempionatına hazırlıq məqsədi daşıyır.