Albaniyanın Dürres şəhərində keçirilən yeniyetmələr arasında ağır atletika üzrə dünya birinciliyi davam edir.

Rekord.az xəbər verir ki, 60-dan çox ölkədən 322 (166 kişi + 156 qadın) atletin qatıldığı yarışda Azərbaycan atletləri də qüvvələrini sınayırlar.

Bu gün körpücük üzərinə Turan Əliyev çıxıb. O, 67 kq çəki dərəcəsinin B qrupunda mübarizə aparıb. Atletimiz birdən qaldırma hərəkətində 110 kq, təkanla qaldırma hərəkətində isə 131 kq-ı ram edib.

Toplam 241 kq (110+131) nəticə göstərən Turan Əliyev bu qrupda 1-ci yeri tutub. Atletimiz yekun sıralamada 9-cu pillədə qərarlaşıb.

Daha öncə Dəniz Cabbarlı (55 kq) 7-ci yerlə kifayətlənmişdi.