Azərbaycan millisinin yarımmüdafiəçisi Coşqun Diniyevin formasını geyindiyi Türkiyənin “Çorum” klubunun rəhbərliyi baş məşqçi Tuncay Şanlını istefaya göndərib.

Rekord.az xəbər verir ki, bu, komandanın “Ankaragücü”nə məğlubiyyətdən (0:1) sonra baş verib.

Diniyev bu görüşün ilk hissəsində meydanda olub və fasilədə əvəzlənib. Oyundan sonra rəhbərlik uğursuz nəticələrə görə Şanlı ilə yollarını ayırıb.

“Çorum” Türkiyə birinci liqasında 51 xalla 13-cü pillədə qərarlaşıb.