Futbol üzrə Latviya çempionatında mövsümə yekun vurulub.

Rekord.az xəbər verir ki, azərbaycanlı futbolçu Vüqar Əsgərovun formasını geyindiyi “Liepaya” da sonuncu matçına çıxıb.

Sözügedən kollektiv 36-cı tur çərçivəsində səfərdə “Ventspils”lə üz-üzə gəlib. Futbolçumuzun komandası bu oyundan qələbə ilə ayrılıb – 1:0.

Vüqar da bu matçın iştirakçısı olub. O, start heyətdə meydana çıxıb və 70-ci dəqiqədə əvəzlənib. 

“Liepaya” mövsümü 39 xalla 9 komanda arasında 6-cı pillədə başa vurub. Vüqar isə geridə qalan mövsümdə 8 qolla yadda qalıb.