“İdman federasiyalarının optimallaşdırılması prosesi davam edir”.

Rekord.az xəbər verir ki, bunu gənclər və idman naziri Fərid Qayıbov ötən ay akkreditasiyası təsdiqlənən və statusu dayandırılan federasiyalar barədə öz qeydində yazıb.

Nazir bildirib ki, iyunda daha 9 federasiya ilə bağlı məsələyə baxılıb: "Onlardan 6-sının akkreditasiyası təsdiqləndi, 3-nün isə statusu dayandırılıb. Bununla da bir neçə aydır nazirliyin nəzdində fəaliyyət göstərən xüsusi komissiyanın təqdimatına əsasən, statusu təsdiqlənmiş federasiyaların sayı 26-ya çatıb. Ümumilikdə, 25 federasiyanın isə statusu dayandırılıb. Yekunda daha ideal və uğurlu idman sistemi qura biləcəyik".