Fransanın “Sent-Etyen” klubu daha iki futbolçusu ilə müqavilə müddətini uzadıb.

Rekord.az xəbər verir ki, bu barədə Liqa 1 təmsilçisinin rəsmi saytı məlumat yayıb.

Yeni müqavilə imzalayan futbolçulardan biri Mahdi Kamaradı. 21 yaşlı yarımmüdafiəçi ilə yeni müqavilənin müddəti 2024-cü ilə qədər uzadılıb. Fransalı futbolçu “Sent-Etyen”in öz yetirməsidi.

Hücumçu Şarl Abi də klubla müqaviləsini 2024-cü ilin yayına kimi artırıb. “Klermon”un futbol akademiyasının yetirməsi olan 20 yaşlı futbolçu 2015-ci ildən “Sent-Etyen”də çıxış edir.

Bir neçə gün öncə “Sent-Etyen” Uesli Fofana ilə də müqavilə yeniləmişdi.