Gəncıdı "Heydər Əliyev İli" çərçivəsində Savat İdman növü üzrə açıq kubok yarışı keçirilib

Rekord.az xəbər verir ki, Gəncə Şəhər Gənclər və İdman Baş İdarəsinin, Azərbaycan Savat Federasiyası, Gəncə Savat İdman Klubu və YAP Kəlbəcər Rayon Təşkilatının birgə təşkilatçılığı ilə 20-21 May tarixlərində baş tutan ULU ÖNDƏR Heydər Əliyevin 100 illik xatirəsinə həsr olunmuş Heydər Əliyev Kuboku sona çatıb .

Tədbirdə Gəncə Şəhər Gənclər və İdman Baş İdarəsinin rəisi Həmid Nəsirov, Azərbaycan Savat Federasiyasının Prezidenti Cənab Rafiq Əliyev, YAP Kəlbəcər rayon təşkilatının sədri Həbib Misirov, Gəncə Olimpiya Komitəsinin, Fəxri Qonaq qismində isə Gəncə və Kəlbəcər rayonuna məxsus bir çox dövlət idarə və təşkilat rəhbərlərinin iştirakı ilə ölkə bütövlüyü uğrunda canından keçən şəhid ailələrinin, qazilərin müşahidə etdiyi turnirin açılış mərasimində Azərbaycan Respublikasının Dövlət himni səsləndirilib, Ölkə bütövlüyü uğrunda canından keçən şəhidlərin xatirəsi 1 dəqiqəlik sükut ilə yad edilib.

Daha sonrasında isə fəxri qonaqların öz növbələrində etdiyi çıxışlardan sonra ölkənin bütün regionlarından qatılan 300-ə yaxın idmançı öz güclərini sınayıb.

Sonda mükafat qazanan idmançılara və komandalara medal, diplom və kuboklar təqdim olunub.