Çimərlik voleybolu üzrə komandalarımız Serbiyanın Zlatibor şəhərində 15 yaşa qədər oğlanlar və qızlar arasında keçiriləcək Gimnaziyada iştirak edəcəklər. "Rekord.az" xəbər verir ki, təmsilçilərimiz bu gün yarışın təşkil olunduğu şəhərə yola düşüblər.

4-14 aprel tarixlərində baş tutacaq Gimnaziyadada bir qız və bir oğlan komandamız mübarizə aparacaq. Qızlarımız Nihad Tarverdiyevin, oğlanlar isə Cəlil Baxtiozinin rəhbərliyi ilə yarışacaqlar. 

Qeyd edək ki, hakim Rüstəm Cəfərov Gimnaziyadada qarşılaşmaları idarə edəcək.