Hacıqabul Rayon Gənclər və İdman İdarəsi tərəfindən "Heydər Əliyev İli" çərçivəsində fevralın 18-19-da Hacıqabul şəhər 10 saylı məktəbin idman zalında taekvando üzrə Hacıqabul şəhər açıq birinciliyi keçirilib.

Rekord.az xəbər verir ki, şəhər birinciliyinin keçirilməsində əsas məqsəd uşaq və yeniyetmə idmançılar arasında təcrübə mübadiləsi, dostluq əlaqələrinin inkişafı və sağlam həyat tərzinin təbliğidir.

Şəhər birinciliyində Hacıqabul, Şirvan, Saatlı və Göyçay komdalarını təmsil edən oğlan və qızlar iştirak edib. Şəhər birinciliyində uşaq, yeniyetmə və gənc taekvondoçular mübarizə aparıb. Qalib gəlmiş idmançılar diplom və medallarla təltif edilib.