Hakimi döyən məşqçiyə 12 aylıq cəza
- 26 Noy 2019 17:40
- 906
Bu gün AFFA İntizam Komitəsinin növbəti iclası keçirilib.
Rekord.az xəbər verir ki, aparılan müzakirələrdən sonra aşağıdakı qərarlar çıxarılıb:
UGYTŞ-nın Siyəzən region üzrə U-13 və U-14 liqalarında “Şahdağ” klubunun iştirakı ilə keçirilmiş oyunlarda komandanın heyətində Sahil Əlimovun əvəzinə qardaşı Balamirzə Əlimovun iştirak etməsi aşkarlanıb. Bu səbəbdəndə futbolçunun iştirak etdiyi bütün matçlara 0:3 hesablı texniki məğlubiyyət verilib.
Region Liqasının “Şıxlar”(Qobustan) – “Ümid”(Cəlilabad) matçının 90+3-cü dəqiqəsində “Şıxlar”ın futbolçusu Rövşən Heydərov ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun 90+3-cü dəqiqəsində “Ümid”in futbolçusu Sərxan Camalzadə aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.
Region Liqasının “Ərkivan” – “Alyans” matçının 83-cü dəqiqəsində “Ərkivan”ın futbolçusu Telman Sağıyev aqressiv davranışa - hakimi vurmağa cəhd göstərdiyinə və hakimlərin ünvanına təhqiramiz ifadələr işlətdiyinə görə meydandan kənarlaşdırıldığı üçün 5 oyun cəzalanıb. Oyun başa çatdıqdan sonra “Ərkivan”ın futbolçusu Hilal Məmmədov hakimə qarşı təhqiredici ifadələr işlətdiyinə görə 4 oyun cəzalanıb.
Region Liqasının “İmişli” – “Mil” matçında “İmişli” komandası təyin olunan vaxtda meydanda olmadığına görə kluba 0:3 hesablı texniki məğlubiyyət verilib.
Region Liqasının “Babək” – “Batabat” matçının 85-ci dəqiqəsində “Babək”in futbolçusu Vüsal Qurbanov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Region Liqasının “Arpaçay” – “Kəngərli” matçının 79-cu dəqiqəsində “Kəngərli”nin baş məşqçisi Fuad Həsənov hakimlər briqadasına qarşı təhqiredici ifadələr işlətdiyinə görə 5 oyun cəzalanıb.
Region Liqasının Naxçıvan Dövlət Universiteti – “Sədərək” matçının 55-ci dəqiqəsində “Sədərək”in futbolçusu Kamran Quliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun 59-cu dəqiqəsində “Sədərək”in futbolçusu Yusif Fərzəliyev hakimə qarşı təhqiredici ifadələr işlətdiyinə görə 4 oyun cəzalanıb.
Gənclər Liqasının “Sabah” – “Qarabağ” matçının 65-ci dəqiqəsində “Qarabağ”ın futbolçusu Cahid Vəliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun 65-ci dəqiqəsində “Qarabağ”ın baş məşqçisi Samir Musayev hakimə qarşı təhqiredici ifadələr işlətdiyinə görə 5 oyun cəzalanıb.
U-17 Liqasının “Qarabağ” – “Neftçi” matçının 90+4-cü dəqiqəsində “Neftçi”nin futbolçusu Fariz Xeyrullayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-16 Liqasının “Neftçi” İK İB – “Qəbələ” matçının 69-cu dəqiqəsində “Neftçi” İK İB klubunun futbolçusu Süleyman Babaşov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-14 Liqasının “Zirvə” (Xırdalan) – İOEUGİM (Sumqayıt) matçında İOEUGİM (Sumqayıt) komandası təyin olunan vaxtda meydanda olmadığına görə kluba 0:3 hesablı texniki məğlubiyyət verilib.
U-12 Liqasının “Ağsu” – “Təhsil” (Saatlı) matçının 21-ci dəqiqəsində “Təhsil”in futbolçusu İsmayıl Səmədov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. “Təhsil” klubunun məşqçisi Mənəf Məmmədov hakimə qarşı təhqiredici ifadələr işlətdiyinə və fiziki təzyiq göstərdiyinə görə 12 ay yarışlardan kənarlaşdırılıb.
U-12 Liqasının “Gəncə” TİM – “Sarvan” (Samux) matçının 32-ci dəqiqəsində “Sarvan”ın futbolçusu Tofiq Həsənov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-10 Liqasının “Gəncə” TİM – UGİM Gənclərbirliyi matçında UGİM Gənclərbirliyi komandası təyin olunan vaxtda meydanda olmadığına görə kluba 0:3 hesablı texniki məğlubiyyət verilib.
U-16 Qızlar Liqasının “Üçgün” (Xaçmaz) – “8 №-li RİOEUGİM” (Bakı) matçının 71-ci dəqiqəsində “Üçgün”ün futbolçusu Nərmin Hacıbalayev aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. Oyunun 71-ci dəqiqəsində “8 №-li RİOEUGİM”-in futbolçusu Fatimə Əhmədli aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.
U-13 Qızlar Liqasının “Marxal” (Şəki) – “Balakən” matçında “Marxal” komandası təyin olunan vaxtda meydanda olmadığına görə kluba 0:3 hesablı texniki məğlubiyyət verilib.
U-13 Qızlar Liqasının “Aran” FK (Ağcabədi) – “Mələklər” (Lənkəran) matçında “Mələklər” komandası təyin olunan vaxtda meydanda olmadığına görə kluba 0:3 hesablı texniki məğlubiyyət verilib.
U-13 Qızlar Liqasının “8 №-li RİOEUGİM” – “Fidan” (Bakı) matçının 36-cı dəqiqəsində “Fidan”ın futbolçusu Nərgiz Müzəffərli ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
U-13 Qızlar Liqasının “Şollar” (Xaçmaz) – “Xırdalan City” (Bakı) matçının 49-cu dəqiqəsində “Şollar”ın futbolçusu Aliyə Qəmbərova qırmızı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə İkinci Liqanın “Emin Spor” – “Baker Hughes” matçında “Emin Spor” komandası təyin olunan vaxtda meydanda olmadığına görə kluba 0:5 hesablı texniki məğlubiyyət verilib.
Futzal üzrə Birinci Liqanın “Yasamal İSK-2” – “Xızı Futzal” matçının 25-ci dəqiqəsində “Yasamal İSK-2” klubunun futbolçusu Elşən Veysov təhqiredici ifadələr işlətdiyinə görə 3 oyun cəzalanıb. Oyunun 28-ci dəqiqəsində “Xızı Futzal”ın futbolçusu Vüsal Heybətov ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun 30-cu dəqiqəsində “Xızı Futzal”ın futbolçusu Bəxtiyar Baxışov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə İkinci Liqanın “Zülfüqar” – NTD matçının 23-cü dəqiqəsində NTD-nin futbolçusu Cəfər Cəfərov ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun 26-cı dəqiqəsində “Zülfüqar”ın futbolçusu Elmir Məmmədov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə Birinci Liqada “Baku Fire 2” – AZMİU matçının 29-cu dəqiqəsində AZMİU-nun futbolçusu Fərid Əhmədov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə İkinci Liqanın “Timsport” – “Təbriz” matçının 26-cı dəqiqəsində “Timsport”un futbolçusu Fərid Quliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə İkinci Liqanın “Hövsan” – “Altay” matçının 3-cü dəqiqəsində “Hövsan”ın futbolçusu Ruslan Hüseynovun sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə İkinci Liqanın “Bədr FK Xocalı” – “Star Karqo-2” matçının 26-cı dəqiqəsində “Bədr FK Xocalı”nın futbolçusu Orxan Kərimov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb. Oyunun 30-cu dəqiqəsində “Bədr FK Xocalı”nın futbolçusu Ceyhun Mürşülü sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.
Futzal üzrə İkinci Liqanın “Bakiu Fire 3” – “Baker Tilly” matçının 7-ci dəqiqəsində “Baker Tilly” klubunun futbolçusu Vüqar Həsənov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.
