Azərbaycanın kişi voleybolçulardan ibarət millisi İslamiadaya qələbə ilə başlayıb. "Rekrod.az" xəbər verir ki, komandamız ilk qarşılaşmasında Sudanı çətinlik çəkmədən quru hesabla məğlub edib. 

Görüşdən sonra federasiyanın mətbuat xidməti ilə fikirlərini bölüşən yığmamızın blokçusu Ramazan Ağabəyov əsas məqsədin yarışın mükafatçıları sırasına düşmək olduğunu bildirib: "İslamiadaya inamlı qələbə ilə başladıq. İlk matçda set vermədən qalib gəldik. Düşünürəm ki, Sudan komandasına qarşı daha yaxşı oyun göstərə bilərdik. Çalışmalıyıq ki, növbəti görüşlərdə az səhv edək və uğurlu seriyanı davam etdirək. Hədəfimiz qrup mərhələsini keçmək və mükafatçılar sırasında yer almaqdır. Komandamıza uğurlar arzu edirəm".