Yevlax Şəhər Gənclər və İdman İdarəsinin təşkilatçılığı ilə 18 mart 2023-cü il tarixdə “Heydər Əliyev İli”nə həsr olunmuş yüngül atletika idman növü üzrə rayon birinciliyi keçirilib.

Rekord.az xəbər verir ki, yarışın keçirilməsində əsas məqsəd yüngül atletika idman növünün inkişaf etdirilməsi, yeniyetmə və gənclərin bu idman növünə cəlb edilməsindən ibarətdir.

Yarış yüngül atletikanın - estafet, 100 metr (maneəsiz) məsafələrə qaçış, dartınma və uzunluğa tullanma növləri üzrə 2006-2010-cu il, 2011-2015-ci il yaş aralığında olan yeniyetmə və gənc oğlanlar arasında təşkil olunub.

Yarışda fərqlənənlər müvafiq yerlərin sahibi olaraq Gənclər və İdman İdarəsi tərəfindən diplomlarla təltif olunublar.