Azərbaycan Voleybol Federasiyası Ulu Öndər Heydər Əliyevin anadan olmasının 100 illiyinə həsr olunan “Heydər Əliyev kuboku” təşkil edir. "Rekord.az" xəbər verir ki, aprelin 25-də start götürəcək yarışda həm qadın, həm də kişi voleybolçular mübarizə aparacaq.

Qadınların yarışında I Liqada ilk dörd pilləni tutmuş üç komanda – “Ryuga”, Murov-2”, “Xarı bülbül Şuşa” və Yüksək Liqada çıxış edən UNEC, “Azərreyl”, “Abşeron”, “Murov” komandaları yarışacaq.

Kişilərin yarışında isə I Liqada ilk dörd pilləni tutmuş üç komanda – “Təhsil”, “Express”, “Xarı bülbül-2 Şuşa” və Yüksək Liqada çıxış edən MOİK, “Murov”, “Neftçi”, “Xarı bülbül Şuşa” komandaları mübarizə aparacaqlar
 
Turnir 4 gün davam edəcək. Oyunlar olimpiya sistemi ilə keçiriləcək və məğlub komandalar mübarizəni dayandıracaqlar. Qaliblər yarımfinalda üz-üzə gələcəklər. Aprelin 28-də isə kubokun final görüşləri baş tutacaq. 
 
Qarşılaşmalar Azərbaycan Voleybol Federasiyasının idman zalında, “Murov” klubunun idman zallarında və Voleybol Mərkəzində təşkil olunacaq.
 
Oyunların cədvəli
25.04.2023
Qadınlar
14:00 “Ryuga” - “Abşeron”
15:30 Kubokun AÇILIŞ mərasimi
16:00 “Murov-2” - “Azərreyl”
18:00 “Xarı bülbül Şuşa” - UNEC
(Oyunlardan sonra yarımfinalın püşkatması)
Məkan: Azərbaycan Voleybol Federasiyasının idman zalı
 
25.04.2023
Kişilər
14:00 “Express” - “Xarı bülbül Şuşa”
15:30 Kubokun AÇILIŞ mərasimi
16:00 “Xarı bülbül-2 Şuşa” - “Murov”
18:00 “Təhsil” - MOİK
(Oyunlardan sonra yarımfinalın püşkatması)
Məkan: “Murov” voleybol klubunun idman zalı
 
26.04.2023
Yarımfinal (qadınlar)
14:00 Birinci oyun
16:00 İkinci oyun
Məkan: Voleybol Mərkəzi
 
27.04.2023
Yarımfinal (kişilər)
16:00 Birinci oyun
18:00 İkinci oyun
Məkan: Voleybol Mərkəzi
 
28.04.2023
14:00 Final (qadınlar) (CBC SPORT-canlı)
16:00 Final (kişilər) (CBC SPORT-canlı)
 
Oyunlardan sonra turnirin bağlanış mərasimi
Məkan: Voleybol Mərkəzi