Qadın voleybolçulardan ibarət Azərbaycan millisinin üzvü Nikalina Başnakova Macarıstan çempionatında növbəti mərhələyə adlayıb. "Rekord.az" xəbər verir ki, hücumçumuzun formasını geyindiyi "Szent Benedek" 1/4 finalın son matçını keçirib.

Voelybolçumuzun komandasının bu mərhələdəki rəqibi "UTE" klubu olub. İlk iki oyunda quru hesabla qələbə qazanan "Szent Benedek" növbəti görüşdə daha ciddi müqavimətlə üzləşib. 5 set davam edən qarşılaşmada Nikalina və rəfiqələri 3:2 (25:22, 19:25, 25:21, 21:25, 15:9) hesablı qələbə qazanmaq yarımfinala vəsiqəni təmin ediblər.

Komandasının növbəti mərhələni rəsmiləşdirdiyi matçda yığmamızın üzvü əvəzetmə ilə oynayıb. Başnakova meydanda olduğu müddətdə 8 xal qazanıb. O, rəqibi 7 dəfə hücumda, 1 dəfə isə blokda məyus edib.

Qeyd edək ki, bu mərhələdə tərəflər 3 qələbəyədək mübarizə aparırlar.