Qadın voleybolçulardan ibarət Azərbaycan yığmasının sabiq üzvü Yekaterina Jidkovanın yeni komandasının adı bəlli olub. "Rekord.az" xəbər verir ki, təcrübəli hücumçumuz karyerasını Macarıstanda davam etdirəcək.

31 yaşlı Ukrayna əsilli voleybolçumuz Macarıstanın "Bekescsabai" klubu ilə razılığa gəlib. Yanvarın əvvəlindən komandasının düşərgəsində olan Jidkova ilə artıq müqavilə imzalanıb.

Yeni komandasına bundan sonrakı oyunlarda böyük kömək olacağı gözlənilən hücumçumuz ilə müqavilə mövsümün sonunadək bağlanılıb.